ضرورى تعرفوا مكان وزارة المالية

[اشرف عبد الحى]

السلام عليكم
أكيد كلنا عارفين مكان وزارة المالية
فى امتداد رمسيس عند التقاطع مع طريق النصر
حيث أنه بعد كلام سيادة الوزير على القناة الأولى الليلة 14/6/2011 و فى حوار طويل بدون فواصل استغرق ساعة و ربع الساعة
فواضح انه يتجاهلنا تماماً و مش عاوز يجيب سيرتنا
المتعاقدين المساعدين
و واضح انه نبه على المذيعة و معدين البرنامج بعدم الخوض فى امر المعلمين المتعاقدين تماماً. و تلاحظوا انه عند عمل حوار مع وزراء التعليم فانه يتم تلقى اتصالات هاتفية من اداريين او تلاميذ او مسئولين مدارس خاصة او حتى اساتذة فى كليات التربية او اى عنصر فى المجتمع الا
المعلمين
ممنوع الرد على تليفون او اتصال من معلم مساعد او غيره من المعلمين
هل هذه هى مكانتنا و قدرنا فى المجتمع؟
بإختصار
مش هناخد حقنا غير بالتحرك و اثارة الراى العام معنا
لانه مبارك ما كان ليتنحى غير بالثورة
و مش عارفين ان كان مشى فعلا و لا لا ؟
عددنا كبييييير و خصوصا الناجحون فى امتحانات 1/4/2011
نحن اكثر من 60 الف معلم
و التجاهل واضح
و وزارة المالية هتكون موجودة فى مكانها
يوم 3/7/2011
و نحن أيضاً سنكون واقفين بالآلاف أمامها
و صدقونى لو عملناها ليوم واحد او بيتنا أمامها زى
رجالة التحرير
سنأخذ حقنا
لأنه أنا دمى اتحرق من حوار لأكثر من ساعة مع الكبير بتاعنا و مايجيبشى سيرتنا نهائياً
ان شاء الله بكرة نخلى مصر كلها تتكلم عننا
لأنه كفاية كده بقى مهانة و اذلال
حضروا المطالب الغير مُبالغ فيها و صيغوا البيان
و نتقابل كل يوم فى المنتدى و نتقابل يوم الاحد 3/7 أمام وزارة المالية

[الاستاذ محمود حميد]

المظاهرة امام التنظيم والادارة افضل لانها الجهة المسؤولة عن التعيينات اما وزارة المالية مسؤوليتها المرتبات وبس

[الاستاذ محمود حميد]

لازم يكون شعارنا
بالاتحاد والنظام والعمل

[اشرف عبد الحى]

لازم نتحرك و نعى قدر أنفسنا,, لازم نكون ايجابيين, لانهم ناويين يطنشونا فى موضوع الحد الادنى على ما يبدو, او بيشاورا عقلهم و اكيد لو احنا سكتنا هما هيطنشوا و الدنيا تمشى معاهم عااااااااادى خالص, هو احنا اقل من موظفين لدولة اللى عددهم بالملايين يعنى جت علينا ؟ و لا احنا اللى بنسكتت؟

[قمر السويس]

معاكم طبعا لازم صوتنا يوصل عشان التجاهل المقصود لينا
بس ياريت يبقى فيه ناس موجوده
مش عدد قليل

[marwasamy]

برجاء عدم اشعال الفتن

اهدوا شوية التعيينات على الميزانية الجديدة

ولا هو الشعب المصرى لما يعيش؟

[meslmat]

المشاركة الأصلية كتبت بواسطة marwasamy

برجاء عدم اشعال الفتن

اهدوا شوية التعيينات على الميزانية الجديدة

ولا هو الشعب المصرى لما يعيش؟

; ',,,,,,,,,,,,,,,,,,ulvkg

[اشرف عبد الحى]

احنا مش بنشعل فتن احنا بنطالب بأقل و أقل من حقوقنا. و مش عارفين ايه النوايا الحقيقية للمسئولين. فلازم يعرفوا اننا صاحيين و ممكن نضغط.
و الصراحة اننا نحن المعلمين و خصوصاً المتعاقدين من أقل فئات المجتمع وعياً و دراية و قراءة و ثقافة و اطلاع بمجريات الامور و الأحداث. و الثورة دى قامت فى غفلة مننا يعنى (و احنا نايمين) أيوة لأننا طول عمرنا سلبيين.
و المصيبة الأكبر أننا ليس عندنا وعى و مفهوم لأهمية و قدسية مهنتنا و مكانتها فى أى مجتمع. أنا عارف أنه كلامى ممكن يزعل حد بس بصراحة هى دى الحقيقة أننا منعرفش أى حاجة فى السياسة و حقوق المواطنة و واجباتها, و اللى مش عارف حقه مش هياخده, فأرجوكم كفانا سلبية و يجب أن نحرك الرأى العام معنا, لأنه صدقونى كثير من أئمة الرأى و الفكر من مثقفين و إعلاميين و رجال دين و صحفيين لا يعرفون شيئاً عن أزمة خريجى كليات التربية و أزمة معلمى مصر اللى أعدادهم تفوق مئات الآلاف, اللى العشرة منهم بقرش (و لا مؤاخذة)