طه حسين ... مات وترك وراءه همّ الثانوية العامة

[the cute daisy]

المشاركة الأصلية كتبت بواسطة a7mad 3abdo

لو كان طه حسين مازال حياً , وفي منصب وزير التربية والتعليم كان سيرفض تدريسها للطلاب !!
انا من رأيي ان تكون القصة مادة مستقلة بذاتها , بعيدا عن اللغة العربية , ولا تحسب من ضمن المجموع
مثل التربية الوطنية مثلا ...
والاسئلة تركز علي الاستفادة الحقيقية من القصة , لا من احداثها
بمعني : اقتباس جزء كبير من القصة و طرحه في ورقة الامتحان ,
ويكون السؤال محدد : حلل هذا الجزء , ووضح ما فيه من جمال , وبين ماذا تستفيد من ذلك في حياتك ...
و تكون الاجابة تبعا لوجهة نظرك !!
هل من مؤيد ؟

مؤيد جدا جدا جدا
دا هيوسع أفق الطالب و يخليه يركز علي جوانب تانية خالص غير التفاصيل اللي ملهاش لزمة

[النجمه الطموحه]

والله انا كل اما آجي اذاكرها اصاب بالاكتئاب واللي غايظني اكتر ان طه حسين مسبش حد في حاله كان بينقد كل الناس............

[osos_44]

ده راجل خنيق عمره ما شكر حد على حاجة ومكنشى راضى باللى هو فيه ابدا بدليل

لو انت بتذاكر هتلاقيه كل اما جيب سيرة مرتبه بيقولك :-

وكان لا يزيد عن ,...............

[Basma52]

والله انا معاك في كل كلمة يعني قبل ما ناخدها المستر كان يقولنا القصه طويله
وعايزه تركيز بس ميزتها ممكن تجاوب من اللي احنا فاهمينه
بس لما اخدتها بجد قصه معقده وكرهتها وقلت للمستر ايه الفايده اننا ندرسها ي
يعني طويله وكلها حشو ومفيش فيها احداث مهمه الا اتنين تلاته
وكمان تجيب احباط يعني بجد مش معقول انسان بشر يتحمل الحياه القاسية دي

وكان عندنا موجه لغه عربيه بنسأله ليه الحشو دا كله والتطويل والاكل والبيت... الخ كلام مفيش فيه فايده
رد وقال للامانه العلميه اننا ننقل كل حاجه بالتفصيل مش نقتصر في الجانب الفقير
ونطول في الجانب الحلو !!!!

وكمان مفيش ترتيب احداث وكلماتها معقده وتكرار الصبي والشيخ كل دا يلخبط الطالب بجد
شويه يكون كبر يرجع تاني لما كان صغير فيه ترتيب الاحداث ..؟؟

احنا ايه ذنبا في دا كله الله اعلم ندرس قصه من 33 فصل عشان نجاوب سؤال واحد بس !!!
بجد ربنا يعينا ونخلص على خير

[Mr.axe]

تصدق بالله انتا برنس الله يحرق طه حسين على اياامه انا مالى وماله بس

[bebo4ever]

المشاركة الأصلية كتبت بواسطة mr.axe

تصدق بالله انتا برنس الله يحرق طه حسين على اياامه انا مالى وماله بس

مهما كان طه حسين ميجوزشى عليه الا الرحمه واحنا مسلمين حرام نشتم حد متوفى ولا ايه

[nooneasme1]

ارجو من المدرسين التعبير عن عدم رغبة الطلبة فى دراسة قصة الأيام عندما يكونوا مع موجهين المادة

[nooneasme1]

المشاركة الأصلية كتبت بواسطة طالب الابداع والتميز

يا اخى ماشى أنا متفق معاك ....
اتعلمنا الصبر والإصرار والعزيمة ( أهو كلام وخلاص ) ....
ليه بقى ييجى فى الامتحان مثلا ويقولى فى الجزء الثانى فى بدايته ايه الصوت اللى سمعه طه حسين ؟؟؟
أقوله قرقرة الشيشة ؟؟؟؟؟؟ دى مش حاجة عجيبة ؟؟؟؟

وبالنسبة للغويات والمفردات وتعلم أسلوب الكتابة ده شئ جميل جدًا يا ريت يركزوا على المفردات
و فى الامتحان يجيبلى حاجات صعبة معانى ومتضادات وإيحاءات وغيرها دى ماشى
لكن ليه يخلينى أحفظ حياة طه حسين اهو احنا فاضيين.....

دى سياسة بايظة فاسدة مضمونها ( عبى واحشى وبعد السنة فرغ وامشى ) ....
دى حاجة تجنن ....

متفق معاك يا أخى

[Khaled Essam]

قصة ليس لها أي قيمة غير التنكيد على الطالب
ويا ريت لو حد يعرف بس ... طالب علمي هيستفيد إيه من منهج العربي أصلًا في 3 ثانوي؟؟؟
هوا حيجيلي في هندسة حاسبات مثلًا يقول لي: ما العوامل التي هيأت للبارودي أن يكون رائدًا للإحياء والبعث؟
ولا هييجي في كلية الطب يقول لهم: والنبي قولوا لي إيه هيا عناصر الرواية ... ولا لحظة التنوير ... ولا ... ولا ....
كلام ليس له أي علاقة بالحياة الواقعية على الإطلاق ....
وغير كده هوا مفيش حد غير طه حسين اللي كافح في حياته يعني؟؟ o.0

[Jehad Mohamed]

مادة العربى مادة زى اى مادة اخرى سواء للعلمى او الادبى فمش تقدر تغير فيه حاجة لكن بقى القصة دى مملة اوى ومش عارفة هستفيد منها ايه بعد كده

[يوسف سالم]

دعونى القى نظرة على حسب علمى
ان كان المنهج المقرر سابقاً هو القدس قصة تتكلم عن القدس لكن لما وجدوا فيها (امريكا واسرائيل واعداء مصر) من حماسة وتقديم شباب يتخذون صلاح الدين وغيرة مثلاً اعلى اجبروا مصر على تقديم شئ _ ليس بالبسيط لطه حسين_ ينغمروا فية وايضاً رومناسية وتعلم الصبر وغيرة .
وشكـــــــــراً