قوانين مطلوب تفسيرها لو سمحتو ..

[dodezk]

لو سمحتــو محتــاج تفسير القوانين دي عشان مش عارف احفظها
وانا مش فاهمها

عاوز اعرف ملف إيــه الي دار وبيتكلم عليه في القوانين



علما ان الصورة دي الي في دماغي مش شايف ملف بيدور بزاوية


معلش لو سؤال سهل بس بذاكر لوحــدي

[dodezk]

هـل من مجيب ( فيه مستقبل بيضيع )

[mohamed3210]

بص انا مش فاهم حاجة زيك كدة ....بس حفظتها كدة وخلاااص

[Mohamed Omran]

لا

الملف المقصود

ملف مستطيل زى ملف الدينامو مثلاً

اما يدور نص دورة من الوضع الرأسي

امسك كشكول فى ايدك وحدد طلع معين الضلط اللى فوق وبعد كده اقلب الكشكول فالضلع هيبقى لتحت

هو ده بقه معنى ان الملف اتقلب

وفى الحالة الاولى كثافة الفيض بفاى ام والحالة التانية بعد القلب - فاى ام تجيب التغير يبقى 2 فاى ام

[dodezk]

شكرا يا باشا بس للأسف مش فاهم
انا ضايع ولا ايه

[Hima Ryan]

أبسٌطهالك
بُص يا ريس 1- المجال كان قاطع للملف فبيولد ق.د.ك مستحثة و عند إدارة الملف بزاوية 90 أو أي زاوية تجعله موازي لخطوط الفيض أو تجعل الخطوط غير قاطعه له يكون معدل القطع ( الفاي إم ) صفر يبقي التغير ( الدلتا ) قيمة فاي إم الأولي - صفر = القيمة الأولي ( مفيهاش مشاكل دي )
2- مش شايف فيها حاجة بصراحه ... بتجيب التغير في الفيض ( الكبير - الصغير )
3- الفيض مثلا مؤثر علي الملف من جهه و عند إدارة الملف 180 درجه ( حاول تفهمني في الحته دي ) إعتبر ان الملف لم يدر و أن الفيض هو اللي إنتقل من الجهة اللي كان فيها و بقي في الجهة المقابله يعني إتجاه الفيض هنا عكس أتجاهه قبل الدوران يعني هيبقي الفيض في الحاله التانيه بالسالب ( مش القيمه ولكن السالب ده لبيان أنه إتجاهه مخالف ..... زي قاعدة لنز )
هات التغير فاي 1 - ( - فاي 1 ) = 2 فاي 1
4- نفس الفكره .... بعكس إتجاه التيار ينعكس إتجاه الفيض و الليله اللي قلتها فوق دي
يا رب تكون فهمت من كلامي حاجه
السلام عليكم

[dodezk]

شكرا اوي علي تعبك معايا باشا بس فيه حاجة هتفتحلي كل الي حضرتك كتبو ان شاء الله
دلوقتي انا في دماغي لو الكلام علي ملف زي الدينامو انو وهوة موازي بيقطع خطوط الفيض اما ادورو 90 درجة يبقي عمودي علي خطوط الفيض ومش هيقطعها يبقي ازاي بقي يبقي ازاي دي ( عند إدارة الملف بزاوية 90 أو أي زاوية تجعله موازي لخطوط الفيض أو تجعل الخطوط غير قاطعه له )

معلش لو سؤال فيه عته بس معلش ياباشا