وبدأت الامتحانات تكون او لاتكون !!

[مؤمن الغايش]

بدأت بالفعل فعاليات امتحانات الشهاده الثانوية الازهريه

بكلا قسميها العلمى والادبى

والجميع على اهبه الاستعداد

الاباء والامهات قلوبهم تحترق كل لحظه

يخافون على أبنائهم وبناتهم

مستقبل كل منكم الان

بيده يحدده وكل شيئ بيد الله قطعا

اجتهد ابذل كل ما فى وسعك

اتعب

اسهر

اجهد نفسك

وما نيل المطالب بالتمنى

من طلب العلى سهر الليالى

لا تحسبن المج تمرا انت ىكله لن تبلغ المجد حتى تلعق الصبر

طبق مش مهم انك تنام

يا لهوى ده أنا لسه مخلصتش هو انا الحق الم نفسى

تلحق طبعا ليله المده لو مش فتحت استعن بالله كده وموت نفسك مش تنام ابذلى كل الى تقدر عليه فيها صدقنى ربنا هيكرمك فيها وهتشوف

المهم بجد انك تتعب تجتهد

تبذل كل الى فى وسعك

مش تقصر

كلها كام يوم

أسبوعين ثلاثة شهر

بص مبنى عليها مستقبل كله

كل الايام الى جايه فى حياتك مبنيه على الكام يوم دول

يبقى لما تموت نفسك فيهم ايه يعنى

ما انته ياما نمت

انتى ياما نمتى

يا ارتحت جيه اليوم انك تتعب بقى

مش عيب انك تتبق مذاكره

العيب بجد انك تبقى سلبى تبقى مش ليك لازم مصاريف وتعب وأب بيموت وام قلبها يتحرق وانته ولا هنا قمه البرود

ده فعلا العيب

العيب انك مستهتره همك قبل ما تروح الامتحان قبل مذاكرتك همك شكلك والمرايه طب يا ستى ذاكرى الاول

ده فعلا العيب


مقصره فى ماده مثلا انته حاسس انك مقصره فيها وضايع فيها خالص

ليه مش تيجى ليله الماده دى

وتقول يارب أنا مقصره فيه

لكن انا هموت نفسى

لازم اقفلها

لازم أطبق يوم

تسهر مش تنام لحد لما تخلص أو على الاقل تعمل الى تقدر عليه فيها

هكلمكم على تجربه شخصيه

حصلت معايا الاسبوع ده

كان عندى يوم الاتنين الى فات

أربع امتحانات عملى فاينل

متخيلن اربعة فى يوم واحد

الماده منهم بموادكم كلها

أنا بقى قلت لازم اطبق علشان اذاكر ال 4 كويس جدا

وفعلا مش نمتليلتها ولا دقيقة أقعدت اذاكر لحد الفجر صليت الفجر وجيت كملت مذاكره

مش هقولكم انى خلصت ال4 مواد لكن بجد كل الى أقدر عليه فيهم عملته

والله والله والله العظيم

رحت الامتحانات ا4 مواد قفلتهم بمعنى قفلتهم

كنت بحس انى القلم بيكتب لوحده

وكان فيهم ادتين شفوى عارفيني عنى اية شفوى

مش شفو وبص الى كان بيمحتن دكتور مش دكتور وبص ده استاذ دكتور كمان مش كده وبس ورئيس قسم كمان لكن كن مع الله
ولا تبالى

مذاكرتى مثلا كانت 70 لكن لما ربنا شاف انى عملت الى اقدر عليه كرمنا فيهم آخر كرم

كل الى انا قصدى

انك تتعب نفسك

بحيث لما النتيجه تظهر تقو ليارب أنا مقصرتش

مقرتش فى حق ربنا

فى صلاتك اوعى تضيع فرض منك

اوعى تقول ده انا عندى امتحان بكره والعصر اذن لا هذاكر اوعى طز وميت طز فى مذاكرتك صلاتك اهم

اوعى تكونى بتذاكرى والمغرب يأذن قومى صلى فورا وبعدين كملى

ظبطوا علاقتكم مع ربنا هيظبط ليكم كل حاجه

اتعب موت نفسك

انته شايف الاب الجميل ده

شايف الام العظيمه دول

بالله عليكم دول كل الى عملوه ليك طول السنة

كل التعب وكل الجهد وكل المصاريف

مورفرين ليك كل حاجه

مش حقهم يفرحوا بيك

مش حقهم يفرحوا بيكى بقى

مش حقهم انك تموت نفسك علشان ترضى ربنا ثم ترضيهم

يااااااااااه

اوعى تفرط اوعى تلعب الكام يوم الى جايين دول

صدقنى موت نفسك اتعب اسهر اجهد نفسك

لازم تتعب علشان ترتاح طول عمرك

الشهر ده مستقبلك كله

بدل بعد كده ما تقولى ياريت الى جرى ما كان

ياريتنى ذاكرتنى يا ريتنى وياريتنى

بس ساعتها مش هينفعك الندم

فرصة قدامك فرصة عمرك مش هتتكرر تانى

ارفع شعار اكون او لا اكون

سيبك من اى حاجه صلاتك مذاكرتك دول اهم حاجه

خليك دايما مع ربنا

اعمل الى عليكى ومش تقصر صدقنى ربنا هيكرمك ىخر كرم

كلها شهر موت نفسك فيه

بعدين ترتاح دول عمرك

بدأت الامتحانات تكون او تكون

أنت وحدك الذى يعرف الاجابه

فهل يا ترى تكون

أو لا تكون !!!!!!!!!!!!!!!!!!!!!!!!!!!


مؤمن

مدينه نصر-جامعة الازهر

[medompa]

شكرا ليك جدا على حماسك لينا فعلا ربنا يكرمك

ويكرمنا

من طلب العلى سهر الليالى

[ahmedhe]

واضح من توقيعك انت مروق اعلى روقان فى مدينه نصر ههههه ربنا يبارك فيك

[مؤمن الغايش]

هذا واجبى تجاه اخوتى وفق الله الجميع الى ما يحبه ويرضاه

[مؤمن الغايش]

ربنا يبارك فيك

مروق على ألاخر هههههههههههه حلوه مروق

ربنا يخليق يعنى مش آوى يعنى دى صوره عاديه يعنى