هدية لكل الثوار أسئلة قواعد عن الثورة

[raafatchemis]

أسئلةgrammaire عن ثورة الشباب

[محمد عبدالفتاح الحرجاوي]

عمل جميل جدا وبارك الله فيك

[ابو ميدو وسيف]

تسلم ايدك يا مسيو

[raafatchemis]

بصراحة أصابتنى الغيرة (الحميدة)مما يقدم اخوانى الأعزاء من أشياء قيمة استفدت كثيراً منها كما استفاد كل طالب ومدرس وهذه مشاركتى الأولى وتأخرت كثيراً بسببب جهلى التكنولوجى ولكن اتعلمت والحمد لله وانتظروا المزيد ولعل الثورة فجرت البداية
(وأذكر نفسى واخوانى المدرسين بقول رسول الله صلى الله عليه وسلم (اذا مات ابن آدم انقطع عمله الا من ثلاث منها علم ينتفع به) اللهم علمنا ماينفعنا وانفعنا بما علمتنا وزدنا علما
Raafat chemeis
مدرس لغة فرنسية-الاسكندرية (يسعدنى الرد على أى سؤال أو استفسار ) 0123423200

[emad abbas]

جزاك الله خيرا

[محمد محمد زيدان]

إهداء إلى شهداء الحريه

يا شعب عايش عالفتات
صامت وراضى بالقليل
قول مره لأ و كفياك أهات
ريسنا مش ناوى الرحيل

ثوارنا عملوا المستحيل
قالولو أمشى قال دى بلدى وليا فيها ذكريات
و الطيبين بكوا وقالوا مش ها يمشى مش هايمشى
و أحنا برضو مش ها نمشى م الميدان
أحنا أقوى من الصنم
أحنا أقوى من فرعون و من هامان
ثوارنا ماتوا تحت أقدام النظام
و على وشهم دموع فرح و دم أغلى من تاريخ ريس جبان

مش ها نمشى مش ها نمشى
مش ها نمشى هو يمشى
هو يمشى غصب عنه
هو و أبنه
و المليون حرامى اللى جنبه

هو فاكر نفسه حاكم على شوية غنم !
دانا المصرى اللى عمره ما سجد لصنم
دا أنا حارس بوابة التاريخ
و أنا صانع المجد و بانى الهرم

قالولو يافرعون أيش فرعنك
قال مالقيتش حد يردنى
قالولو طب و الشعب اللى نازل فى الميدان يخلعك
قال و الله ما يهمنى
دستور يا مصريين حارس على أمين
دستور بيقول أنا الإله على طول
دستور بيقول أنا ربكم الأعلى
و أنا اللى فــــــــ أيدى أمنكم
و أنا اللى فـ أيدى خبزكم
و أنا اللى هاحكم أرضكم
و أبنى أله تحت التمرين
بكره هايورث أرضى أنا مش أرضكم

أرض الميدان اللى رواها دم الشهيد
قالت للتاريخ لازم تقف على أرضنا
و تسجل فى الميدان أعظم ملحمه
خرجنا خلاص و ماعدش يهمنا
حديد ونار خيول جمال
خلاص خرجنا ومش هانرجع للعيال
عيالنا اللى بدون رصيد
مات عشانهم تلتمية شهيد

مش هانرجع البيوت
مش هانرجع للسكوت
مش هانخاف فى يوم نموت
و أحنا بنكتب التاريخ بدمنا

هانحاكم اللى داس بخيوله كرامة شعبنا
ها نحاكم اللى خرب البلاد
و اللى ناوى عا القعاد على قلبنا

خدعوك ياريس اللى وراك
و قالولك أن الناس معاك
الناس شاغلها رغيف و زيف
الناس قاتلها ألف خوف و خوف

قوم يا مصرى
مصر أمك مش مرات أبوك
قوم يا مصرى
دا اللى فى التحرير أبنك و أخوك
قوم ولبى ندا الثوار
أكتب بأيدك نهاية اللى بيسرقوك
و بيشتموك و بيهنوك
و يكهربوك و يعزبوك و يقطعوك
و فى ألف مليون طابور بيوقفك

المصرى ثار عشان يقول للظلم لا
عشان يقول أن الرئيس موظف عندنا ما هوش إله

ياشعب صايم ع الطعام و ع الكلام
اللقمه بتبوسها وتقول عايش تمام
الدم سال و الرجوع أصبح محال
دم الشهيد لون العلم فى صمته أبلغ من مليون كلام
وسط الميدان فى يوم غضب ورونا جبروت النظام
مدرعات و سيارات ما لهاش عدد
كتل حديد مالهاش ضمير بتدوس على ولاد البلد
الدم شلال أنفجر رسم العلم وسط الميدان
و ندا الشهيد رغم الألم أصبح أدان
و سط الميدان
وبدم طاهر أتحنت مصر ليلة عرسها
و الشعب كله زفها على لحن كان مات من زمان

طلعت على الدنيا و دم الشهيد على وجهها
أتهزت عروش الأرض و الدنيا وقفت كلها
وسط الزهول و قفت تقول مبروك لمصر عودة أبنها لحضنها

فارس نبيل مصرى أصيل
ودمه يومها كان دليل على حبها
هزم الرصاص و البصاصين و الجلادين والمرشدين وقالها
يامصر قومى ماتزعليش و ما تخافيش أنا قدها

مجنزرات وسيارات مالهاش عدد
ودبابات بتستجير وتقول مدد
من خوفها واقفه بتترعش و تحتها مليون ولد
و فى عز عز صدقها بتنحنى وتبوس أيديهم و الدمعه على وجهها

مش دبابات دى سلاحف طيبه مغلوبه على أمرها
و اللى يقرب منها يشوف دموعها و يسمع همسها
و هى بتبكى وتستغيث
الشعب يريد إسقاط الرئيس
محمد زيدان
كتبت بعد الخطاب الأول للرئيس السابق







أبلغ عن مخالفة

[مسيواحمدشعبان]

جزاكم الله خيرا

[مسيو محمد منجى]

عمل جديد ومميز

[مسيو حسين عبد الحميد]

سلمت يداك وبارك الله فيك
وبصراعة الأبيات المكتوبة في التعليق التالي للمرفق رائع جدا

[_ m3md_94_]

شكراااااااااااااااااا

[hossam8893]

بارك الله فيك

[yoki2011]

بجد بارك الله فيك وجزاك عنا خيرا

[yoki2011]

بجد قصيدة محمد زيدان فوق الروعه

[M.Ahmed Elsaid]

لشكرا لصاحب الموضوع

وشكرا لصاحب القصيدة

كل الاحترام