|
|
|
#2
07-07-2011, 10:24 AM
|
||||
|
||||
اقتباس:
ما هو كل واحد فى وادى إنت بترد على الزباين وإحنا بندعى هههههههههههههه
__________________
حـقا ...انــه الموت ...أحــسهُ يـداعــب أنفاسى.. وينهش لحـظات عـمـرى .. كـان لى أمل فى البقـاء ولكن هــيهــات فقــد جــرى القلــم .. و سقطـــت ورقـــــتى انا حـتما قــادم الــيك و لكــن قــبل أن أرحــــل.. علــىّ ان اعـــــــــرف إلــــــى أيـــــــن الســــــبيل..؟؟؟
|
|
#3
07-07-2011, 10:35 AM
|
|||
|
|||
|
عقد أمس الثلاثاء, أمام أكاديمية البحث العلمي بالقاهرة, مؤتمرا صحفيا لدعم ومساندة المعتصمين من أوئل خريجي الجامعات المصرية والحاصلين علي درجات الماجستير والدكتوراة.
حضر المؤتمر الكاتب الصحفي محمد عبد القدوس والكاتب الصحفي محمود بكري رئيس تحرير صحيفة الأسبوع والمحامي نبيه الوحش, إضافة لعدد كبير من المعتصمين. من جانبه أكد الكاتب محمود بكري في كلمة ألقاها في المؤتمر, أن مشكلة المعتصمين هي مشكلة كل مصري علي أرض الوطن, وطالب المجلس العسكري وحكومة شرف بضرورة تبني قضية أوائل الخريجين والعمل علي إيجاد أسرع الحلول لها. |
|
#4
07-07-2011, 01:04 PM
|
|||
|
|||
|
السلام عليكم و رحمة الله و بركاته
يا جماعة انا عندي مشكلة و نفسي تساعدوني احلها لأني تايهة اقوي انا من الناس الي المفروض يتعينوا بالفعل قريب في التربية و التعليم و اسمي كمان نازل من ضمن الي هيتعيتوا في الجامعات ان شاء الله امبارح كان عندي مقابلة للسفر للكويت و الحمد لله ربنا وفقني و نجحت علي الرغم انهم بصراحة عصروني في بعض الأسئلة لكن مشي الحال الحمد لله المشكلة اني لازم اقدم اصول الورق يوم الأحد في الفندق و انا حاسه اني مش مرتاحة و هزعل قوي لو راح عليا التعيين سواء في المدرسة او الجامعة لأني طبعا انا مش ضامنة اني هارتاح هناك انا حتي اول ما رحت في الفندق و دخلت اللجنة حسيت ان التعامل كان صعب قوي كأني جايه اشحت منهم و ده حزني قوي و خلاني زعلانة و مش حاسه بطعم الفرحة في ناس بيقولوا اكبر دماغي من كل حاجة و اسافر و انا صليت صلاة استخارة بس لسه مش مرتاحة اني اسافر علي الرغم من مغريات السفر انا مش عارفة اعمل ايه كان نفسي تبقي ولدتي معايا الله يرحمها لأنها كانت هتقولي علي الافضل و الي يريحني انتم رأيكم ايه ايه الصح استني و مأقدمش ورقي لحد ماأشوف التعيين و أجل السفر و لا اسافر و يحصل الي يحصل ياريت يا جماعة تفيدوني يمكن في ناس عندها خبرة تساعدني و تقولي الصواب ايه |
|
#5
07-07-2011, 01:23 PM
|
|||
|
|||
|
اقتباس:
اقتباس:
والله الواحد فى حاجة زى كدة مش بيعرف يرد يقول اية بس هقولك على وجهة نظرى طالما رايحة شغل للخارج لازم تكونى مرتاحة نفسيا وانتى باين عليكى انك مش مستريحة وفى قدامك فرصتين اما التربية والتعليم او الجامعة ودة شغل حكومة اكيد وحضرتك قولتى انك صليتى صلاة استخارة ومش مستريحة بردوا فمن راى انك تقعدى وربنا يوفقك فى شغلانة كويسة داخل البلد ولا غربة ولا وجع دماغ بس فى الاخر بردوا دة قراركــــــــــــــــــ وربنا يوفقكم |
|
#6
07-07-2011, 02:56 PM
|
||||
|
||||
|
اقتباس:
لو السفر ده كان جه من سنة كنت قلتلك سافري وانت مغمضة يا ميرو .. لكن مادام السفر جه دلوقت يبقى انت محتاجة تفكري شوية .. أولا ممكن تسافري انهارده ولا قدر الله ماتستريحيش فترجعي بعد كام شهر أو بحد أقصى سنتين .. طيب وبعد كده موقفك هيبقى إيه؟؟ طيب ما انت كده هتكوني خسرتي تعيينك .. انا من رأيي تستلمي تعيينك هنا علشان تضمني مستقبلك وبعد كده الإعلانات مش هتخلص .. هتيجي تاني .. انا ماشي بمبدأ من زمان هو (الفرصة مهما كانت حلوة مادام مش في وقتها تبقى مش بتاعتي) .. طيب بس انا عاوزك تعملي حاجة .. انت معاملة الناس ليكي في الاختبار ده أمر عادي على فكرة وده الطبيعي .. وانت هناك ممكن تلاقي بعض المعاملة اللي فيها تضييق بس مادام انت متمسكة بثقتك في نفسك ومعتزة بروحك محدش هيقدر يقلل من قيمتك .. والفلوس بتعوض كده .. انت لما تسلمي أصول ورقك هيبعتولك تسافري إمتى ؟؟ أكيد بعد العيد .. وبعد العيد هتكوني استلمتي تعيينك على معلم في التربية والتعليم .. من تاني يوم استلام ليكي على معلم روحي المديرية وارميلهم صورة معتمدة من العقد وسافري .. تقدري تعملي اجازة من غير مرتب .. يعني انا من الكلام ده كله قصدي انك لو استلمتي تعيينك معلم قبل موعد السفر سافري أما لو موعد السفر جاء قبل ذلك فمعلش خيرها في غيرها .. انا حسيت من كلامك انك مش عاوزة تسافري .. انا باقولك الحسبة دي أضمن ..
__________________
مع تحياتي ... د. عبدالرحمن المنياوي
|
|
#7
07-07-2011, 11:09 PM
|
|||
|
|||
اقتباس:
لانى متابع الموضوع من اكثر من 3 اسابيع بالنسبة للاخت ميار احب اوضح ليكى نظام المدرس بالكويت باعتبار انى مقيم بها حاليا اقامة عمل حيث اعمل محاسب اولا راتب المدرس لا يقل عن 10000 الاف جنيه مصرى بخلاف اجازة الصيف تاخذى راتبها مقدما بالاضافة للسكن ثانيا نظام العمل هنا يعتمد على قدرتك فى مواجهة متاعب الغربة وقدرة تحملك وصبرك على فراق الاحبة هذا ماا يتعلق بالكويت ولكن من وجهة نظرى اتمنى ان تكونى هنا معنا ف بلدك مصر فلكم اتمنى ان تحتضن مصر كل متفوقيها ولتعلمى يا اختى اننى منتظر ان يبدأوا اجراءات التعيين وسارجع الى بلدى فهى لها الحق على ان اعمل فيها فالمال ليست غاية وانما وسيلة وجهة نظرى ان تنتظرى فاذا جاء التعيين فبلدك ترحب بك اما اذا حصل غير ذلك فانتظرى العام القادم فالكويت ومسابقات المدرسين كل عام حتى وان تعينتى ف مصر ولم يعجبك العمل ممكن ان تقدمى العام القادم ف الكويت وربنا يكرمك وتعملى حفظ وظيفة وتسافرى يمكن كمان تجوزى وتاخدى جوزك معاككى لانه ف الكويت المدرسة لها الحق ان تصطحب زوجها معها اقامة دائمة وف النهاية لا يسعنى غير قول وحيد ما خاب من استشار واعلمى ان علامة الاذن ف الاستخارة التيسير ابوى قالى ذاكر كويس يمكن تطلع من الاوائل من خيبتى شديت حيلى وطلعت زى وائل وائل دا ابن العميد اللى بقى اصمله عليه معيد لاذاكر كلمة ف مقرر يوم النتيجة تلاقيه الاول حالف مايسيب المرتبة وطمعان كمان ف المخدة عمرى ما شفت ف محاضرة وتقديره عال العال حظه كل سنة عالى وانا اللى حظى مال ما انا ابوى مش محافظ ولا ابوى صاحب مال وف سنة رابعة طلعت الاول مكرر عارفين طبعا اول مع مين مع وائل ابن الناس الطيبين رشحوا وائل معيد ويومها عرفت انى كنت عبيط هدموا حلمى ضيعوا مستقبلى وبقيت من الفاشلين |
|
#8
08-07-2011, 01:12 AM
|
|||
|
|||
|
اقتباس:
|
|
#9
08-07-2011, 01:04 PM
|
|||
|
|||
|
السلام عليكم ورحمة الله وبركاته ......بالنسبه للاخت ميار ....انا رأيى بصراحه مايختلفش عن رأى كل اصحابنا الافاضل اللى اتكلموا ....فعلا استنى تعيينك هنا وربنا يكرمك ولو لاقدر الله مارتحتيش ابقى فكرى فى السفر وادعى دايماا ان ربنا يقدرلك الخير مين عارف يمكن شغلك هنا بالرغم انه اقل مادديا من برا لكن ممكن تلاقى فيه السعاده والبركه اكتر من برا ....وبعدين انتى عملتى استخاره ورد الاستخاره مش شرط يكون حلم تحلميه لكن ممكن تيسير الامور ليكى لو الموضوع خير وأعتقد ان اجتماعنا كلنا على رأى واحد ده برده ممكن يكون رد لصلاة الاستخاره كأن ربنا بيقولك استنى أفضل ليكى يعنى انا مثلا لما كنت محتاره اكتب فى الرغبات فى التنسيق بيطرى الاول والا علوم عملت استخاره ولقيت امى بتصحينى الصبح هى واخواتى بيقولولى اصحى يادكتوره وحسيت بارتياح للموضوع ولقيت ناس بتذملى فى علوم قنا تحديدا وكل ده فى نفس اليوم والحمد لله دخلت بيطرى اى نعم انا ماتعينتش فى الكليه ولا بشتغل شغل خاص لكن الحمد لله كل الناس اللى درسولى فى الكليه كويسين جدا معايا وبستشيرهم فى امور كتير ولو ماطلعتش من الكليه كلها غير بيهم بردوا كفايه عليا.......ربنا يكرمك وييسرلك الحال ويهديكى لما فيه الخير والفلاح ليكى ....آمين
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:22 PM.
