دعوى جديده من شخص جديد ضد البرادعى

[osama_mma14]

دعوى قضائية تطالب بسحب الجنسية المصرية من محمد البرادعي وجمال مبارك والمحكمة تقرر تأجيلها إلى 5 يونيو

Date: 2011-05-22 08:12:45


قررت محكمة القضاء الإدارى، برئاسة المستشار محمد عبد البديع عسران، النائب الأول لرئيس مجلس الدولة، تأجيل الدعوى التى تطالب بسحب الجنسية المصرية من كل من جمال مبارك، ابن الرئيس المخلوع حسنى مبارك، والمحبوس على ذمة التحقيقات، ومحمد البرادعى، مدير الوكالة الدولية للطاقة الذرية السابق، وأحد المرشحين لمنصب رئيس الجمهورية، لجلسة 5 يونيو لإعلان جمال مبارك فى محبسه.

وكان حامد صديق، الباحث، قد أقام دعوى قضائية أمام محكمة القضاء الإدارى بمجلس الدولة، طالب فيها بسحب الجنسية المصرية من كل من جمال مبارك ومحمد البرادعى، مشيرا أن جمال مبارك يحمل الجنسية الإنجليزية بحكم أن والدته سوزان ثابت تحمل هذه الجنسية، وأن ما قام به جمال ووالده ووالدته من فساد فى البلاد حتى يخلف والده لرئاسة مصر، يجعلنا نطالب بسحب الجنسية المصرية منه، كما أنه لم يحصل على إذن من وزارة الداخلية قبل الحصول على الجنسية الإنجليزية طبقاً لقانون الجنسية المصرى.

وبخصوص البرادعى أشار إلى أنه أثناء توليه منصب مدير الوكالة الدولية للطاقة الذرية تغاضى عن استخدام إسرائيل للأسلحة النووية ولم يرشد عنها، بل وساهم فى الحرب على أفغانستان والعراق وغير

[هانى الشرقاوى]

ماذا عساى ان أفعل غير الضحك ؟؟؟

[محمد.فوكس]

هههههههههههههههههههههههههههههههههههههههههه
البرادعي مغلبهم مش عارفين يعملوا معاه ايه ولا ايه.
كانو فاكرين ان معاه جنسية تانية و قالو الدستور هيمنعه من الترشح طلع مفيش.
روح اتشطر على اعداء الثورة و اطلب سحب الجنسية منهم الاول.

[king 99]

طيب كويس انه مجبش اسمى

كان فى واحد بيقول انه معاه مستندات ورايح المحكمة وتقريبا كان عايز حد يقعده فى البرنامج ساعتين يتكلم له شوية ولما محدش عبره سكت ولا شفنا قضايا ولا مناظرات ولا أى حاجة ؟؟ محدش شاف الراجل ده يا جماعه ؟؟

ودلوقتى برضة محامى عايز يبقى مشهور شوية رايح يرفع قضيه على الراجل وكمان السبب مضحك جدا جدا دليل على غباء صاحبه يعنى محدش قال لسيادتك روح وقع على اتفاقية منع انتشار الأسلحة النووية

[yazo300]

لديه حق فيما وستثبت لنا الايام ذلك

[أحمد كووول]

المشاركة الأصلية كتبت بواسطة osama_mma14

5
وبخصوص البرادعى أشار إلى أنه أثناء توليه منصب مدير الوكالة الدولية للطاقة الذرية تغاضى عن استخدام إسرائيل للأسلحة النووية ولم يرشد عنها، بل وساهم فى الحرب على أفغانستان والعراق وغير

يبقي من العدل أيضا إسقاط الجنسية المصرية عن مبارك لأنه أكبر حليف استراتيجي لأمريكا و اسرائيل

لأنه عار علينا نحن المصريون

[محمد.فوكس]

المشاركة الأصلية كتبت بواسطة أحمد كووول

يبقي من العدل أيضا إسقاط الجنسية المصرية عن مبارك لأنه أكبر حليف استراتيجي لأمريكا و اسرائيل

لأنه عار علينا نحن المصريون

هذه اكبر دعاية للدكتور البرادعي
يعني مفكرش الاول يطالب بسحب الجنسية عن اللي جرفوا البلد و وقفوا ضد الثورة و صدروا الغاز المصري اللي مش زايد عن حاجة الشعب لاسرائيل و جاي يشوف نفسه عالبرادعي.
اي واحد حتى لو معارض للبرادعي هيشوف الخبر ده اكيد هيحس ان ده هبل و اللي عامل القضية دي واحد اهبل و عايز يشتهر و خلاص.

[osama_mma14]

سنرى إن شاء الله

[هانى الشرقاوى]

المشاركة الأصلية كتبت بواسطة osama_mma14

سنرى إن شاء الله

سنرى بإذن الله

[kuband]

مشكور اخى على المجهود الرائع