مطلوب مدرسين للسعودية

[Observer]

المشاركة الأصلية كتبت بواسطة nadeem55

يجب ذكر الأجر ، لأن مرتباتالسعودية وخاصة المدارس الخاصة ضئيلة جدا ، كان معروضا علي عقد موجه والمرتب 3500 فقط فما بالكم بالمعلم

مرتب المعلم فى السعودية لا يتجاوز حالياً 2000 ريال

[Observer]

المشاركة الأصلية كتبت بواسطة ابواروى555

افهم من الاستاذ العشابى ومحمد فوزى انهم يصلوا فى الحرم انهم ناوين على العمل فى السعوديه بعد التثبيت ولا عمل عمره شكرا لله على التثبيت على اية حال كلاهما خير ومتنسوش تاخدونى معاكم سوى فى عمل او عمره او حج ويجمعنا يارب عند بيته الحرام وبجوار المصطفى فى روضه الشريف

إن شاء الله تكون عمرة شكر لله تعالى أو حتى عمرة عمل مين عارف المستقبل فيه يا ابو اروى
وربنا يجمعنا جميعاً وكل الأحبة فى البيت الحرام والروضة الشريفة آمين يارب العالمين

[haninayl]

المشاركة الأصلية كتبت بواسطة mohamad fawzy

مرتب المعلم فى السعودية لا يتجاوز حالياً 200 ريال

نقطة تصحيح للاستاذ الفاضل

انا مدرس انجليزى بالسعودية وحابب انى اوضح بعض النقاط بخصوص سفر المدرسين والاجر عند اللة

اولا مفيش حاجه اسمها مرتب المعلم فى السعودية لا يتعدى 2000 ريال بالعكس فيه مدارس محترمة بيوصل راتبها لاكتر من 2500 ريال مع بعض المميزات اللى هتكلم عليها وان كانت هذه المدارس لها مواصفات خاصه فى المعلم اللى بيشتغل معاها من حيث الخبرة وبعض المعايير التانيه

نجى للنقاط المهمة لازم قبل متسافر تعرف مكان العمل بالسعودية لان الوضع بختلف من مكان للتانى فمثلا راتب مدرس فى الرياض بيختلف عن اى مدينة صغيره او بمعنى اصح قرية

لازم تسال عن وضع رسوم الاقامة والتامين وتذاكر السفر وعدد شهور الراتب
وان كنت افضل ان تتحمل المدرسه كل الامور دى خاصه مع راتب 2000 ريال
محدش يقولى اصل هيكون فيه دروس وافلام ........... الدروس دى رزق من اللة محدش ضامنها وان كان فيه مدارس بتمنع الدروس بحجة وجود دوام ليلى فى المدرسة يعنى بتضعيلك اليوم

انت بتعمل حسابك على الراتب الاساسى اللى تتقاضاه من المدرسة وتشوف هيتناسب مع ظروفك ووضعك مقارنة بمصر ولا لا

ياريت الناس فى موضوع السفر تبدأ بداية صح علشان مش تتفاجى بحاجات تانيه فى الغربة

احنا تعبنا ف البداية والحمد لله الواحد فى وضع يحمد ربنا عليه فبحب اوجه الرساله دى لاى شخص يفكر ف السفر

وربنا يوفق الجميع

اما بخصوص الحج والعمرة ودى ورقه بتلعب بيها المكاتب كتير اعرف ان لو مكتوبلك تعمل حج او عمرة هتعملها سوا بسفرك للعمل او اداء الفرائض فراعوا النقطة دى كمان

[Observer]

الأخ الفاضل المحترم أستاذ هانى
شكراً جزيلاً على المعلومات القيمة هذه
وبالنسبة لنقطة الـ 2000 ريال فده الرقم اللى معظم المكاتب بتقدمه فى مصر
ممكن 1800 كمان فى مكاتب كتير
عموماً ربنا يوفقك ويرزقك رزقاً حسناً
ويسهل لكل واحد عايز يسافر

[Observer]

عفواً مشاركة مكررة