هام لمدرسي الحصة بقنا

[احمد قنا]

كل المديريات التعلييمية والادارات المختلفة بتعيين معلمي الحصة علي نظام العقد الجديد ما عدا قنا اللي عنده اي معلمومة ياريت يفيدنا

[احمد قنا]

محدش عنده اي معلومة ؟

[احمد قنا]

تم ارسال فاكس إلى جميع الادارات التعليمية بالمحافظة باستمرار جميع العاملين بالحصة فى المدارس أثناء الاجازة ويوقع فى الدفتر الخاص به ويعامل ماليا حسب آخر مرتب له في 1/4/2011 .وذلك لحين اشعار آخر






مش هنقول غير الصبر

[احمد قنا]

تصريح وزير المالية سمير رضوان
(( لمعلمى الحصة الذين لم يمر عليهم 3سنوات ))

فى برنامج الحياة اليوم في يوم الثلاثاء الموافق 3/5/2011

سأله مقدم البرنامج شريف عن تثبيت المعلمين اللى بالحصة

رد الوزير قائلاً /// طبعـــــــــــًا لأ

ليه

الوزير/// دول شغالين بالقطعة (( العمل الموسمى )) وملهمش تأمين

وسبب شغلهم إنهم كانوا عايزين أى شغل وخلاص

[ايثار الحق]

السلام عليكم ورحمة الله وبركاته
حسبى الله ونعم الوكيل انا دلوقتى سامعة الوزير هو بيقول كدة
طب خدونا لية وشغلونا من الاول بدل محنا بالقطعة
والله والله ده حرام
طب ده احنا ايام الوزير السابق زكى بدر كنا مستنيين عقود يجى وزير المالية يقفلها فى وشنا خالص
ياخى الفاضل انا من نجع حمادى وفى الاداره هنا موصلش حاجه

[dedo22]

حسبنا الله ونعم الوكيل

[احمد قنا]

الدكتور المحترم اللي بيقول اننا بنشتغل بالقطعه انا بشتغل من 2006 بنظام الحصة وخلاص رتبت حياتي علي اني مدرس ومنتظر التثبيت والاسم بس المدرس راح المدرس جه وكمان بشتغل ف التعليم الزراعي علشان محدش يقول بدي دروس خصوصيه
احنا كنا متعشمين فيك اكتر يا دكتور سمير ومكانش ليها لازمه الاهانه

[احمد قنا]

وعليكم السلام ايثار الحق ف ادارة نجع حمادي بياخدو معلمي الحصص بداية من 2008 وحتي تاريخه بشرط ان يكون علي راس العمل وتكون فترة العمل متصلة اتمني انت تكوني منهم ان شاء الله

[ايثار الحق]

للاسف ياأستاذ احمد فرقت معاى بونت سنة واحدة انا من 2009 يعنى من ضمن اللى وزير المالية
هيرميهم فى الزبالة انا اسفة على اللفظ بس هو اللى ناوى يعمله هيعمل شركات زبالة لبتوع الحصة
طيب وانتوا فى المحافظة مفيش حاجة وصلت عنديكم للى شغالين بالحصة للى مكملوش 3 سنين

[ايثار الحق]

على العموم محافظتنا دى محافظة فقرية القرارات فيها بتوصل اخر محافظة
بينلها مش على الخريطة

[ناجى اسماعيل عبد النبى]

المشاركة الأصلية كتبت بواسطة احمد قنا

وعليكم السلام ايثار الحق ف ادارة نجع حمادي بياخدو معلمي الحصص بداية من 2008 وحتي تاريخه بشرط ان يكون علي راس العمل وتكون فترة العمل متصلة اتمني انت تكوني منهم ان شاء الله

انت متاكد طاب اللى شغال فى شهر11 2008يتثبت ممكن ترد لو سمحت

[احمد قنا]

ده اللي عرفته يا استاذ ناجي وحضرتك ممكن تروح الادارة وتسال وتعرف الشهر المطلوب بالضبط وان شاء الله تكون الشروط تنطبق عليك

[حنين الحسينى]

المعلمين الى مر عليهم ثلاث سنوات نزلت اسمائهم فى بعض المحافظات تعين رسمى وطبعا قنا اخر محافظه توصلها القرارات