الي كل من يشتكي من الغش

[نوران رجب]

الغش اصلااااا حراااااااااااااااااااااااااااااام
ازاي بقي تتعب نفسك ف موضوع كبير كده علشان تقنع الطلبه وتقنع نفسك ان الغش مسموح
والحمد لله ان لجنة مدرستي مش بيسمحوا بالغش واصلا طلبة لجنتي مش بيحاولوا اصلاااااا
وبعدين لما الواحد يغش ف ثانوية عامه يبقي فين الناس المجهزة انها تخرج تصلح المجتمع؟؟!!!!

[ضوء الشمس]

ممكن اقول وجهة نظري؟
انتى دلوقتي لو غشيت مش هتزيد درجات مش من حقك؟
الدرجات دي مش هدخلك كلية برضه مش من حقك؟
ولما تتخرج هتشتغل بشهادك؟
تفتكر الفلوس اللي هتاخدها ونصرف بيها ع نفسك و ع عيالك دي هتبقى حلال؟
ازاي اذا كنت انتى اخدتا اصلا من شغلك اللي اشتغلته عشان شهادتك اللي اخدتها من الكلية اللي دخلتها بدرجات انتى مش بتستحقها؟
ومتقوليش انك مش هتشتغل بشهادتك
امال انتى بتغش ليه؟ مش عشان تدخل كليه تشتغل بعدها بشهادتها؟
( كلامي ده موجه لاي حد بيبرر الغش)
تقبل مروري وارجو التعليق

[ضوء الشمس]

ملحوظه: انا لجنتي محصلش فيها غش من اول الامتحانات (على الاقل الفصل اللي بمتحن فيه)
لان المراقبين مش بيسمحوا بده ورئيس اللجنة شديد جدا
والجيش والشرطة والخيل قدام المدرسة رغم انها بعيدة عن عيون الاعلام

[khalid2222]

هذا رد وافي علي كل من يقول بأنه معترض علي كلامي وخصوصا المياة التي تقول بان الجيش مأمن تمام


أنا لما اتكلمت اتكلمت علشان ميحصلش حاجة زي كده وعموما انا قلت كل وجهات النظر

اقروا المقال ده كده وقولولي رأيكم


خلال يوم واحد شهدت 3 محافظات عدة حوادث، ضمت طلابا ومدرسين، البعض منها يثير الدهشة والآخر يكشف عن تردى العملية التعليمية.


ففى محافظة الشرقية، أصيب مدرس أول لغة عربية بإصابات بالوجه، بعد أن تربص له طالب وآخرون بمدينة الزقازيق.

كان اللواء محمد نصر العنترى مدير أمن الشرقية، قد تلقى إخطارا من مأمور قسم أول الزقازيق، يفيد بإصابة عبدالحميد محمد عبداللطيف مدرس أول لغة عربية، بمدرسة أبوجريش التابعة لقرية أبوصوير بمحافظة الإسماعيلية، بعد خروجه من مقر لجنة امتحان طلاب الثانوية العامة بمدرسة الناصرية الإعدادية المشتركة بمدينة الزقازيق.

وكشفت تحريات المباحث أن أحد الطلاب قام بالتربص بالمدرس، واعتدى عليه بالضرب، حتى كاد يفارق الحياة، بمعاونة أحد أفراد أسرته وأحد أصدقائه، فيما قام الأهالى بالتدخل وإنقاذ المدرس ونقله للمستشفى.

وأرجع المدرس سبب التعدى عليه، بمنعه الطالب من الغش فى مادة الفيزياء السبت الماضى، وتم تحرير محضر رقم «6580 جنح» قسم أول الزقازيق، وتولت النيابة التحقيقات.

على جانب آخر، كشف المحضر رقم 6405 إدارى مركز شرطة سوهاج، عن واقعة غريبة، بعد تلقى اللواء علاء المناوى مدير أمن سوهاج بلاغا من مستشفى سوهاج الجامعى، يفيد بوصول الطالب محمد ناصر أحمد (18 سنة)، والمقيم بناحية الشيخ مكرم، مصابا بطلق نارى بالرأس واشتباه فى كسر بعظام الجمجمة ونزيف بالمخ.

حيث أكد الطالب أنه أثناء نومه أمام منزله، منذ نحو 10 أيام، وجد إصابة فى رأسه دون علمه بمصدرها، فتوجه إلى مستشفى سوهاج العام لإجراء الكشف الطبى، خاصة مع وجود دماء بفروة الرأس، وتم تطهير الجرح، وتجدد الألم مره أخرى، وبعد الفحص وإجراء الأشعة اللازمة، تبين وجود مقذوف لطلق نارى بالرأس.

كما بدأت منطقة سوهاج الأزهرية، التحقيق مع 7 طلاب بمعهد دار السلام الدينى بمحافظة سوهاج، وتحديدا بلجنة أولاد طوق الثانوية الأزهرية، حاولوا الغش فى امتحان مادة الفيزياء، وقاموا بتمزيق أوراق الأسئلة والأجوبة لصعوبة الامتحان.

وقال الشيخ إبراهيم أبوحسوب رئيس المنطقة الأزهرية بسوهاج، إن الطلاب أحدثوا ضوضاء قبل بدء اللجنة، وعندما تم تسليم كراسات الإجابة لهم قاموا بتمزيقها وقاموا بتكسير المقاعد، وتم احتواؤهم وسلمت لهم كراسات إجابة أخرى.

من ناحية أخرى، شهدت مدينة العبور بمحافظة السويس، مصرع طالب وعامل بسبب حريق اندلع بإحدى الوحدات السكنية نتيجة ماس كهربائى، التى دفع طالب ثانوى وأحد أقاربه حياتهما ثمنا لنجدة الأطفال المحاصرين داخل الشقة، حيث نجحوا فى إنقاذ الأطفال وفشلوا فى إنقاذ أنفسهم.

وكشفت التحريات عن مصرع طالب بالثانوية العامة، يدعى حسين حمدى حسين 18 سنة، ونجل خاله، ويدعى تامر شاكر 32 سنة عامل بشركة مصر إيران للغزل والنسيج، كما تسبب الحادث فى إصابة اثنين آخرين بالاختناق، وإصابة طفل وسيدة بحروق متوسطة نتيجة الحادث.

وكشفت شهادة الشهود أن الشابين لا علاقة لهما بأصحاب الوحدة السكنية المحترقة، وأنهما تصادف وجودهما بموقع الحادث أثناء نشوب الحريق، وفور سماعهم صرخات الأطفال وسيدة تخرج من الشقة المحترقة، اندفعوا إلى الدور الخامس لإنقاذ الأطفال ووالدتهم، وبعد نجاحهم فى إخراج الأطفال وإنقاذهم صعقت الكهرباء أحد الشابين، وعندما حاول الآخر إنقاذه احترق هو الآخر.

على جانب آخر، قام سكرتير معهد إعدادى أزهرى بمركز جهينة بسوهاج، بالانتحار بلف حبل جلبابه حول رقبته، وتعليق نفسه بمروحة المسجد الكائن بجوار منزله، ليتخلص من حياته، بعد إصابته بمرض جلدى مزمن، وتم نقل الجثة لمشرحة مستشفى جهينة المركزى.

كان اللواء علاء المناوى مدير أمن سوهاج، قد تلقى بلاغا من المدعو راضى عبدالرحمن البكرى (57 سنة)، أستاذ بكلية أصول الدين، ويقيم بنجع (التمة) التابع لقرية نزة البوص بدائرة المركز، بعثوره على جثة شقيقه (بكرى) 44 سنة سكرتير بالمعهد الإعدادى الأزهرى معلقة بأحد أبواب مسجد الرحمن.

وبسؤال كل من المدعو ناجى (14 سنة) طالب نجل المتوفى، والمدعو عبدالفتاح (47 سنة) سائق شقيق المتوفى، قررا بأن المتوفى اعتاد منذ فترة بعيدة على أداء صلاة الفجر بالمسجد، وأنه فى الفترة الأخيرة، أصيب بحالة نفسية سيئة، بعد إصابته بمرض جلدى مزمن منذ فترة، ولم يتهما أحدا بالتسبب فى ذلك، وتحرر المحضر رقم 2386 إدارى مركز شرطة جهينة بالواقعة.

[المياة]

ردي على كلامك اللي بيغش حسابه عند ربنا وهو أعلم ببواطن الأمور
عايز تغش غش بس ما ترجعش تقول أنا نقصت ليه وأعرف أن ربنا مش هيوفقك أبدا لأنك ما اتقتهوش
اللي بيغش ده طول عمره فاشل وعمره ما هينجح وحتى أول ما هيقف على سلم المجد هيسقط على طول لأنه لم يتعود على الجهاد من أجل الوصول إلى هدفه
وكل اللي أقدر أقولهولك ربنا بالمرصاد
" ولا تحسبن الله غافل عما يعمل الظالمون إنما يأخرهم ليوم تشخص فيه الأبصار "
يوما ما ستندم وتقول ليتني ما فعلت ولكن سيكون الأوان قد فات

[Mohamed.Helmy]

و الله حرااااااااااااااااااام

ابقى انا تعبان و طالع عينيا طول السنة فى الفلسفة و واحد ما أخدش حصة فلسفة ولا يعرف عنها كلمة و يدخل بسماعة و يجيب 50 ؟؟؟

حسبنا الله و نعم الوكيل

[المخيف]

والله حرام اللى بتقوله دة يعنى اللى ذاكر مهو كان برده عنده شهرين رايحين فى الثورة ولا هو كن فى بلد تانيه
وهل يستوى الذين يعملون والذين لا يعملون
ومهما كان من غشنا فليس منا
فالرسول (ص) مقلش ماعدا فى وقت الثوره
وبعدين غش = سرقة

[الشيماء ثانوى]

ياجماعه اللى عامل الموضوع مقلش غشوا واكد على كده
بس والله لو حتى اللى غش نجح دول اساسا مين اللى بيغششهم مهوا بردو المذاكرين
يعنى لو عايزين تمنعوا انتوا اللى حتفظوا على مجهودكم وبعدين اللى بيغش ده مش هيجاوب زى اللى مذاكر
ومش معقول ان حد هيغششوا كل اللى عارفه او الاجابه النموذجيه الا اذا كان اللى بيغش ده مذاكره وبيتاكد من بس
وبعدين ان الله لا يضيع اجر من احسن عملا

[برمجينو]

السلام عليكم
اولا اشكر حضرتك على مجهودك فى هذا الموضوع
ولكن مينفعش الواحد يغش علشان يقول اعوض
السنة الماضية وفى حاجة كمان مينفعش اكون بذاكر من اول السنة
فى ملازم كتيرة وارجع احل كتب ويجى ناس تانى تكون بتذاكر لاول مرة فى ايام المرجعات
من ملازم مراجعة اللى احنا بنخاف نذاكر فيها لتكون غير كافية بالرغم ان احنا مذاكرين المنهج قبل كدة عدة مرات
ونقول اصل الغش مطلوب السنة دى لهذه الاسباب العدة اللى حضرتك ذكرتها

[احمد هشام مجدى]

المشاركة الأصلية كتبت بواسطة الشيماء ثانوى

ياجماعه اللى عامل الموضوع مقلش غشوا واكد على كده
بس والله لو حتى اللى غش نجح دول اساسا مين اللى بيغششهم مهوا بردو المذاكرين
يعنى لو عايزين تمنعوا انتوا اللى حتفظوا على مجهودكم وبعدين اللى بيغش ده مش هيجاوب زى اللى مذاكر
ومش معقول ان حد هيغششوا كل اللى عارفه او الاجابه النموذجيه الا اذا كان اللى بيغش ده مذاكره وبيتاكد من بس
وبعدين ان الله لا يضيع اجر من احسن عملا

الله ينور عليكى يا شيماء
هو فعلا بيبقى نفس الحكاية دى
+1
انا معاكى

[draqo]

الراجل بيعرض وجهات النظر و المسببات مش اكتر
و يا ريت نتعاون اننا نحلها , دينيا الغش حرام و ده امر منتهى
و للعلم مش كل المدارس عليها تأمين - يرتفى الى مستوي التأمين - و لا لجان شعبية الخ
اللجنة ال جانبى كلها غش و بنخرج نراجع بيبقوا شالين اكتر من 4 اسئلة , يعنى جزاء فورى و ده خير دليل
و لتانى مرة صاحب الموضوع مش عامله لتأييد الغش على قدر فهمى
شكراً

[nesma mohsen hamdy]

بسم الله الرحمن الرحيم
انا كنت كتبت موضوع فى اول الامتحانات بس عكس موضوعك تماماً
انا هقولك حاجه
بغض النظر عن الاسباب الغريبه اللى حضرتك حاططها
بس صدقنى واقسملك بالله الغش عمره ما هينفع
انا هحكيلك مثال وانا بعترف فيه بغلطى ومش عيب ان الواحد يعترف بغلطه
انا يوم الايطالى والحمدلله كنت مذاكره كويس جداً
والامتحان جيه سهل عليا اوى
طب ايه المشكله
هقولك ان اللجنه كانت سايبه .. طبعاً كل اللى فى اللجنه اصحابى ..؟؟
طول ما انت قاعد اولاً مش عارف تركز نهاااااائى
ثانياً اصحابك عمالين ينادوا عليك
وللاسف انا غششتهم
مش لانى محتاجه حاجه ولله العظيم انا حليت الامتحان بمجهودى
وعارفه ان لا طاعة لمخلوق فى معصية الخالق
بس صدقنى وانت فى الموقف ممكن تغلط ومش هتقدر تقولهم لا مش هغششكم
وكان نفسى المراقب يشد اللجنه والله العظيم والمدرس سايبها اخر حاجه وكنت هتشل
عارف ايه اللى حصل ؟
ربنا اراد يعمينى عن رأس سؤال
وغلط ولغبط ونقصت فيهم 3 درجات (( التيما )) لو انت ايطالى
لما روحت وبراجع هنا انهارت
وقعدت اعيط واقوله انت بتعاقبنى يارب صح
انا غششت وانت حبيت تقولى انا لو مش عاوز اوفقك مش هوفقك وانتى بتغضبينى مهما كنتى مذاكره
وسبحان الله موضوع التيما انا كنت حفظاه صممممم
ونقصت فيه عشان ربنا حب يقولى متعمليش كده تانى ..
حضرتك بقى جاى تقنعنا ان الغش تعويض لبتوع السنه اللى فاتت
طب يعنى هو ربنا استغفر الله العظيم غافل .. يعنى هيسيب اللجان لناس وناس لا ليه لو هو قاصد يعوض الكل
وصدقنى لو مكانوش جابوا مجموع فالتنسيق طبيعى هيقل لان المجاميع كلها هتبقى قليله
وحضرتك كمان مفكرتش فى بتوع تانيه
ولله العظيم انا فى بنت قدامى انا مش برضى اغششها
مكنتش بتاخد دروس فى الرياضه والانجليزى والايطالى
وولله العظيم البنات غششوها و انا طلعت غلطانه اكتر منها وهى اساسا مكنتش بتفتح كتاب
وجت تقولنا انهارده انا مكنتش اعرف حاجه عن المتتابعات غير من اسبوع
وانا اللى طلع عينى هى تجيب اعلى مني
فين العدل بقى .. ربنا بيعوض ايه بظبط ولا مين ؟؟
ممكن اعرف
انا اراهنك انك لجانك كلها غش
لانك لو مش فيها غش كان زمانك داخل تقول كفايه حرام
وانت شايف اللجان اللى جمبك عمالين يغشوا وانت قاعد هتموت و هتجيب درجات اقل رغم انك ممكن تكون مذاكر قدهم
انا الحمدلله الحمدلله مش معترضه على الغش
لان ربنا مش هيدى كل واحد اكتر من نصيبه وصدقنى مش هيبارك لحد فى مجموعه لو بالغش
ده اذا اصلا ربنا خلاه يجيب مجموع بالغش .. واراهنك ان اى حد غش هيوقع جامد فى المجموع
ورهان كسبناه لانى براهن على عدل ربنا
وعلى فكره
احنا رئيس اللجنه عندنا بجد قمة فى الحزم والحمدلله معظم المدرسين
باستثناء البعض
بلاش تخش تحلل حاجه عاوزها لانك مهما حللتها مش هتكون حلال
زى فيلم العار بظبط .. لما قعدوا يحللوا لنفسهم الفلوس
وقالو اكيد ربنا هيقدر ظروفنا بس فى الاخر .. حصل ايه .. فشلوا وخسروا دنيتهم واخرتهم