رد سريع من فضلك

[mh2befort]

انا الحقيقة اول مرة اخد بالى من القسم ده فى المنتدى ..ويا ريت يكون فى استجابة مش مجرد كلام على الفاضى ..
المهم مشكلتى ربما يعانى منها الكثيرين فى مثل عمرى فانا عمرى 18 سنة وهى مشكلة مشاهدة الافلام الاباحية والاستمناء ..وهى مشكلة بالفعل خطيرة وحلها على فكرة موجود وبطريقة مفصلة سواء فى مواضيع على المنتدى هنا أو برة ولكن المشكلة الاكبر عندى ان هذه المشكلة تؤثر على كل شئ فى حياتى فانا طالب ثانوية عامة مرحلة ثانية وحاصل على مجموع 98% فى المرحلة الاولى وطبعا عاوز احافظ على نفس المستوى فى تالتة ..والحكاية دى مش مخليانى لا عارف اذاكر ولا عارف اصلى ولا طايق نفسى ولا طايق المدرسين ولا اللى حواليا ..يمكن أكون مش طايقك انت شخصيا مع انى معرفكش بسبب الحكاية دى ..عارف كده لما تكون الدنيا كلها سودة فى وشك ..هتقولى طب وفين عزيمتك وارادتك وكده ..هقولك والله جربت كل حاجة ...امسك نفسى بالكتير اوى شهر وبعد كده فى لحظة ضعف ارجع تانى ..واحد عيوبى برده ان عمرى نا بحكى لحد على اى مشكلة عندى ..ممكن اسمع مشاكل الناس واحلها..انما اقول لحد على مشكلتى ..مستحيل ..وتقريبا دى اول مرة اعملها واللى مشجعنى طبعا ان الحكاية سرية وان انا معرفكش ولا انت تعرفنى ..معه العلم إن أنا قبل الحكاية دى ما تبدأ معايا من سنتين كده كنت متدين ومحافظ على صلواتى وبحفظ قران ..اقولك الانقح كنت واخد كمان الطالب المثالى على مستوى المحافظة بتاعتى ..دلوقتى حاسس انى ماليش لازمة فى الدنيا ..يا ترى عندك حل ..بس بسرعة وحياة خالتك ..عشان الامتحانات قربت ..يا رب حد يقرا حاجة ..