قرر منظمو وقفات المطالبة بتثبيت معلمى الاجر بالبحيرةاستمرار الوقفات ليوم السبت

[تائب الى الله]

هى دى مشكلتنا للاسف خبر غير موثوق من صحته والكل يصدق ويرسل التهانى والكلام ده كل كذب بالله عليكم فوقوا بقى انتوا ما فيش حد فيكم بيتابع اللى بيحصل ليه احنا اتبهدلنا واتهانت كرامتنا واضربنا من الجيش والامن المركزى وكانه ماكانش فيه ثورة ضد الظلم والاستعباد وخلو ابالكم قالولنا فى المديرية والمحافظة ان ما فيش حاجة اسمها تثبيت الميزانية ما تسمحش واخر كلام انكوا هيتعملكم عقد ب105 جنيه افرحوا بقى وخليكم قاعدين فى بيوتكم سلبيين تلهثوا وراء قيل وقال بس والله احنامش مسامحين اى مدرس سلبى بيضيع حقوقنا وبيعرضنا كلنا للاهانة والبهدلة كانه راضى باللى بيحصل. حسبنا الله ونعم الوكيل فى كل مدرس ساكت عن حقه.
وقد وعدنا الحاكم العسكرى فى المحافظة ببحث موضوع العقد المميز مع اعطائه فرصة ليوم السبت القادم
وان نوقف الاعتصامات ولكن راينا ان نواصل الوقفات السلمية حتى نحشد اكبر قدر ممكمن من المعلمين ليوم السبت, والله الموفق فكفانا خذلان وبلاش نبيع القضية ونقول اللى هيرسى على غيرنا هيرسى علينا
لان ذلك يعد خيانة للزملاء,وسلبية مكروهة.

[ابو تسنيم المنياوى]

اولا اللي هايتعينوا مش بياخدوا 105
ثانيا;الخبر ده للناجحين في الكادر
ثالثا:لو حضرتك بالحصه وكملت 3سنوات هاتبقي معلم مساعد
اخيرا لوحضرتك مش مستوفي الشروط بلاش تقوم بتكذيب الناس اللي بتتعب نفسها وتجيب لنا الاخبار

[Mr/Ali Aswan]

احنا وراكي مفيش الا المظاهرات والوقفات والشكاوي والتظلمات هيه اللي هتجيب حقوقنا المهدره كفايه اهانه للمعلم هوه المعلم ده خريج جامعه امريكيه ومعاه فلوس وميفرقش معاه المرتب وله ايه لازم تبقه مرتباتنا زي اي موظف حكومي في البترول والضرايب والبنوك همه مؤهل عالي واحنا كمان همه ثانويه عامه واحنا احسن منهم

[راجحه]

صلوا علي النبي يا جماعة انتم محافظة اية؟
انا محافظة كفر الشيخ ووصل الادارات النهاردة قرار بتثبيت جميع المتعاقدين والعاملين بالحصة ممن امضي 3 سنوات اعتبارا
1/7 المؤهل العالي علي اول مربوط الدرجة الثالثة وده خبر اكيد لاني جبت صورة من القرار