احنا ليه مصرين على الاعتصام في المكان الغير مناسب

[ميرو 16]

شيخ الازهر قال 100 مرة انه مش في ايديه حاجه وان الموضوع في ايد التنظيم والاداره يبقى بنعمل ايه عند المشيخه ؟؟
المفروض نتجمع ونروح للتنظيم والاداره

[مسترh]

فعلا الراجل دا احنا حطناه ف قالب لا يستحقه

وظننا فيه خيرا ليس له بأهل


لا تنظيم ولا اداره هو دا حال مصر والمصريين

[mano2010220]

يا جماعه والله الحل فى التنظيم والاداره اضغطوا عليهم المشكله مش فى الازهر
المشكله فى التنظيم والاداره اضغطوا عليهم زى التربيه والتعليم ونتحد يا ريت نتحد يا ريت ما نبقاش متخاذلين كده

[ساري عزت]

توضيح هام

اموضوع كلة في ايد شيخ الازهر شيخ الازهر لو اراد التثبيت في كذا طريقة ممكن يعملها للضغط علي التنظيم والادارة ومن غير مايدخل متعاقدي الازهر في مشاكل مع الجيش والدولة
ممكن يطالب بفصل ميزانية الازهر عن الدولة طالما مفيش خدمات للازهر وفي طرق كتيرة وممكن يضرب عن الطعام زي ........
ياجماعة شيخ الازهر لة صلاحيات كتيرة جدا بس هو مش عارف يستغلها
والله كل حاجة في يد شيخ الازهر

[الاستاذة نجلاء علي]

طيب ماشي بس هي فين الاعداد عشان تروح المشيخة و لا التنظيم و الادارة بجد الله يكون في عون اللي بيروحوا الاعتصام كل مرة و لا يجدوا الاعداد المرجوة

[mano2010220]

بجد الله يكون فى عونهم والله انا لو كنت راجل كنت رحت معاهم وحسبى الله ونعم الوكيل فى اللى عمل فينا كده سواء فى المشيخه او صفوت النحاس ربنا المنتقم

[الباشا احمد الشريف]

يااااااااااااااااااااااااااااا رب

[الأستاذ أحمد راشد]

المشاركة الأصلية كتبت بواسطة نسمة احمد محمد

طيب ماشي بس هي فين الاعداد عشان تروح المشيخة و لا التنظيم و الادارة بجد الله يكون في عون اللي بيروحوا الاعتصام كل مرة و لا يجدوا الاعداد المرجوة

يا نسمة انتى جبتى من الاخر


لما يكون فى اعداد نقدر نعمل حاجة لو كنا فى اى حتة

المكان مش مشكلة


المشكلة العدد


وما حدش يقول لى ما روحتش المرة دى ليه

[أزهرية وافتخر]

المشاركة الأصلية كتبت بواسطة أبو عبدالله 2011

يا نسمة انتى جبتى من الاخر


لما يكون فى اعداد نقدر نعمل حاجة لو كنا فى اى حتة

المكان مش مشكلة


المشكلة العدد


وما حدش يقول لى ما روحتش المرة دى ليه

عندك حق استاذ احمد راشد

[ميرو 16]

للاسف في ناس كتير مش مهتمة بالتثبيت لانها مش فارقه معاهم

[الأستاذ سامي المنوفي]

على البركه هو فين أصلا الأعتصام

[محمد عطية حامد]

أتمنى على شيخ الأزهر أن يعلنها صراحة ما المشكلة التي تمنع من تثبيت المتعاقدين
أتمنى أن يكون هناك صراحة
أعتقد أنها ليست أمورا عسكرية حتى لا تعلن
أتمنى يكون في تواصل من شيخ الأزهر مع أبنائهم ويقول لهم المشكلة في أيه كي نستريح
أتمنى من شيخ الأزهر أن يترك نفس أسلوب النظام السابق في عدم الوضوح والشفافية والتجاهل الذي يتعامل به مع الشعب
أتمنى أن يكون هناك أثر واضح للثورة يبين لنا أن هناك أسلوب جديد في التعامل مع الشعب والشفافية
أتمني........................
أتمني........................

أمنيات كثيرة بس أنا عارف أنها كلها خيال في خيال ولن تتحق أبدا طالما نعيش مع نفس شخصيات العهد السابق وبنفس العقليات
السابقة المتحجرة الخائفة .
وأخر شيء أتمنى أن يوضع جميع المسئولين في نفس موضعنا حتى يشعروا بنفس شعورنا
اللهم اخسف بمن ظلمنا الأرض ودمرهم تدميرا ولا تبقى منهم أحدا