اضراب 17 ابريل فى اسيوط

[nnoora]

انا انهردا نزلت ادارة اسيوط وروحت لرئيس القطاع عشان اساله على العقد الجديد 3/2 وقال انه مفيش قرار رسمى يطلب تنفيذ الكلام ده
ولما روخت التوجيه هو برده مش فاهمين اى حاجه
هما يا جماعة بيماطلوا وكل اسبوع ينزل عقد انا مش عارفه ليه مش راضين ينفذوا قرار75 كل المحافظات نفذته الا محافظة اسيوط دى
غير كده احنا لينا سنين شغالين لسه عاوزنا نقعد ثلاث سنوات تانى
ايه الظلم ده
لو فعلا فى وقفه يوم 2/5 امام المديرية ياريت نعلن عنها وتكون وقفة بجد منمشيش غير لما يتنفذ قرار 75 وكفاية كلام احنا عايذين تنفيذ
ياريت تحددوا الميعاد لنشارك فيه

[nnoora]

انا انهردا نزلت ادارة اسيوط وعرفت انه بكره فيه اجتماع مع الموجهين ورؤساء القطاعات لينزلوا العقد الجديد وسمعت برده انه عقد 3/2 اتغير فيه بند تحديد الاجر ع حسب جدول الحصص وانه هيحدوا فيه اجر ثابت
ده هو الاى سمعته نتمى خيرا

[ايهاب بابا]

فعلا ده صحيح

[أبراار]

لعله خير بإذن الله

[nnoora]

انهردا نزلت العقود بادارة اسيوط وهو نفس العقد 3/2 مفيش تغير والناس ابتدات تمضى ولازم الشرط انه المرتب ع حسب جدول الحصص ابتدائى 24 حصة وثانوى 18 حصة اما المشكلة ف الناس الاى مش بتاخد حصص اصلا مش عارفه هتحسب ازاى ذى الاخصائين ووثائق مكتبات ومعامل وتطوير دى الاى حصل انهردا لو في حاجة تانى هبقى اقولكم عليكم

[أبراار]

انهردا نزلت العقود بادارة اسيوط وهو نفس العقد 3/2 مفيش تغير والناس ابتدات تمضى ولازم الشرط انه المرتب ع حسب جدول الحصص ابتدائى 24 حصة وثانوى 18 حصة اما المشكلة ف الناس الاى مش بتاخد حصص اصلا مش عارفه هتحسب ازاى ذى الاخصائين ووثائق مكتبات ومعامل وتطوير دى الاى حصل انهردا لو في حاجة تانى هبقى اقولكم عليكم

سبحان الله اللي سمعته إن المشكلة في اللي عاملين بالحصص إنما كل الناس غيرهم اللي بالمكافأة الشاملة سواء أخصائي أو غيره هياخدوا المرتب كامل

دلوقت بتقولي العكس

ولا حد عارف ولا فاهم حاجة من الإداريين ولا حول ولا قوة إلا بالله

أنا عن نفسي لسة ماعملتش أي حاجة ولا رحت ولا عارفة نزل في إدارتنا ولا لسة الله أعلم

بكرة إن شاء الله نسأل ونشوف الله المستعان

[nnoora]

والله بالنسبة لإدارة أسيوط بدأت بالفعل باستلام العقود وانا انهردا مضيت العقد وسلمته
اما عن المرتب الكلام كان كتير ف الموضوع ده بس الاغلب بيقول انه العاملين بالحصة هياخد المرتب كامل ده لو جدول الحصص كامل 24 حصة لابتدائى وثانوى 18 اما غير كده هيتحاسب ع قد عدد الحصص
أما العاملين بالمكافاه هياخدوا المرتب كامل لانهم مش بياخدوا جدول حصص غير انهم بيرحوا من اول اليوم الدراسى .
غير انه انا وماشية حصلت حاجتين
الاولى : قالوا انه العقد ده هيتلغى الاسبوع الجاى هينزل عقد جديد ده كلام بعض الموظفين فى الادارة
الثانية : قالوا انه اول شهر سبعة هيلغوا كله ده وهتنزل حاجة جديدة خالص بس قالوا لازم نمضى ع ده عشان نضمن مكانه
غير كده محدش فاهم اى حاجة
وربنا ييسر الامور أن شاء الله

[أبراار]

طبعا الكلام ده بالنسبة لإدارة أسيوط أما إدراتنا إدارة الفتح المبجلة هتبتدي تستلم من يوم السبت إن شاء الله

أما عن المرتب فده اللي سمعته وده المفروض بالنسبة للأخصائيين اللي بالمكافأة الشاملة لأننا فعلا بنتحاسب على أساس اليوم وبنروح من أوله لآخره فكدة تمام

أما الخبرين اللي قولتيهم دول فيعني مش عارفة أقول إيه نو كومنت الحقيقة

بس بالنسبة للخبر التاني ده مُتوقع بُناءً على ان حيكون فيه حد أدنى للأجور والله أعلم

وعموما وعلى أي حال إن شاء الله هأمضي ع العقد وأسلم الورق يوم السبت بإذن الله والله المستعان وعليه قصد السبيل وهو اللي يصلح الحال ولعله خير

شكرا أختي الكريمة ع الإفادة وأتمنى توافينا دايما بالجديد

[ramy12]

ارجو افادتنا بما هو جديد يااخت ابرار ولكى جزيل الشكر

[nnoora]

عايذه اوضحلك حاجة يا اخت ابرار الخبرين الاى انا قولتهم انا سمعتهم وانا بمكتب رئيس القطاع غير كده انا بحاول بقدر الامكان اقولكم كل المعلومات الاى عرفتها عشان نقدر نتواصل مع الكل واى خبر انا مش واثقة فيه مش بقوله
المهم يمكن تكونى انهردا مضيت العقد ان شاء الله ياريت اعرف ايه الاى بعد كده بالمدارس نظام الحضور والانصراف والمرتب هيبقى ازاى بإدارة الفتح
لانه ان لسة معرفتش النظام بادارة اسيوط
بارك الله فى الجميع

[أبراار]

النهاردة روحت الإدارة فعلا بدأوا يستلموا

بس للأسف لسة ماخدوش ورقي

لأنهم قالوا لازم تروح المدرسة تاني وتخلي المدير يمضي ع ال5 عقود ويختم ختم المدرسة

وبعد كدة تودي الورق للإدارة يمضي عليه توجيهك

وبعد كدة هياخدله لفة كبيرة في الإمضاءات حيث هيمضي عليه وكيل ومدير الإدارة وبعد كدة يروح المديرية وياخد لفة برضه يتمضي منهم هناك وحتى وكيل الوزارة لازم يمضي ع الورق وقالوا هياخدولهم شهر على ما يتمضي الورق ويلف كل اللفة دي

بعدها بقى هيبعتوا للمدرسة نسختين نسخة معاهم ونسخة معانا

وده يفسر لحضرتك ياأستاذ إيهاب ويفسرلنا ليه ماإدوناش النسختين واحدة لينا وواحدة للمدرسة

لأنهم مش هيدهوملنا قبل ما يتمضوا كل الإمضاءات دي

وسألتهم واللي كملوا 3 سنين هيمضوا؟؟؟؟

قالوا كله هيمضي مادام قائم على رأس العمل

أما عن الراتب وكيفية حسابه ومن إمتى هيحاسبونا على العقد الجديد فمافيش أي إجابة

هم كل اللي يعرفوه دلوقت هو ده

اقتباس:
على اى حال لما نقبض شهر مايو هيبان دا احنا حتى مش عافين هنعمل استمارة قبض زى كل شهر ولا المرتب هييجى لوحده بما اننا اتعاقدنا لو حد يعرف يقولنا

وفعلا مش عارفين هنعمل إستمارة ولا لأ

بس عاوزة أقول لحضرتك إن معانا ناس شغالة ببند 2/2 وناس 3/2 بيعملوا برضه معانا الإستمارة

يعني حتى لو ع العقد الجديد أعتقد برضه لازم نعمل الإستمارة ويجيلنا القبض بشيك بعيد عن المدرسين المثبتين والمتعاقدين في المدرسة

وده إعتقادي والله أعلم

وبعدين بعيد عن ده كله المفروض إحنا يتضافلنا إبتداء من الشهر ده ال15%

أنا لسة ماقبضتش شهر 4 بنقبض دايما كل شهر في نص الشهر اللي بعده

والله أعلم إيه اللي هيكون

ونأمل خير

بكرة إن شاء الله هأمضي ال5 عقود من المديرة وتختمهوملي وأروح أوديهم الإدارة إن شاء الله

يعملوا فيهم اللي عاوزين يعملوه أنا زهقت جدا والله الواحد بقاله أسبوعين تقريبا كل يوم في الإدارة وزهقت بجد

بهدلونا والله وذلونا ولففونا ال7 لفات حسبي الله ونعم الوكيل فيهم

ربنا يهون علينا ويصلح الحال ويجعله بفايدة يارب

رغم إنه ظلم يساوي ناس ليها 10 سنين بناس شغالة السنه دي ويمضوا نفس العقد والله أعلم هيحسب اللي فات ولا لأ

ياريت بس ينفذوه أساسا

ده منا الورق ما يلف وبتاع نكون دخلنا في شهر 7 اللي هو المفروض بداية سنة مالية جديدة وهيكلة أجور بقى وحد أدنى يعني يتغير كل النظام أساسا

بس لازم تمضي على ده عشان تضمن فعلا مكانك

والله المستعان ودعواتكوا معانا

[ايهاب بابا]

المفروض احنا متعاقدين من 2 مايو وقبض شهر مايو يكون على الجديد

[meslmat]

اعانكم الله


واله يا مرسى هو ابريل دال بعد الاعداديو ا والا قبلها
؟

[meslmat]

اعانكم الله يا أهل اسيوط