أخبار اللجان ايــــــــــــه

[نصر غزه]

الحقيقه يا جماعه الغش السنه دي حاصل بطريقه فظيعه بجد انا مش شوفت غش بالشكل ده قبل كده

كتب تدخل في الفيزياء وعادي خالص كأنه امتحان كليه (open book)
وكان اصعب يوم عليا في الامتحانات دي هو يوم الفيزياء الصوت كان عالي ومش كنت عارف اركز في المسائل لدرجه اني والله كنت عايز اسيب الورقه واقوم من الظلم اللي انا كنت شايفه
وقاعد اخبط علي الدسك اصل انا خجول شويه ان استاذ يعبرني ويوقف المهزله اللي كانت حاصله دي ,لا وفي الاخر تصوروا المراقب يجي يقولي ايه؟؟؟ ناقصلك حاجه يا حبيبي ؟اجبلك سؤال ؟اجبلك كتاب؟ وكانت اجابتي لا يا استاذ انا كل اللي انا عايزه هدوء بس ولكن لا حياه لمن تنادي,,,والله انا بكيت في اليوه ده وانا قاعد في اللجنه المراقب قاللي روح اغسل وشك والله رجعت هديت لثواني بس والله العظيم بعدها حليت المسألتين اللي كانوا فاضلين واستغربت من سهولتهم ازاي انا ضيعت فيهم وقت كتير؟؟
والغريب ان في ناس تعبانه طول السنه وعليها ضغط عصبي ونفسي رهيب بجد دي سنه رهيبه عليا ..انا والله جالي الضغط
وناس تانيه بقا منها لله يعني يغشوا ويحلوا ويطلعوا فرحنين واحنا نطلع منكدين ليه؟؟
اصل الوقت مقضاش علي الرغم من ان الوقت المفروض مناسب لكن من الصوت العالي مش بيبقي في تركيز....
لا والاغرب بقا ان كل اللجان كده يعني كل المراقبين كده زي ما يكون في توصيه بالغش .....
حسبي الله في المراقبين والطلبه اللي بيستغلوا اي فرصه انهم يضروا غيرهم.........
......والله انا حزين علي الازهر وعلي اللي بيحصل فيه دلوقت....