الى الفئات الضالة

[شعبان جريس]

يا بتاع الفئة الضالة
بذمتك هو ده فاكس برده

[محمد فتحى شريف]

الاستاذ الفاضل فتحى واضح كده من كل كلامك دلوقتى والسابق انك اثبت حاجة واحدة وهو انك لعبت لعبة جميلة وكسبت وذلك حسب المطلوب منك وهو انك تهدي الناس يمكن نجحت فيها إلى حد ما ولو انت زى ما بتقول ان حضرتك كل همك خدمة الناس لوجه الله تعالى كنت رديت على كل استفسار من الاخوة الزملاء اعضاء المنتدى اللى انت عشمتهم وترمى الخبر وتختفي ويدوروا عليك وانت ولا هنا وبعدين ترجع بحجج اعتقد انك ممكن تضحك بيها على واحد لسه فى kg2 اقصد الحضانة طبعا ومع ذلك لما بترد بترد على ناس معينة ومن خلال متابعة ردودك نجد انك بترد فقط على كل عضو بيكون الاسم بتاعه يدل على انه ست يعنى من الاخر كده بترد على الستات وبس يا ترى ممكن توضح لنا وتقولنا ليه ما بتردش على الرجالة وبترد بس على الستات ليه . ويارب يطلع احساسي غلط . ارجو توضيح وجه نظرك وارجو كمان لو انت بتقول كل هدفك وجه الله - وانما الاعمال بالنيات - ان توضح وتشرح للناس شرح تفصيلي على كل التصريحات اللى اتقالت وتفهم الناس الدنيا هتبقى ماشية ازاى بعد الحد الادنى - وياريت بلاش مصادرنا الموثوقة ومعارفك اللى في الوزارة لانها بصراحة كده بقت قديمة ولا هما من بتوع الوطنى . وشاكر لحضرتك سعة صدرك

[yasowm]

ممكن اعرف استاذ فتحي مرتب المعلم حديث التعيين في جدول الحد الادني للاجور هيبقي كام بالحوافز والكادر وشكرا وجزاك الله خيرا

[محمد فتحى شريف]

اطلب من الاخوة الزملاء الاعضاء الانتظار لحين صرف راتب شهر 7 ومنه هيتضح كل حاجة وعدم الالتفات وسماع كلام اى حد اللى انا فعلا اعتبره من الخرابيط وايضا اللى ما يحرتمناش ما نحرتموش على الاخر الزمن يجي واحد منعرفش مين هو ولا مؤهله ايه يقول على مربين الاجيال فئات ضالة - دا الموظفين بتوع الحسابات والماهيات جواهم حقد علينا وكلنا عارفين الاسباب . نوجو من السيد فتحى تقديم اعتذار لكل معلمي مصر

[الأستاذ محمد عامر]

يا أخى حرام عليك لا تنعت الناس بهذا الوصف البشع أتعرف أنك عندما تصف الناس بهذا الوصف فانك تصفهم بالكفر لان الضال هو من ضل عن سبيل الله

[moohammed]

طظ فى كل من يلعب بعقول المعلمين وهو ليس منهم

[mohammed ahmed25]

الصبر يا جماعه .كلها شهر و نعرف كل حاجه.مع احترامى للاستاذ فتحى ,انا ارى ان كلامه لن يقدم او يؤخر شيئا.ممكن يقولك مرتب مرتفع او منخفض و يحصل العكس. المفروض نكون اكبر من كده." ان الله مع الصابرين" و شكراً جزيلاً للاستاذ فتحى

[فتحى فارس محمد مرزوق]

المشاركة الأصلية كتبت بواسطة thanwya2011

الصبر يا جماعه .كلها شهر و نعرف كل حاجه.مع احترامى للاستاذ فتحى ,انا ارى ان كلامه لن يقدم او يؤخر شيئا.ممكن يقولك مرتب مرتفع او منخفض و يحصل العكس. المفروض نكون اكبر من كده." ان الله مع الصابرين" و شكراً جزيلاً للاستاذ فتحى

الفئة الضالة هى التى تضلل الكلام وليست ضلال فى شى تانى وانما الاعنمال بالنيات ثم ان الاخوة الافاضل عاوزين احباط المدرسين باى وضع على عكس اسلامنا وانا عن نفسى بنقل خبر زملائى او بساعدهم فى شىوالاخوة الافاضل واضح انهم مش عارفين ان مصر كل يوم فى قرار يعنى لا انا وزير مالية ولا ليا مصلحة بالعكس بنحاول على قدر الامكان نقل خبر ونشارك الاراء كزملاء واخوة ويشهد على ذلك كل من يتصل بى لحل اى مشكلة هو دة هيعرف مين هو فتحى

[خيالك واسع]

إلى الأستاذ / من مصادرنا الموثوقة بالوزارة
إلى الأستاذ / خدمة لزملائى لوجه الله تعالى
إلى الأستاذ / اللى بيقول كرهت دخول المنتدى
إلى الأستاذ اللى أنا بصراحة شديدة واحد من الناس طلبت منه حساب مرتبى فى أول يوليو أرجوك ارحمنا بقى شوية ياريت ما تتكلمش تانى فى موضوع الأجور ببساطة من الواضح انك زيك زينا لا تعلم أى شئ وكل دى اجتهادات منك غير موثقة وغير معلومة المصدر
إلى الأخوة المعلمين
لو سمحتم النشرات كلها هتوصل للإدارات فى وقت واحد تقريبا وللمدارس أيضا وساعتها هنعرف مرتباتنا ونرحم نفسنا بقى الكام يوم اللى فاضلين على شهر 7

[أحمد علي]

الي الأخوة المشاركين في المنتدي . محدش طلب منكم تصدقوا أو متصدقوش كلام الأستاذ فتحي . كل واحد هو حر . وأرجو من الأستاذ فتحي أن لا يلتفت الي ردود مسيئة ونحن نعلم أنه يجتهد كثيرا لتوضيح أي شئ خاص بالماليات وأحنا عندنا الحكومة الان لا تثبت علي قرار وممكن تغيره تاني يوم . وأخيرا جزيل الشكر للأستاذ فتحي علي اجتهادته وتعبه

[wahsh2008]

ان شاء الله خير