حكاية مدرسة الفن والهندسة ( أرجو التثبيت)

[Arkenine]

هذة المعلومة لا يعرفها الكثيرون من عشاق فرسان ميت عقبة ... وهى إن دلت على شىء تدل على أن الأهلى منذ تأسيسه وهو يلقى معاملة (خاصة) من المسؤولين وأصحب السلطة وإليهم يرجع الفضل فى غالبية البطولات التى حصل عليها .

ترجع الحكاية إلي عام 1928 .. وقتها رفض لاعبو الأهلي الصعود إلي المنصة لتسلم ميداليات المركز الثاني في نهائي كأس السلطان فؤاد التي فازت بها الترسانة .. ولأن الأهلي في ذلك الوقت كان النادي المدلل للسلطان فؤاد فقد عجز اتحاد الكرة عن عقاب لاعبي الأهلي ورد الأهلي الجميل بأن قدم كبش فداء يتم عقابه وحده وكان هو اللاعب العظيم حسين حجازي الذي انتقل للأهلي من الزمالك ..
ورفض حسين حجازي أن يكون هو ضحية الغرام المتبادل بين الأهلي والملك .. فقرر حجازي العودة مرة أخري لصفوف الزمالك .. وقرر أن ينتقم أيضا .. وكان أجمل وأغرب انتقام في تاريخ الكرة المصرية .. فقد طاف حسين حجازي بمدارس القاهرة لاختيار تلاميذ أصحاب مواهب كروية يتحدي بهم نجوم الأهلي ولاعبيه الكبار وبهؤلاء التلاميذ لعب حسين حجازي باسم الزمالك أمام الأهلي .. وفاز التلاميذ علي الأهلي بهدف جميل أحرزه تلميذ جديد اسمه محمد لطيف .. وخرج الجمهور من الملعب يردد ويتحاكي كيف فاز فريق المدرسة علي فريق الأهلي بنجومه الكبار .
ولكن لم يولد الهتاف التقليدي رغم ذلك نصفه فقط أي الزمالك فريق مدرسة ثم كان لابد من الانتظار طويلا حتي يكتمل النصف الثاني من الهتاف الزملكاوي التقليدي ففي يونيو عام 1952 باع الزمالك عشرين شجرة من حديقته بألف جنيه أعطاها لأحد المقاولين من أنصاره ليبني مدرجات جديدة علي أن يدفع هذا المقاول بقية التكاليف من جيبه الخاص .. وبالفعل أتم المقاول البناء في الوقت الذي توالت فيه انتصارات الزمالك علي الفرق الأجنبية ( أوستريا ورد ستار وهونفيد ).. فكان لابد من تعبير جماهير الزمالك عن امتنانها للاعبين وانتصاراتهم وللمقاول وتضحيته فاكتمل بذلك الهتاف التقليدي لأول مرة وأصبح .. يا زمالك يا مدرسة لعب وفن وهندسة ..

[مستر محمد أيمن]

شكرا على هذا الموضوع الجميل.الزملك طول عمره عظيم والكوسة والقرع لها ناسها الذين يحصدون البطولات غير المستحقة. ومازلت مصر حتى الأن تعانى من هذه الفئة.

[amira elnaggar]

شكرا على المعلومات الجامدة دى

[بنت الزمالك]

نايسسسسسسسسسسسسسسسسسسسسسسسس توبيك ويستحق التثبيت يا زملكاوي

[mido10101]

انتوا بتوع كلام

[Arkenine]

المشاركة الأصلية كتبت بواسطة مستر محمد أيمن

شكرا على هذا الموضوع الجميل.الزمالك طول عمره عظيم والكوسة والقرع لها ناسها الذين يحصدون البطولات غير المستحقة. ومازلت مصر حتى الأن تعانى من هذه الفئة.

شكرا جزيلا على رد حضرتك ..

المشاركة الأصلية كتبت بواسطة amira elnaggar

شكرا على المعلومات الجامدة دى

العفو ، وأسعدنى مرورك العطر .

[Arkenine]

المشاركة الأصلية كتبت بواسطة بنت الزمالك

نايسسسسسسسسسسسسسسسسسسسسسسسس توبيك ويستحق التثبيت يا زملكاوي

تسلمى يا بنت الزمالك .......

[Arkenine]

المشاركة الأصلية كتبت بواسطة mido10101

انتوا بتوع كلام

على فكرة حضرتك مستفز جدا ، أولا القسم ده للزمالك والزملكاوية فقط ، ثانيا لما تحب تعلق على الكلام تعلق بموضوعية شوية ...... ( انتوا بتوع كلام ) تقدر تقولى إيه المقصود بالجملة بالضبط ؟؟!! ...... الموضوع هنا بيعرض وقائع تاريخية توضح أمر واقع منذ نشأة النادى الأهلى حتى الآن ، ونحن عندما نتكلم يكون كلامنا فى محله وموثق بالوقائع الصحيحة ولا نتكلم أرسالا فتذهب عباراتنا أدراج الرياح وبدون معنى إن دلت على شىء تدل على ( قلة العلم ) ، ع العموم أسعدنى مرورك .

[Golden Eagle]

في ورق رسمي أو دلائل ع الكلام دا ولا كلام من مصدر مسئول ؟؟؟

[Arkenine]

يا سيدى ، حكاية الهتاف دى مشهورة جدا وتقدر تبحث عنها وتتأكد من مدى صحتها بنفسك ، وبالنسبة للمصدر اللى أنا ناقل منه كتاب ( زملكاوى ) لعمر طاهر بمناسبة المئوية .

[Golden Eagle]

المشاركة الأصلية كتبت بواسطة arkenine

يا سيدى ، حكاية الهتاف دى مشهورة جدا وتقدر تبحث عنها وتتأكد من مدى صحتها بنفسك ، وبالنسبة للمصدر اللى أنا ناقل منه كتاب ( زملكاوى ) لعمر طاهر بمناسبة المئوية .

أنا مش مهم بالنسبالي حكاية الهتاف طلع زي ما طلع و كل واحد حر
أنا ع الفوز ع الأهلي بتلاميذ
و هو الأهلي أصلا ً قبل يلعب كدا ضد تلاميذ من غير مقابل مادي ؟؟؟ و ما خافش حد لحسن لاعيب مهم يتصاب ف ماتش مالهوش لازمه ؟؟؟
إستفسارين لو وضحتهملي يبقي هاتقنعني
+
ماينفعش لما أسألك عن مصدر تقولي دور
إنت بتقول الأهلي خسر
يبقي البينة علي من إدعي يا حج

[Arkenine]

المشاركة الأصلية كتبت بواسطة Golden Eagle

أنا مش مهم بالنسبالي حكاية الهتاف طلع زي ما طلع و كل واحد حر
أنا ع الفوز ع الأهلي بتلاميذ
و هو الأهلي أصلا ً قبل يلعب كدا ضد تلاميذ من غير مقابل مادي ؟؟؟ و ما خافش حد لحسن لاعيب مهم يتصاب ف ماتش مالهوش لازمه ؟؟؟
إستفسارين لو وضحتهملي يبقي هاتقنعني
+
ماينفعش لما أسألك عن مصدر تقولي دور
إنت بتقول الأهلي خسر
يبقي البينة علي من إدعي يا حج

أولا التلاميذ دول كانوا بيلعبوا بإسم الزمالك ، و حضرتك مش فاهم الوضع ساعتها ، الدورى ما كانش لسه إبتدأ ، وكانت البطولة الوحيدة هى بطولة كأس السلطان ( كأس مصر ) ....... وكانت الأندية بتقبل المباريات الودية لأنها كانت فاضية طول السنة أساسا ، لم يكن هناك أى بطولات أخرى علشان اللعيبة تخاف على نفسها من الأصابات ، لأنهم كانوا ( رجالة )، ولم يكن هناك مباريات هامة وأخرى غير هامة ، لأن المباريات بين الأهلى والزمالك كانت مباريات ( كرامة ) أولا وأخيرا ، فمينفعش الأهلى يرفض مباراة طلبها الزمالك زى ما الزمالك ما يقدرش برضه ، لأن ده كان كفيل بالأطاحة بشعبية الفريق وهيبة نجومه .. و ده بدوره بينفى حكاية المقابل المادى ، لأن اللعب هنا على إثبات الذات وليس على تحصيل الأموال ، خاصة إن اللعيبة نفسهم كانوا يدوب بيتحصلوا على ما يعيشهم مش زى دلوقت ، وماكانش فيه تلفزيون أو راديو حتى بينقل الماتش .. وبالنسبة للمصدر أنا ذكرته ، كتاب ( زملكاوى ) ل عمر طاهر ....... تحياتى .....

[mido10101]

الاهلى طول عمرة كبير موتوا بيغظكم

[Arkenine]

المشاركة الأصلية كتبت بواسطة mido10101

الاهلى طول عمرة كبير موتوا بيغظكم

إحنا برضه اللى هنموت بغيظنا بدليل إنكم بتدخلوا فى موضوع لا يخصكم ، وتحاولوا إخراج بعضا من الحقد الذى بداخلكم ...... حقيقى أنا مشفق عليكم ، ربنا يشفيكم .

[Super Teacher]

الحقد والظلم والرشاوى والقساد ونهب الأموال العامة كله ده وبرضه بيتكلموا
فاسدة يا بلدييييييي!!!!!