الخميس والجمعة أجازة بدلا من الجمعة والسبت

[مستر طه أبوسمرة]

لماذا السبت عطلة رسمية من المدارس وكثير من المؤسسات الحكومية والبنوك والوحدات المحلية مع أنه أول الأسبوع ... وهو عيد اليهود وعطلتهم .... هذه دعوة للمطالبة باستبدال يوم السبت بيوم الخميس مع الجمعة ليكون آخر يومان في الأسبوع أجازة كما يوجد في بعض الدول العربية .... هل أنت مؤيد لهذه الفكرة

شارك برأيك

وهذه صفحتنا

http://www.facebook.com/groups/125876477499490?ap=1

[أ/اسلام المنياوى]

مع احترامى ليك بس موضوعك استفزنى وانا بحترم اى رأى

بس انت يعنى شفتهم نفذوا الطلبات المهمة

علشان نطالبه بالطلب ده

هتفرق ايه خميس من سبت بلاش تزمت كلها ايام ربنا

يعنى اللى هيغيب السبت هيبقى يهودى

معلش انا اتنرفزت عليك بس لانى عمال اقرى فى اخبار عن مشاكل للبلد وممكن تضيع البلد وربنا يستر

[مستر طه أبوسمرة]

أ/ اسلام المنياوي ... شكرا لإبداء رأيك , ولكن ما أثار الموضوع اننا في محافظة الشرقية بنطبق أجازة السبت في المدارس لأول مرة ..
فالموضوع بالنسبة لنا جديد , ويا سيدي اعتبره نوع من التغيير لان الكثيرين زهقوا من الكلام في الحد الأدنى والحوافز وخلافه...
أكرر شكري وتقديري .. وأنا آسف إن موضوعي استفز حضرتك.

[teacher_2]

هما لو قسمو ايام الأجازة بين الوزارات افضل
يعنى التعليم اجازة مثلا السبت والبنوك اجازة الخميس
كده نقدر نستفيد من يوم الأجازة نعمل اى مصلحلة تخصنا
الزراعه مثلا اجازة الأربعاء وهكذا

[yes388]

جممممممممممممممممممممممممممممممممممممممممممممممممم ممممممممممممممممره

[D.Ayman Hassan]

المشاركة الأصلية كتبت بواسطة teacher_2

هما لو قسمو ايام الأجازة بين الوزارات افضل
يعنى التعليم اجازة مثلا السبت والبنوك اجازة الخميس
كده نقدر نستفيد من يوم الأجازة نعمل اى مصلحلة تخصنا
الزراعه مثلا اجازة الأربعاء وهكذا

نفس الفكرة بتاعة ان الميكانيكية اجازة الحد والحلاقين الاتين وكده

[wahsh2008]

ومحدش يجرؤ انه يمس مصر

[محمدعبدالرحمن محمد]

المشاركة الأصلية كتبت بواسطة teacher_2

هما لو قسمو ايام الأجازة بين الوزارات افضل
يعنى التعليم اجازة مثلا السبت والبنوك اجازة الخميس
كده نقدر نستفيد من يوم الأجازة نعمل اى مصلحلة تخصنا
الزراعه مثلا اجازة الأربعاء وهكذا

أنا مع رأى حضرتك بس دى كلام غير مناسب فى هذه الأيام نخلينا فى الأهم أحسن تبقى فيه بلد أولا وبعد كده نتكلم فى أى حاجة

[sadq]

المشاركة الأصلية كتبت بواسطة أ/اسلام المنياوى

مع احترامى ليك بس موضوعك استفزنى وانا بحترم اى رأى

بس انت يعنى شفتهم نفذوا الطلبات المهمة

علشان نطالبه بالطلب ده

هتفرق ايه خميس من سبت بلاش تزمت كلها ايام ربنا

يعنى اللى هيغيب السبت هيبقى يهودى

معلش انا اتنرفزت عليك بس لانى عمال اقرى فى اخبار عن مشاكل للبلد وممكن تضيع البلد وربنا يستر

وليه تتنرفز عليه أصلا؟ هو قال حاجة غلط ، وبعدين البلد ولله الحمد بخير وفى تحسن وتعيش ربيع لم تشهده فى تاريخها وكل ما تشاهده هو أعراض لا بد منها والخير الذى حصل ويحصل وسيحصل إن شاء الله أعظم مليون مرة من الشر الذى يصاحبه ولا يوجد وجه للمقارنة بين مصر الآن ومصر قبل 25 يناير ، ونغمة البلد خربت والبلد ضاعت ورايحة فى داهية هذا كلام غير صحيح ولا ينبغى أن نروج له لأن مصدره معروف.

بالنسبة للموضوع فمن وجهة نظرى الكلام صحيح 100 % ولا ينبغى أن نتشبه باليهود فى إجازاتهم والأفضل أن نقتصر على يوم الجمعة لزيادة الإنتاج وإن كان ولا بد من إجازة إضافية فليكن يوم الخميس.

[أ/اسلام المنياوى]

استاذ/ طه

اسعدنى ردك باحترام واخجلتنى بادبك
وبارك الله فيك ولكل من يفكر فى افكار لمصلحة البلد


ثانيا الى الاستاذ / صادق

يا استاذى الفاضل بلاش تزمت يعنى احنا لم بنلبس بدلة ولا قميص وبنطلون ونسيب اللبس اللى كانوا بيلبسوه المسلمين زمان من جلباب و طاقية رأس يبقى اصبحنا اجانب

عمر الاسلام مكان متعصب و وينظر للمظاهر

احنا نشوف الصح فين ومش مشكلتنا انهم اجازة السبت
اقلك امتى نزعل ونقوم كلنا ونغضب لم نلاقيهم لغوا الجمعة وخلوها السبت يبقى كده تشبه باليهود

لكن لم نغيب السبت مع الجمعة عادى
زيه زى الخميس مع الجمعه مش هتفرق

وحلو اوى الاقتراح بتاع نخلى كل وزارة يوم علشان انا مثلا لم اغيب السبت فى التعليم الاقى شركة الكهرباء فاتحة ممكن اروح اخلص مصالحى لان باقى الاسبوع موجود فى المدرسة ولم باخذ اجازة الجمعة بيأخذوا معايا وباضطر استأذن من العمل واعطله علشان اخلص مصالحى

[mimi1234]

خلصنا كل مشاكل التعليم والمعلمين فاضلنا بس يوم الاجازة
يا راجل حرام عليك

[sadq]

أستاذ منياوى :
بلاش تسيب وتساهل .
يعنى هتقولى تزمت هقولك تسيب ، والأفضل من ذلك أن تلتزم بتعاليم دينك الذى نهاك عن التشبه بالكفار فيما يختصون به ومن أبرز ما يختص به اليهود على الإطلاق يوم السبت وليس لبس البنطلون.
فإن وجدت أنك لا تستطيع أن تقبل ذلك ولا زلت مصرا رأيك فلتحترم آراء الآخرين ولا تصادر عليها.

[أ/اسلام المنياوى]

المشكلة انك اعتبرتنى مش ملتزم بدينى

انا من اشد المؤمنين وملتزم

ومش شايف انى لم اغيب السبت يبقى مش ملتزم بدينى

وبعدين انت مش بتقول رأى

انت بتقول ان اللى يعمل كده ميبقاش ملتزم بدينه

انت عارف انت بتتهمنى بايه لمجرد انى اختلفت فى الرأى فى حاجة ملهاش دعوة بالدين انت بس اللى شايفه امر دينى

لا انا ولا انت هنفتى اذا كان ده حرام او لاء

والدين الاسلامى عمره مكان كده "الدين يسر" وليس معنى ذلك تساهل بل معناه ليس فيه عقد وتصعيب على النفس