مسألة مواتير كهربية "فكرتها مش بطّالة"

[روحاء هندسه]

المشاركة الأصلية كتبت بواسطة hatemt

ايه يه جماعة كل اللي بيحصل ده
كل ده على مسألة زي دي
المسألة دي حلها في سطرين على فكرة
وأنا حططتها عشان أغير الأسلوب التقليدي اللي انتوا اتعودتوا عليه
وكمان عشان أعودكوا ازاي تتصرفوا في الامتحانات لو قابلتكوا مسألة غريبة أول مرة تشوفوها زي دي
أما بالنسبة للأخت روحاء انتي ليكي شوية تعليقات تعتبر من عجائب الدنيا السبع
يعني ايه مش مطالبة باللي انتي أخدتيه في أولى ثانوي
طب ما انتي يتجمعي وتطرحي وتضربي والحاجات انتي أخدتيها في الابتدائية كمان مش الاعدادية هل ده معناه ان مش يسأل في حاجة زي كده.....
معلومة أكيد سمعتيها قبل كده

الفيزياء علم تراكمي
too meet all of you

أولا يافندم أنا قبل كل شيء أتأسف لو كانت طريقة كلامي امبارح بطريقه عصبيه شوية

لكن معلش انا مش بحب شغل التحدي في شيء خارج إطار منهجي

يافندم معلش يعني المسأله أكتر من سهلة بس لو انا عارفه القانون

ازاي حضرتك مديني قفل وعاوزني أفتحه ومش مديني المقتاح؟؟؟

زي بالضبط اما تديني مسأل مش عليها قانوني وتعوز مني الحل

هيبقى نفس المنطق بالضبط

يافندم الفيزياء علم تراكمي بالنسبه لحضرتك لان حضرتك مهندس

لكن بالنسبه لي كطالبه مش مطلوب مني غير تالتة ثانوي وبس

ولو مطلوب مني اولى ثانوي كان زمان كل المدرسين شرحوا دة

المواد التراكمية عندي كطالبه هي الرياضه والانجليزي والفرنساوي بالنسبه لتانيه وفقط

الأحياء مثلا يافندم كلها مترتبة على بعض ومع ذلك امتحان السنة اللي فاتت لم يخرج أبدا عن نطاق المنهج لان ده المطلوب مني


يافندم فيه مستر اسمه مستر محمد في قسم الكيمياء كنت كل شويه أسئله هل ينفع أحضر مركب معين من آخر وهكذا

قال لي كلمة في غايه الأهميه

ان في الكيمياء العضوية أقدر أحضر اي مركب عضوي من أي مركب عضوي آخر لكن العبرة بهل ده علينا ولا مش علينا

ياأستاذي الفاضل::

الفيزياء بحر لا حد له ولكن العبرة بمنهجي

وأعتقد حضرتك أكتر واحد عارف كدة بحكم تخصصك

على فكرة انا مش معترضه ع السؤال


بالعكس فرحانة اني عرفت حاجة جديدة

بس أتمنى قبل اما اي حد يحط سؤال يقول ده موضع امتحان او انه موضع تفكير مابيننا نشغل دماغنا وبس

يعني ياريت توضيح

عشان بس احنا في وقت حرج مش مستحمل حاجة زي كدة

وأنا عن نفسي حاليا عاوزة أركز في منهجي عشان هدفي واضح وصريح ومش عاوزة ألف حواليه وبالتالي انا لو لقيت أسئله في منهجي تفيدني يبقى جميل

وياريت اي حد يجيب اصعب المسائل في اطار المنهج مش براه

لكن اننا نجيب اسئله برة المنهج يبقى حاجة من اتنين

اما عاوزين نشوف مدى مذاكرتنا واحنا فعلا هنعرف نفرق بين منهجنا وغيره او اننا عاوزين نظهر بشكل اكتر وضوح بشكل يجذب الطالب وللأسف الشديد يشغله عن منهجه الأصلي

ياأستاذي الفاضل::

انا ماعنديش مشاكل ادخل احل الأغاز ديه بس يوم 2_7 في الأجازة ان شاء الله لاني بصراحة حاليا مش فاضيه خالص غير لمنهجي ولكل افكار منهجي(وهي مش قليله ولا سهله)


يبقى جميل اوي

لكن خلاف كدة انا ملتزمة بمنهجي ولو شفت معلومة برة المنهج اكيد هعرفها لكن مستحيل ادي المنهج الخارجي اكتر من 1 في الميه والا اكون طالبه مش عارفه بعمل ايه وماليش هدف محدد

أخيرا وليس آخرا لعلم حضرتك المستر واضع الامتحان مطالب منه انه يحط كل حاجة من منهج الكتاب ومن صفحات الكتاب

وحتى امتحان الاولمبياد 2008 لم يكن يحل بقوانين خارج المنهج.....

أقدم اعتذاري مرة تانيه عن عصبيتي امبارح بس انا اتضايقت جدا

وأقدم شكري على جهد حضرتك لان بلا شك معلومة أفادت ولم تضر

وهتبقى مفيدة أكتر لو بس كتبت جنبها نفكر شويه مع بعض ونشغل دماغنا...

وشكرا

المشاركة الأصلية كتبت بواسطة hatemt

وبالنسبة لواضع السؤال ده: هو العبد لله وأنا مش مدرس فيزياء أنا مهندس كهرباء

انا والله لم أقصد شيء من سؤالي لاني كنت متأكدة ان حضرتك فيزيائي لكن في نفس الوقت كنت متأكدة ان حضرتك مش مدرس ثانوي عام بل حضرتك أشمل وأعم

لكن انا يافندم معلوماتي بالنسبه لمعلومات حضرتك صفر وبالتالي لازم تراعي كدة

وتراعي منهجي مش اي منهج تاني...

المشاركة الأصلية كتبت بواسطة hatemt

اجابة المسألة:

القدرة هنا المقصود بيها القدرة الكهربيةا وهي الناتجة للقدرة الميكانيكية "ما علينا"
تساوي ايه القدرة الكهربية= الفولت x التيار
طب القدرة الميكانيكية=عزم الازدواج/الزمن
=القوةx السرعة
حيث القوة: القوة الكهرومغناطيسية المتولدة
,السرعة= سرعة دوران المحرك
طب المعطيات اللي عندي
fg=1000*75*10
أنا فرضت أن عجلة الجاذبية=10m/s2
المهم:
السرعة =المركبة العمودية " زي كلام بلال"
10sin(45)=7.1 m
مقسومة على الزمن=60*60seconds
يبقى القدرة الميكانيكية=1000*75*10*0.00196
=1473.13
طب سؤال وحدة القياس هتبقى اييييييييه؟
قدرةهتكون ايه يعني بالواااااااات
المهم
كده باقي آآآآآآآآآخر خطوة وهي الكفاءة اللي بتساوي الخرج على الدخل
0.6=1473.13/pele.
أي أن القدرة الكهربية=2455watts
طب الكلام ده معناه ايه بالبلدي:
يعني علشان الموتور اللي بيشغلي السلم الكهربي اللي بيشيل 1000نفر كل واحد منهم75كجم ويرفعهم لمسافة رأسية "اللي احنا جبناها" , والكفاءة بتاعة الموتور ده 60% عشان ينفذلي كل الكلام ده
لازم أزوده بمصدر كهربي قدرته لا تقل عن 2455 واتس
بالتوفيق................

شكرا ع جهد حضرتك

بس أقسم بالله يافندم اديت السؤال للمستر بتاعي قال لي القانون اللي شغالين بيه صح لكن مش عليكو

وبالتالي هو دة الفيصل..

مش من حق حد انه يتحداني في حاجة ماادهانيش والا يكون ده اكبر ظلم.....

المشاركة الأصلية كتبت بواسطة hatemt

ايه رأيكوا؟ حلوة ولا وحشة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالتأكيد حلوة يافندم

بس والله هتبقى أحلى في نظري كطالبه لو حضرتك كتبت نشغل تفكيرنا ونفكر مع بعض مش امتحان يعني

وشكرا لحضرتك

المشاركة الأصلية كتبت بواسطة hazem3

شاكرين لحضرتك تعبك ومقدرينه وفاهمينه أكيد..

وبالنسبة لآنسة روحاء أتمنى حضرتك تكون متفهم أنها أكيد مشدودة ومتوترة بسبب الإمتحانات..

وأتمنى أن حضرتك متبخلش علينا بأي سؤال فيه فكرة جديدة زي ده..

في رعاية الله..

على راي زميلي حازم


انا لما أدخل قسم الفيزياء لأول مرة وألاقي الناس هنا بتتكلم عن مناهج تانيه خالص

حضرتك عاوزني أتكلم بهدوء ازاي؟؟


انا يااستاذ حاتم زي اما قلت مش معترضه على اي حاجة بره المنهج

ممكن نتكلم اتنين وعشرين ساعة في اليوم عن منهجنا وساعتين عن برة منهجنا مفيش مشاكل..

لكن لو مااهتمناش بمنهجنا يبقى احنا ضيعنا كل حاجة من ايدينا...


وشكرا