طالبين من المدرسين نصائح للامتحان متبخلوش علينا

[بنوته مسلمة]

السلام عليكم ورحمة الله وبركاته

لو سمحت هو سؤال الخطاب اكتب فيه تاريخ وعنوان ولا لأ

2-بالنسبة للبراجراف هو لو كتبت جمل مقدمات ده ممكن يبقى مألوف وانزل فى الدرجات

3_فى الترجمة لو فى كلمة عايزة اكتب ليها اكتر من معنى اكتب ولا لأ

فى سبيكر ايه وبى ينفع اكتب اكتر من اجابة بس
اكيد هيبقوا متشابهين

وياريت تقولنا على الحاجات الى بضايق حضراتكم فى التصحيح علشان منعملهاش

وياريت من الاساتذة ان هما يقولنا نركز على ايه فى المذاكرة ويدونا نصائح للامتحان
وشكرا جداااااااااااااا

[Mr.Mohammed Galal]

الأخت بنوتة مسلمة

بالنسبة لسؤال الخطاب يتم كتابة العنوان إذا اعطاه فى السؤال ثم التاريخ
أما إن لم يعطى عنوان فى السؤال فيتم كتابة التاريخ فقط جهة اليمين


بالنسبة لسؤال البرجراف لو قدرتى تألفى مقدمة جيده بدون اخطاء املائية أو أخطاء جرامر يكون أفضل
أما إن لم تستطيعى ممكن تكتبى اى مقدمة اهم حاجه تكون مناسبة وبدون أخطاء
ونصيحتى لكى قبل كتابة البرجراف تقومين بعمل مجموعة من الأفكار حول الموضوع قبل البدء كمسوده

أما فى الترجمة يمكن كتابة للكلمة أكثر من معنى وذلك عن طريق وضع المرادفات بين قوسين بجوار الكلمة المتشابهة فى المعنى
كما يمكنك عمل اجابة اخرى لسؤال الترجمة كاملا بعد الانتهاء منه كحل آخر يتم فيه ترتيب الافكار واعادة الصياغة

أما فى سؤال ال سبيكر يمكن عمل أكتر من إجابة يتم كتابتها بجوار الكلمة الاخرى وبينهم شرطة كهذه / هذا ان كانت الكلمات قريبة او متشابهة فى المعنى مثل hospital / clinic
أما إذا كانت الاجابتين مختلفتان تماماً يتم عمل إجابة أخرى كاملة للمتحدثين والاماكن بعد الاولى

واهم شئ فى الاجابة حسن التنسيق وتحسين الخط لكى يأخذ المصحح انطباع جيد عن ورقة الاجابة كما يجب أن لا تتركى أى سؤال نهائياً بدون إجابة وإياك والخروج قبل انتهاء الوقت

مع تمنياتى بالنجاح والتوفيق

وهنا تجدين 20 نصيحة هامة جدا لطلبة الثانوية العامة أثناء الامتحان
http://www.thanwya.com/vb/showthread.php?t=328861