مشاجرات واعتراضات والسبب الوحدة العضوية صورة من لجان التصحيح

[سناء مصطفى]

المشاركة الأصلية كتبت بواسطة نهى مندى

يا جماعه ارجوكم اتقوا الله فى ابناءكم انا والدتى مدير عام فى الاداره التعليميه حاليا وكل ما تشوف امتحان تخبط كف على كف وتقولى الله يكون فى عونك حرام احنا تعبنا و فى عرض نص درجه مش درجه كامله .. انا واحده والدى اتوفى السنه اللى فاتت يوم امتحان الانجليزى وجالى انهيار عصبى لكن كملت امتحاناتى ومجموعى نزل جدا لكن الحمد لله على كل شىء مؤمنه ان دايما فيه أمل وزاكرت وتعبت السنه دى ومبنامش من يوم الجمعه اللى فات لان حياتى هتقف على النص درجة اللى ولا الدرجه اللى بتضيع دى بدون مبرر يرضى العقل أرجوكم تبقوا معانا مش ضدنا فى الاول والاخر احنا اللى هنكون فى المستشفيات والشركات وكل مكان كمان كام سنه ارجوكم متحرموناش من امل بدأ لونه يبهت من يوم السبت

ربنا يكرمك يا حبيبتى ويوفقك وينور بصيرتك وتجيبى النهائيات ف كل الامتحانات اللى جاية يارب
إن الله لا يضيع أجر من أحسن عملا
وإن شاء الله اللى نقص السنة اللى فاتت تعوضيه السنادى يارب .. وربنا يغفر لوالدك ويجعل مثواه الجنة ويباركلك فى والدتك وتقر بها عينك ياكريم

[شيماء طاهر]

جزاكم الله خيرا

[الشاعر2]

السلام عليكم جميعا
أولا اعتذر عن شيئين أولهما عن عدم الرد على هذا الموضوع الشائك لتغيبي وانشغالي الفترة الماضية
ثانيهما عن رفع هذا الخبر من البداية فقد وضعته بنية رسم البسمة على وجوه الابنااء ولو علمت بما سيحدثه الخبر من خلاف وتراشق باللفظ ما وضعته
وعتابي الشديد على أستااذ جمال الذي يرى في خبري عدم الصدق قائلا لا صحة لهذا الخبر ثم يناقض نفسه مرتين أولهما قوله أنه يقوم بتصحيح المرحلة الأولى لا الثانية ثم يعود ليؤكد على صدق روايتي بعد ذلك وهو بين هذا وذاك يعرج كثيرا نحو أراء الآخرين مسفها رأيهم ساخرا من اجتهادهم سيدي ارى وغيري الكثير يعتقد بتحقق الوحدة العضوية متمثلة في وحدة الموضوع ووحدة الجو النفسي للشاعر فاقبل هذا الرأي او اطرحه ارضا ولكن رفقا في حوارك فما هكذا يكون الحوار

[dalia el sergany]

مدام سناء احترم راي حضرتك وانا مع حضرتك في ان احنا بنتمنا الخير للناس والله انا طالبة وعملتها لم تتحقق ولما طلعت من الامتحان حاولت اقنع صحابي مش اقتنعوا وقعدوا يهزروا ويقولوا دي عمرها ما بتتحقق وبتاع لان هما معتمدبن علي ان المدرسين بيقولوا بتتحقق علطووووووووووووووووووووووووووووول ومستحيل يجيب ابيات ماتحققتش فيها

انا بس عايزة اقول لحضرتك حاجة اكيد حضرتك فهماها ربنا مش بيضيع تعب حد ولما هما يساوا حد فاهم بجد تاني مش فاهم هوا دا الظلم بعينه واهم حاجة ان احنا بنبات مظلومين مش ظالمين الحمدلله وربنا يعوضنا بالدرجتين دول في اي مادة تانية ان شاء الله

[تامر باسل]

المدرسون يختلفون فى إجابة الأسئلة , فما بالكم بطالب يجلس أمام ورقة إمتحان لمدة ثلاث ساعات ليجيب عن تعبير إبداعى ثم ينتقل إلى مرحلة الحفظ والتذكر مثل القراءة والأدب , وهكذا ؟ وهو بين كل ذلك يصارع ( والله يصارع ) من أجل عدم الوقوع فى خطأ ولو كان خطأ إملائي , فهل سيكون تفكيره مثل تفكير المدرس الذي درس مئات الأبيات الشعرية , والذى لا يخاف عندما يجيب على سؤال ما إلا من مهاجمة الآخرين له ؟ فالتمسوا اللين فى أسلوبكم - من فضلكم - حتى لا ينهار الطلاب الذين يشاهدون هذا الصراع اللفظى .

لقد جاوبت على أن الوحدة العضوية تحققت - فى آخر دقيقتين - وعقلي وقلبي يدوران بين تحققت , ولم تتحقق , ثم أرجح أنها تحقق وكتبت الأسباب . ولكن إن كان هذا خطأ - لا قدر الله - , فهذا ليس ذنبي وليس ذنب من أجاب هذا السؤال مثلي , ولكنه ذنب التعليم المصري الجامد الذى يرجع إلى الخلف يوما بعد يوم .... لقد شاركنا أستاذنا فى حل مئات القطع البلاغية , ولكن لا عيب عليه , لأن جميع هذه القطع تحققت فيها الوحدة العضوية , فكيف ألوم نفسي أو ألوم طالب خاف أت يجيب عليها كل زملائه على أنها تحققت , ثم يأتى هو بخفى حنين إذا أجاب على أنها لم تتحقق ؟ ففعل ما فعل .

وأريد أن أوجه كل زملائي من طلبة الثانوية العامة إلى عدم الالتفات الى الوراء , بل يجب علينا أن ننظر إلى مستقبل هذا البلد حتى نصلح كل ما فيه من فساد , وحتى تتغير وجهة نظر كل مصري إلى الثانوية العامة .

بنى مصر صونوا لها حقها .. كبار النفوس كبار الشيم
لكم مصر لا لدعيّ دعا .. ولا لذوي بطشة أو غشم