يا جماعة فيدونى فى شرح عمل الاجهزة هيجننى

[سـلـمى]

هو ممكن يطلب فى الامتحان شرح العمل


انا بيدخلوا عندى فى بعض

[hatemT]

أجهزة الكهربية؟؟؟
اللي عي الأميتر والفولتميتر, وكده, ولا قصدك ايه؟

[Dr. Hoda Ahmed]

ازيك يا سلمى

والله انا عايزة حد يرد عليكى وخاصة بالنسبة للمحول والمحرك والمولد

وتانى حاجة حد يقدر يكتبلنا اسماء التجارب المهمة بس

والاثباتات كمان

يا ريت


ربنا معاكى يا سلمى ومعانا كلنا


وتعدى الفيزياء دى ع خير

[hatemT]

المشاركة الأصلية كتبت بواسطة محبة اللغة

ازيك يا سلمى

والله انا عايزة حد يرد عليكى وخاصة بالنسبة للمحول والمحرك والمولد

وتانى حاجة حد يقدر يكتبلنا اسماء التجارب المهمة بس

والاثباتات كمان

يا ريت


ربنا معاكى يا سلمى ومعانا كلنا


وتعدى الفيزياء دى ع خير

ايه بالتحديد اللي مش فاهمينه؟

[نهى مندى]

انا كمان المحول والمحرك والمولد بيدخلوا ف بعض عندى انا مرعوووووووبة

[سـلـمى]

المحول والدينامو والموتور والاميتر

محبة اللغة

واحشانى جدا

عملتى ايه فى الامتحانات اللى فاتت ؟؟ يا رب يكون خير ان شاء الله

يا رب يا رب الفيزيا تعدى على خير انا مرعوبة

والوقت ضيق اوى وانا بطيئة فى المداكرة ومش بلحق الم الباب حلو

يدوبك النظرى بيتلم والمسائل قراية الامثلة المحلولة فربنا يستر من المسائل دى

الواحد هيدخل الامتحان على الداكرة فى المسائل يا رب مباشرة مع انى معتقدش

[hatemT]

صلوا عالنبيالشرح بطريقة المصطبة
أولاً: المولد
المولد عشان يشتغل"يعني المكنة تتطلع قماش (قصدي المولد يطلع كهرباء)", يلزمني حركة...............تؤدي إلى تولد حهد كهربي, ازاي؟
طبقاً لقانون فارادي للحث الكهرومغناطيسي" عند دوران ملفات المولد في مجال مغناطيسي, يتولد e.m.f " ده كده عالسريع
انتوا بقى في الامتحان تضيفوا شوية الاكسيسوريس "الملحقات" بتاعة المولد زي الفرشتين, والحلقتين, وتكملوا أنا شرحت الفكرة الأساسية المبدئية

[hatemT]

ثانياً: المحرك
عكس اللي قلته في المولد" أنا عندي جهد موجود في مجال مغناطيسي, هيتولد عزم ازدواج"الحركة"
ملاحظة هامة:يا جماعة مش لازم تقولوا اللي مكتوب في الملازم أو الكتاب بالتفصيل لأنه مش قرآن, والفيزاء مادة عملية يعني لو كتبت الخطوات متضمنة الفكرة الأساسية "من غير نقص في الحقيقة الفيزيائية" كده انت بييييييييييييس-ان شاء الله-.
بالتوفيق

[Dr. Hoda Ahmed]

المشاركة الأصلية كتبت بواسطة hatemt

ثانياً: المحرك
عكس اللي قلته في المولد" أنا عندي جهد موجود في مجال مغناطيسي, هيتولد عزم ازدواج"الحركة"
ملاحظة هامة:يا جماعة مش لازم تقولوا اللي مكتوب في الملازم أو الكتاب بالتفصيل لأنه مش قرآن, والفيزاء مادة عملية يعني لو كتبت الخطوات متضمنة الفكرة الأساسية "من غير نقص في الحقيقة الفيزيائية" كده انت بييييييييييييس-ان شاء الله-.
بالتوفيق

طمنتنى يا أستاذ حاتم

يا سلام لو الفيزياء كده

ما كانش حد اتعقد منها شكرا لمجهود حضرتك

دعواتك

[sanawyastudents]

طب يا مستر حاتم ... أنا عندي سؤال في المحول هيجنني

دلوقتي إحنا قلنا إن في حالة إن المحول مثالي هتكون النسبة بين: (جهد ثانوي / الإبتدائي) = (لفات الثانوي / الإبتدائي) = ( تيار الإبتدائي / الثانوي )

Vs / Vp = Ns / Np = Ip / Is

وقلنا لما يكون المحول مش مثالي يبقي قدرة الثانوي / قدرة الإبتدائي = إيتا

η = ( Vs * Is ) / ( Vp * Ip )

أو

η = ( Vs * Np ) / ( Vp * Ns )

السؤال بقي ... في قانون إيتا الثاني ده ... ليه عوض عن النسبة بين التيار الثانوي / التيار الإبتدائي في قانون إيتا الأول ... بالنسبة بين عدد لفات الإبتدائي / الثانوي

مش المفروض إن النسبتين دول متساويين في حالة المثالي فقط ؟؟ لأن أكيد نسبة بين شدة التيار في الملفين بتتغير بسبب الطاقة المفقودة في المحول غير المثالي ... صح ولا إيه ؟؟ يبقي مينفعش يعوض عن نسبة شدة التيار بمقلوب نسبة اللفات الا في المحول المثالي فقط

السؤال بطريقة أخرى : علي أي أساس إستنتج قانون إيتا الثاني ده ؟؟ إيه اللي عرفه إن النسبة اللي عوض بيها في القانون متساوية مع العلم إن ده محول غير مثالي ؟؟

عارف إن السؤال مكتوب بطريقة رخمة بس يارب تكون حضرتك فهمت قصدي إيه