"التربية التعليم" تُحذّر المعلمين من مقاطعة أعمال امتحان الثانوية

[محمود درهاب]

فى أول رد فعلٍ على الدعوة لمقاطعة أعمال امتحانات الثانوية العامة المقبلة، أكد مصدر مسئول بوزارة التربية والتعليم أن الوزارة ستعتبر كل من تخلَّف عن أعمال التصحيح والمراقبة – رغم ندبه لها - منقطعاً عن عمله، على أن يتم تخفيض درجات تقييمه السنوى.

وأوضح المصدر أن خفض الدرجات المخصصة فى التقرير السنوى لعنصرى الانضباط ومدى تحمل المسئولية سيؤثر سلباً على نصيب المعلمين - المقاطعين لأعمال الامتحانات - من الكادر، كما لن يُسمَح لهم بالتوقيع على دفاتر الحضور، إلا إذا قدموا إفادة من لجنة الإدارة المختصة بالموافقة على عودتهم لأعمالهم الأصلية.

وقال المصدر، الذى رفض ذكر اسمه، إن أعمال المراقبة والتصحيح فى الامتحانات تعد من صميم الأعمال الوظيفية، ولا يجوز الاعتذار عنها إلا وفقاً للقواعد الثمانى التى حددتها الإدارة العامة للامتحانات، وأهمها المعاناة من أمراض.

وكانت نقابة المعلمين المستقلة وعدة روابط للعاملين بالتدريس قد دعت إلى إضراب عن أعمال امتحان الثانوية العامة، الذى يبدأ السبت المقبل، اعتراضاً على صدور تصريحات من مسئولى وزارة المالية تشير إلى خروج المعلمين من مشروع إعادة هيكلة أجور العاملين بالقطاعين العام والخاص، باعتبارهم من أصحاب الكوادر الخاصة .

ــــــــــــــــــــــــــــــــــــــــــــــــــ ــــ
رابط الخبر
ــــــــــــــــــــــــــــــــــــــــــــــــ

عليكم بالتمسك أخوانى الى أن نحصل على كل حقوقنا كامله

[احمد محمد عبد المجيد]

بدأ اللعب اهه

[thany2000]

على فكرة الخبر دة قديم يعني من فترة قبل وضع الحد الادنى للاجور ولو رجعت مشاركتي قبل كدة هتلقية مكتوب

[احمد_عصمت]

يبقي لازم نضيف علي مطالبنا مطلب اساسي وحتمي ..........هو اقالة قيادات الوزارة التي مازلت تتعامل مع المعلم باستعلاء وتكبر ولازم نثائر لكرامتنا مش ممكن حجم الاستهانة والعنجهية ...يعني بدل ما حد يطلع يطمن المعلمين لا بيهددونا ..... طيب هنشوف مين اللي هيكسب

[احمد عواد]

اى كلام فاضى معقول الاعتصام هو الحل

[عماد السلامونى]

الوزير المحترم اعتبرنا لا شىء .... مثل العرائس يحرك فينا كما يشاء
الوزير المحترم اعتبرنا لا شىء .... أموات ليس لنا رأى أو كلمة
الوزير المحترم اعتبرنا لا شىء .... مثل زبد البحر .... عدد بلا فائدة ..... نتكلم و لا نفعل شىء
الوزير المحترم اعتبرنا لا شىء .... منذ أن بدأنا بالتنازل - من أمتحان الكادر - الله يلعن اللى أخترعه ...

و لكن حان الوقت ..... المرة الفاصلة ...... آخر فرصة ...... إما أن نكون شىء..... أو نصبح لا شىء إلى الأبد

[أحمد علي]

طظ فيهم . أحنا مش عايزين سقف مطالبنا يعلو ونطالب بأقالة وزير التربية والتعليم

[dr.mhmud]

ولو
اضراااااااااااااااااااااااااااب

[منار على]

انا ياجماعه ضد الانقطاع عن اعمال المراقبه لان دول فى الاول والاخر اولادنا وممكن دا ياثر بشكل سلبى على الطلبه لكن مع الانقطاع عن اعمال التصحيح بشرط اننا المفروض نقف ايد واحده وناخد موقف تجاه اللى بيحصلنا دا والمفروض نكون كلنا مع بعض ايد واحده احنا لو وقفنا ايد واحده ممكن على بدايه العام الجديد ميبقاش فيه مدارس فى مصر كلها شغاله ومش لازم نخاف لان لو واحد او حتى الف اتحولوا للتحقيق ميقدروش يحولوا اغلب مدرسين مصر كلهم للتحقيق لان فعلا حرام اللى بيحصلنا دا وزاره واضح جدا انها متعرفش عننا حاجه الظاهر انهم ميعرفوش ان فيه مننا بقالهم عشر سنين شغالين ولسه مرتباتهم محصلتش حتى الحد الادنى او تعدته بمقدار ضئيل جدا يعنى احنا بالنسبالهم حتى محصلناش فعلا عامل فى مصلحه حكوميه فى بدايه تعينه على الدرجه السادسه واحتمال كمان مايبقاش معاه شهاده خالص فى بلد المفروض اننا نحترم فيها لان التعليم هو اساس كل شىء بجد بحس بالاسف لما بشوف ان قيمه المعلم المصرى متدنيه جدا بالمقارنه بالدول التانيه ودلوقت بقى اصبحت قيمته لاشىء حتى متسواش بعامل معين على الدرجه السادسه حسبى الله ونعم الوكيل

[منار على]

وفعليا لو وزيرنا مش حاسس بينا يبقى ميستحقش يكون وزير التربيه والتعليم

[اسماعيل2010]

المفروض الوزير بدل ترهيب المعلمين يبحث لهم عن حقوقهم وإلا فلا يستحق منصبه