|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
26-05-2011, 11:46 PM
|
|||
|
|||
اقتباس:
صعبان عليكوا ايه بس !! طيب ايه رأيكم ان حاله اتعدل بعد كدا والتفت لدراسته وبعد التخرج ربنا سبحانه وتعالي هداه إلي النقيض مما كان عليه . تعرفوا بقي ايه ؟! والله ربنا أكرمه وبقي شيخ قد الدنيا وبيطلع علي الفضائيات كمان . بس أنا مقدرش أقول اسمه . كل يومين كدا يا عزة أحكي علي موقف علشان الموضوع يستمر وكمان علشان غيري يحكي هو كمان . 
|
|
#2
26-05-2011, 11:51 PM
|
||||
|
||||
|
اقتباس:
انا فى انتظار موقف حضرتك الجديد يا مسهل زاليومين دول يعدوا بسرعه
__________________
|
|
#3
27-05-2011, 02:12 AM
|
||||
|
||||
اقتباس:
وجزاكي باذن الله ،، تحياتي العاطرة المتعطرة  اقتباس:
 اوعي تسكتي علي حقك ((انا برضو بحرض ع الاجرام ولا ايه ))والله دي كلها مواقف لذيذة جدا وتذكرها بتفررررررح صاحبها اوووي تحياتي العاطرة المتعطرة اقتباس:
بس انا قلت للاسف هتنتهي بحكايه ماساوية هقولها ان شاء الله تحياتي العاطرة المتعطرة اقتباس:
الحمد لله ويا بخته ربنا يجعلنا زيه ولا نصه اللهم امين كل يومين طيب انا هستني برضو اليومين دول يعدوا بسرعه يامستر مواقفك كلها تحفه بجد والله...كنت مقطع السمكه وديلها وراسها كمان ممكن اقول حاجه يا مستر بعد اذن حضرتك انا سمعت انه لايجوز نقول علي نفسنا شقي لانها كلمه مذكورة في القرأن بالسوء: حيث قال تعالي"فأما الذين شقوا ففي النار لهم فيها زفير وشهيق" انا عارف ان احنا والجميع قصدنا ونيتنا حسنه بس الموضوع مش موضوع نيه الموضوع موضوع اللفظ نفسه ممكن نقول كلمه غيرها زي دؤرم مثلا او مقطع السمكه وديلها او بوروم او اي حاجه غيرها ...اقولها للجميع فقط حتي لا اخذ وزرا لانني كتمت شيئا عليكم من باب الدين النصيحه و بلغوا عني ولو ايه لك مني عظيم التحيات والدعوات بصالح الاعمال
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#4
27-05-2011, 02:21 AM
|
||||
|
||||
انا عارف يا جماعه ان المواقف بتاعتي معظمها كانت مع العجل
هم تحديدا 3 مواقف شوفوا بقي ازاي انتهت المواقف بتاعتي مع العجل يعني الموقف ده اللي هو الرابع اخر موقف ليا مع العجل ماكنتش حابب احكيه والله بس اعمل ايه هقوله هو ملخصه في كلمتين مش اكتر حصل السنه اللي فاتت دي الترم الثاني رحت اصلي العشاء وكان يوم جمعه المهم دخلت اصلي العشاء وكنت في الفترة الاخيرة لما بروح اصلي مش بقفل العجله لاني مش بتأخر في الجامع يدوب بالكتير عقبال ما صليت العشاء وكده خد مني وقت تقريبا ربع ساعه او عشر دقايق وكان معايا واحد صاحبي بعجلته برضو مدرس زميلي المهم خرجت واتصدمت بان العجله بتاعتي مش موجودة في مكانها وقعدت ادور عليه يمين شمال فص ملح وداااااااااااااااااابت وكأن الارض اتشقت وابتلعتها وخدت عجلت زميلي عشان ادور عليها وبرضو مفيش فايده ...اللي زعلني ومأثر في نفسيتي جدااا حتي الان مش ان العجله اتسرقت لالالا انما اللي مزعلني اووووووي ومقطع في نفسي ان العجله اتسرقت من قدام بيت ربناااااااا ولا حول ولا قوة الا بالله شوفتوا بقي العجله اخرتها بقي ايه،،، تحياتي للجميع 
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#5
27-05-2011, 07:11 AM
|
|||
|
|||
|
اقتباس:
جزاك الله كل الخير وبارك فيك علي هذه النصيحة . ولكن كلمة شقي لها عدة معاني في اللغة العربية ومنها ما تفضلت وذكرته , ومن ضمنها أيضاً أنها صفة للتعبير عن كثرة الأفعال التي يفعلها الفتيان . ولكن لا بأس من ترك هذا اللفظ واستخدام غيره ( بس بلاش السمكة دي علشان أنا مليش في السمك  )
|
|
#6
27-05-2011, 07:52 AM
|
|||
|
|||
|
اقتباس:
ههههههههه الله يخليكِ ياقمر ههههه لا انتقام نتي ايميلي بس فرحت اوي اني عملت المقلب وريحت ضميري اقتباس:
هههههههه فعلا اجمل مافيها اننا بنفتكرها ونضحك اما موقف حضرتك فنهاية مأساوية ودرامية لقصة العجل وزي ماحضرتك قولت اسوء شيء انها اتسرقت قدام بين الله ربنا يعوض على حضرتك ان شاء الله وأ/ هاني حمدلله على السلامة وانا بقرأ حسيت بالخوف نفسه بس اصحابك دول ما شاء الله قاموا بالواجب وزيادة بس ماتخفش انزل تاني ومش يهمك البحر حلو  ، .. موقف أ/ محمد بتاع سرقة العجلة
فكرني بموقف لبابا واحنا فالسعودية كنا فالمدينة ورايحين الروضة نزور قبر الرسول عليه الصلاة والسلام المهم كالعادة كان لابس جلابية بيضا والجلابيات دي عادة بتبقى شفافة بتبين ال فالجيب وكدا فبابا فاليوم دا حط فجيبه مبلغ وقدره بالسعودي ماما تقوله مش مهم انت هتروح تزور الروضة مش هتشتري يقولها لالالا ماضمنش الظروف وفعلا عمل ال فدماغه ، دخل الروضة مع عمو والفلوس فجيبه والروضة زي ماهو معروف زحمة مووووت وهو طالع بيبص عالفلوس طااااااارت طبعا زعل شوية وبئا مش مصدق ان فيه ناس بتسرق هنا لاء وفالروضة كمان ومن ساعتها وهو بيسمع الكلام ومش بياخد فلوس كتير
|
|
#7
27-05-2011, 02:11 PM
|
||||
|
||||
أ/علي
بارك الله فيك وجزاك الله خيرا لتفهمك ما اقصد انا ماكنتش واخد بالي برضو من اللفظة نفسها وكنت بقولها عادي جدا جدا وبحسن نيه زي الكل مابيعمل بس لما سمعتها من الشيخ بصراحه لقيت عنده حق واقتنعت جدا بكلامه ((للعلم اكثر هذا الموضوع موجود في شريط للشيخ مسعد انور بعنوان كلمات والفاظ تخالف العقيده ...يعني للاطلاع وطبعا هو موجود ع الانترنت)) لك من قلبي عظيم التحيات  ........................................... بالنسبه لموقف اخويا هاني حمدا لله علي سلامتك بصراحه مواقف البحر دي بتبقي اصعب مواقف يا هاني انا برضو ببقي حريص جدا مع البحر خصوصا ان انا اساسا مش بعرف اعوم بس بخبط اي حاجه وخلاص   انت ممكن تنزل البحر تاني بس لما تكون مهيأ نفسيا وعقليا وجسمانيا وفكريا وعضليا دي نصيحتي ليك وبلاش موضوع السباقات من النوع ده لو هتنزل تاني يعني تنزل بغرض السباحه والمرح والحصول علي متعه العوم وخلاص .... وسلملي علي اصحابك لك مني التحيه والتقدير.............................................. بالنسبه لموقف نقاء الروح فعلا دي حاجه تحزن الواحد انه يتسرق في مكان لا يتخيل انه ممكن يحصل فيه سرقه حتي في الروضه كمان  كويس انه بيسمع الكلام دلوقتي لكي مني التحيه والتقدير
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#8
27-05-2011, 04:23 PM
|
||||
|
||||
|
اقتباس:
بس بقا ساعة القدر .. يعمى النظر بصراحة مش عارف هقدر أنزل البحر تانى ولا . لأ ..بعد اللى شفته دا  انا بعد الموقف اللى حصل دا ..فضلت فى اسكندرية 25 يوم .. ما نزلتش فيها البحر خالص كنت كل يوم أخد الكتاب .. وأروح أقعد على الشط .. وأفضل طول النهار كده .. أقرأ .. خصوصا إن رمضان كان دخل علينا .. ومفضلشى حد فى القرية غيرنا .. دا ناهيك بقا على كية التريقة اللى سمعتها من العيال دى ...  الله يسلمك يا باشا
__________________
يا رب
|
|
#9
27-05-2011, 04:28 PM
|
||||
|
||||
|
اقتباس:
ههههههههه الصين حلوة  والله الموقف دا عمرى ما هنساه فى حياتى وما أعتقدشى إنى ممكن أمر بلحظات أصعب من دى أصحابى على فكرة .. مكنوش شايفنى .. كانوا بعدوا عنى بكتير .. ومكنوش مع بعض كمان ..كان كل واحد لوحده دا كان سبق ..وكل واحد عايز يسبق .. وهما لما لفوا الناحية التانية تاهوا فى وسط الناس الكتيرة جدا ... ( كان يوم جمعة كمان ) .. وكل واحد مبقاش عارف التانى راح فين المهم ..حمدا الله على سلامتى 
__________________
يا رب
|
|
#10
28-05-2011, 06:52 PM
|
||||
|
||||
انظروا الي عظمه الخالق سبحانه وتعالي!!!
انا افتكرت موقف
من اجمل واروع المواقف اللي شفتها في حياتي ويارب تتكرر تاني كنت في مرة من زمان كده واقف قدام الباب بتاعنا الداخلي اللي بيودي علي مكان في البيت فيه شجر وكده زي جنينه صغيرة المهم وانا واقف كده قدام الباب بصيت فجأة لقيت هدهد نازل من فوق السما جاي بسرعه من فوق اوي وراح فجأة نازل قدامي بيني وبينه مفيش حوالي متر المهم راح ضارب منقاره(حوالي10سم) في حته معينه في الارض وطلع دودة ومسكها بمنقاره وطااار ياسبحان الله انا وقفت مذهوووووووووول انا واقف ومفيش في الارض اي شئ يدل علي وجود هذه الحشرة(الدودة وبيني وبينها مفيش متر) انما الهدهد من اعالي السمااااااااء ازاي ربنا اعطاه هذه القدرة العجيبه عشان يعرف وهو فوق ان فيه هنا دودة وكمان ايه تحت الارض بحوالي 10 سم ..فعلا تتجلي قدرة الخالق سبحانه وتعالي وهذا من اعجب ما رأيت ومستحيل ان انسي هذا الموقف ابدا ماحييت تقبلوا جل تحياتي
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:02 PM.
