رسالة من معلم مسيحى الى المسلمين المحترمين

[icdl_man]

مش عارف ليه الناس بقت فى المنتدى ده بالشكل الغير لائق
لقد كان الحب و الود هو السمة الغالبة على المنتدى و اصبح تدريجياً ساحة للمعارك و القتال

ان شايف ان كل الأخوة بيجرحوا فى بعض
و نسينا أننا حملة شعلة انارة و علم للشعب كله

موضوع ساويرس غلطان و لا مش غلطان مش سبب الناس تولع فى بعض
اللى عايز يقاطعه يقاطعه بس ما يولعش فى البلد

الناس من الطرفين لازم ينهوا هذه الفتنة و كفاية التصريحات اللى تحرق الدم من الجهتين

مصر بلد لكل المصريين و ليس للمسلمين و حدهم و لا للمسيحين لوحدهم

فى دول نفسها تولع الدنيا و تقعد تتتفرج

يا ترى انتم عايزين مصر لبنان و لا ليبيا و لا سوريا و لا السودان و لا ولا

الدور حيجى علينا لو فضلنا كده

فلنكن على قدر المسئولية

و لترجع يا منتدانا قبلة لكل المعلمين و ليخرج الفاسدين و ليعم السلام مصر اللهم آمين
و شكراً

اللى يحب مصر ما يولعش فى مصر