سؤال محيرنى ادبى ولا علمى؟؟!

[NoNa_Nup]

السلام عليكم

انا ف اولى ثانوى وخلاص هملى الاستمارة قريب جدا ومحتارة جدا لحد دلؤتى ادخل ادبى ولا علمى انا كل ماحد يكلمنى ادخل علمى اقتنع وحد يكلمنى ادخل ادبى اقتنع انا ف البداية عايزة ادخل هندسة ولكن بيقولولى انها كلية متعبة جدا للبناات وبصراحة انا اقتنعت وانا مش من النوع اللى يموت نفسة ف المزاكرة .. غير كدة انا بحب المودا الادبية جدا كماان بس الكليات العليا ف الادبى اللى عايزة ادخلها زى سياسة واقتصاد ف القاهرة وانا من اسكندرية وصعب بالنسبالى السفر ولكن ....انا عايزة حد يقولى كلام مش متكرر ويكون محايد .. وكمان عايزة اعرف هو السنة الجاية هيلغو التحويل من علمى لادبى ولا لا ؟؟!!

[Nada Dody]

بصى على حسب ميولك و على حسب الكلية اللى نفسك تدخليها تحددى ادبى او علمى
و طالما بتحبى المواد الادبية جدا خلاص توكلى على الله و ادخلى ادبى و ربنا يوفقك
اما بالنسبة انهم يلغوا التحويل فالله اعلم انا سمعت كدة السنة اللى فاتت و رجعوا قالو لا
عالعموم كله هيبان و هنعرف ماتستعجليش
ربنا معانا

[sad nono]

السلام عليكم ..
انا هقول لحضرتك حاجة مهمة اوي ،، ان اكتر من تسعين في الميا من حالات الاحباط في البشرية كانت بسبب
كلام الناس .... يا حبيبتي انتي مالك ما اللي يتكلم يتكلم انتي عندك حلمك انك تدخلي هندسة كل واحد حبطك هو حر
لكن نصيحة متضيعييش حلمك كدا بسهوولة

واهم حاجة انك تفوضي امرك لربنا وتستخيريه وربنا ان شاء الله هيقدرلك الخير ..

بالتوفيق ان شاء الله

[hobahoby]

انا اخترت علمى اختار اللى يعجبك عشان متندمش عشان مفيش حاجة اسمها صعب كلة سهل بالمذلكرة

[waleedabu]

زى ما قلولك شوفى عايزة كلية اية وامكانياتك اية وبتحبى اية ؟ وحددى يعنى انا بحب المواد العلمية عشان كدة هدخل علمى

[Dr.Nariman]

بصي ياحبيبتي هقولك على نصيحة ووالله ماقصدي اتريق ولا حاجة لكن بجد الأدبي ملوش مستقبل إذا كان بتوع علمي بيتخرجوا مبيلاقوش شغل فمابالك بأدبي لدرجة ان في محافظات مافيهاش الا 4 ولا 5 بس ادبي في المحافظة كلها
راجعي نفسك كويس قبل ماتخشي أدبي لأنه فعلا فعلا ملوش مستقبل
وملكيش دعوة باللي يقولك هندسة صعبة مافيش حاجة اسمها صعب كله سهل بعون الله وحوله وقوته
اتوكلي على الله كدا وهو هيعينك إن شاء الله
وربنا يكتبلك كل خير

[Mouslima]

طالما بتحبى المواد الادبيه يبقى ادخلى ادبى

ثانياًَ مفيش حاجه اسمها صعب عليا السفر لانه اطلبوا العلم ولو فى الصين

وانا دخلت علمى ونفســـــــى ادخل كلية صيدله جامعة عين شمس او القاهره او أسيوط

ومن رأيي انك تذاكرى بإيدك وسنانك لان دى فرصتك عشان تحققى حلمك ومفيش حاجه اسمها مستحيل

ودى مره واحده فى حياتك يعنى احسنلك ذاكرى بدل ما تندمى وتقولى يا ريت اللى جرى ما كان

[سما 94]

NoNa_Nup

حبيبتى كل واحد عارف مقدرته يعنى انتى لو مش قد علمى متدخليش

بس لو قده وحاسه انك هتحققى حاجه بيه ادخليييه

كمان الأدبى صعب للى مش بيعرف يحفظ>> ده بعد الفهم طبعا

يعنى الأدبى مفيهوش استهتار بردو

انتى قررى وادعى ربنا انه يوفقك ويكون بعونك

ربنا يحققلك كل اللى تتمنيه