بدايات بسيطة فى الرسم .. يهمنى رأيكو

[LoOoLy El Treikawya]

المشاركة الأصلية كتبت بواسطة naglaa mahmoud

ما شاء الله رسمك حلو اوى انتى بجد موهوبه ممكن تحترفى الرسم وتبقى فنانه

ربنا يخليكى على رفع المعنويات دى

على فكرة بنتى عندها سبع سنين وبتحب الرسم اوووووووووى وبتقلد اى حاجه تشوفها
بس غاوية طبيعه وحيوانات احيانا بتعجب رسمت الحاجات ديه ازاى بتبقى كأنها حقيقه
نفسى انمى عندها الهواية ديه بس مش عارفه ازاى لو عندك نصيحه اكون شاكرة

أولا: أنا مطمنة ان بنت حضرتك هتكون فنانة كبيييرة عشان مامتها مهتمة بهوايتها
ثانيا : طبعا حضرتك الى جانب انك تشجعيها معنويا على الرسم ممكن زى ما توتة قالت تجيبلها صور ترسمها بس يا ريت فى البداية تكون الصور بسيطة مش صعبة عليها وشوية بشوية هتتحسن لحد ما ترسم اصعب الرسومات

وفيه فيديوهات على اليوتيوب لطريقة الرسم لو ممكن تفيدها

وان شاء الله اشوفها رسامة مشهورة

*****
حضرتك نورتينى

[naglaa mahmoud]

المشاركة الأصلية كتبت بواسطة LoOoLy El Treikawya

ربنا يخليكى على رفع المعنويات دى

أولا: أنا مطمنة ان بنت حضرتك هتكون فنانة كبيييرة عشان مامتها مهتمة بهوايتها
ثانيا : طبعا حضرتك الى جانب انك تشجعيها معنويا على الرسم ممكن زى ما توتة قالت تجيبلها صور ترسمها بس يا ريت فى البداية تكون الصور بسيطة مش صعبة عليها وشوية بشوية هتتحسن لحد ما ترسم اصعب الرسومات

وفيه فيديوهات على اليوتيوب لطريقة الرسم لو ممكن تفيدها

وان شاء الله اشوفها رسامة مشهورة

*****
حضرتك نورتينى

شكرا ليكى وهى فعلا بتعمل كده لوحدها من القصص وكتب الانجلش بترسم اى حاجه تشوفها لدرجة انها احيانا ترسم المكان اللى قاعدة فيه سواء فى الليفنج او غرفة النوم بتاعتها ونفسها موت تبيع ما ترسمهوكمان نفسها تروح مدرسة كلها رسم
بس مش عارفه هى طالبه الوان مايه اجيبلها ولا لسه شويه عليها

[LoOoLy El Treikawya]

المشاركة الأصلية كتبت بواسطة naglaa mahmoud

شكرا ليكى وهى فعلا بتعمل كده لوحدها من القصص وكتب الانجلش بترسم اى حاجه تشوفها لدرجة انها احيانا ترسم المكان اللى قاعدة فيه سواء فى الليفنج او غرفة النوم بتاعتها ونفسها موت تبيع ما ترسمهوكمان نفسها تروح مدرسة كلها رسم
بس مش عارفه هى طالبه الوان مايه اجيبلها ولا لسه شويه عليها

هاتيلها طبعا حتى لو مش هتعرف تستعملها كويس اول مرة بعد كدة هتبقى فنانة مفيش زيها

وانا زبونة وعاوزة اشترى لوحاتها قوليلها بس تشد حيلها الزباين كتيير

ربنا يفرحك بيها يا رب ويخليهالك

حضرتك نورتى تانى