|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-04-2011, 09:51 PM
|
||||
|
||||
مظاهرة بيتي
 من ساعة ما قالوا مطالب فئوية واعتصامات ووقفات احتجاجية وانا واقف ! باتكلم وانا واقف بأكل وانا واقف ! باكتب وانا واقف ! بانام وانا واقف ! بأعمل كل حاجة وانا واقف  أما المؤسف والمؤذي إن تعتصم بالمنزل وهذا ما أنا واقع في براثينه  ولأني من هواة التجديد والتطوير والبحث عن كل ماهو جديد ومفيد طق في نافوخي تغيير النظام في البيت !!! وبينما أنا غارق في أفكاري المهببة التي تتسم بتيجان بيضاء مثل شعر الرأس الذي غزاه الشيب خاصة في هذه الأيام التي ليس لها طعم ولا لون ولكن لها رائحة ينتشر أريجها في جنبات العقول المترددة وربي الأفئدة المتصحرة ويختلط مع دخان الضمائر الشايطة والنفوس المتفحمة من نيران الحقد الغير مبرر هذا المزيج من الرائحة التي ينبعث في صورة سلوكيات عجيبة تشيب لها الولدان قبل أن تولد وتؤذن فيها إناث الفراخ قبل الديوك ويدعي فيها كل صعلوك أنه ملك الملوك والتي تجعل بيضة الفرخة تتجمد وهيه نازلة من برودة بعض الناس وأفكارها السودة والتي ثبت تكرارها وعدم جدواها ونقص مناعتها للشمس او الهواء وبينما انا مندمج في هذه الأفكار السودة وجدت نفسي بأهتف وبأرفع إيدي قائلا الشعب يريد إسقاط النظام ورمـْيُه م البلكونة أو شباك الحمام  فجأة وكأنما دوى انفجار مروع وإعصاريصرخ في أذني ولم تكن غير أم الأولاد هي التي أمامي جاءت تقول بأعلي صوت فيه إيه ياراجل؟! وإيه اللي عايز ترميه م البلكونة أو من شباك الحمام ؟؟ ساعتها اتنطرت حتة دين نطرة جعلتني أشعر أن راسى اصطدمت بسقف الحجرة صدمة مروعة لن أستطيع بعدها النطق لامن فوق ولا من تحت وحسيت أن السكر ارتفع إلي قيمته العظمي والضغط تعدي أرقامه النهائية حتي سابت أعصابي فسقطت جالسا في مكاني وأحسست إنني فقدت النطق نهائيا لولا انني استجمعت ماتبقي لي من قوة قائلا لها وأنا أحاول أن أبلع ريقي وبصوت مختنق يا ساتر مش تقولي يا ولية انك هنا نشفتي دمي ياشيخة ! قالت لي مالك مرعوب كده ليه يا راجل فقلت لها وأنا قاطع النفس وبصعوبة بالغة أصلي عايز أعمل مظاهرة نظرت لي باستغراب قائلةً : مظاهرة ؟! وانت قاطع النفس كده طيب ليه ؟! وعشان إيه ؟! وحا تتظاهر فيها لوحدك ولا إيه ؟! قلت لها لأ ده أنا وانت بس إللي حا نتظاهر!! قالت لي بمناسبة إيه يا حبة عيني ؟؟ وهوه انا لوحدي بس إللي حابقي معاك ؟؟ قلت لها هوه إنتي شوية ياشيخة ؟؟ دا انت لو شاركت فيها دي مش حاتبقي مليونية بس !!!!! دي حاتبقي بالدنيا كلها وبالعالم بحاله !!!!!! الأول والثالث والرابع والخامس كمان ده إن ما كنتش نسيت حد من العوالم كلها إلا بقي العالم التاني إللي هو الآخرة يعني وإللي ماحدش بيجيب سيرته ولا حد عامل حسابه وأهو نطالب في المظاهرة بزيادة المعاش لان أنا من شباب قصدي من عواجيز الثورة اللي كانوا دايما بيؤيدوا الشباب لحد ما ضيعنا شبابنا وأدينا أهوه مش لاقيين حد يعمل معانا مظاهرة بدأت أشعر بتعاطفها الشديد معي كعادتها داما إلا أنها بعد فترة صمت قالت لي بصوت تختلط فية الموافقة مع التردد هيه ناقصة مظاهرات ! طب إفرض ضربونا بالنار؟؟!! قلت لها قولي لي بقي أتاريكي خايفة علي نفسك أحسن تنضربي بالنار قالت لي ما إحنا مضروبين خلقة قلت لها عندك حق سنين طويلة مضروبين طبيعي مننا فينا من العدو والصديق ومن الميه ده غير الشباشب كمان تقوم حاتيجي عالنار ياريتها تيجي عا الرصاص وخلاص بقي يعني هوه كل مشاكلنا اتحلت ولا ما يكونش العيال اشتغلوا ؟ واتجوزوا وخلفوا واحنا مس حاسين ؟! قالت لي ياريت نهضت واقفا ورحت شاخط فيها اسكتي قصدي اهتفي ! الشعب . يريد . زيادة المعاش لم تكد تهتف معي الشعب . يريد . زيادة المعاش وإذا بجرس الباب يصرخ ومعه صوت المُحصِّل فاتورة النور ياأستاذ
__________________
 |
|
#2
27-04-2011, 10:42 PM
|
||||
|
||||
|
هههههههـ موضوع جميل ان شااء الله الاحوال تتحسن
بس حضرتك ما قلتش الفاتورة كانت كااام  شكرررا على الموضوع المميز
__________________
 |
|
#3
28-04-2011, 02:03 AM
|
||||
|
||||
|
هههه موضوع جميل
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#4
28-04-2011, 07:24 AM
|
||||
|
||||
|
موضوع جميل هههههه
|
|
#5
28-04-2011, 08:41 AM
|
||||
|
||||
|
انا بقى عملت انا واخواتى مظاهرة على بابا
بس للاسف معرفتش اختار الوقت المناسب عشان كان عندى مزاكرة وكان بيتفرج على الاخبار فقالى هتروحى من قدامى ولالااجيبلك الحزام (طبعا هزار) قولته انا سجلتلك واديك عايز تستخدم ال*** مع المتظاهريسن وبعدين كانت مطالب مشروعه اولها ان انا الى امسك الميزانيه ونزود المصروف وناخد نصيبنا من التموين والبدل النقدى نتصرف فيه براحتنا بس لسه مفيش حاجه اتحققت
__________________
عيش بما يرضى الله تحلى الحياه ....عيش بما يرضى الله كل الخير تلقاه  |
|
#6
28-04-2011, 08:41 AM
|
||||
|
||||
|
يحيا الشعب ههههههههههههههههههه
__________________
معلم اللغة العربية بمدارس المنصورة كولدج الدولية  |
|
#7
28-04-2011, 09:35 AM
|
|||
|
|||
|
موضوع مهضوم وخفيف
|
|
#8
28-04-2011, 10:33 AM
|
||||
|
||||
|
هههههههههههههههه بجد موضوع تحفة ويضحك وطريقة عرض مضحكة جداااا
فكرة والله اعمل مظاهرة فى البيت انا واخواتى نطالب بتغير النظام وبالمرة نغير حكومة البيت هههههههههههه ده اللى ناقص |
|
#10
29-04-2011, 03:28 AM
|
||||
|
||||
|
اقتباس:
شكرا علي قراءتك لهذا الموضوع وبمناسبة الفاتورة أنا ماحبتش أحملك هموم الآخرين واضح أنك ذوق وردك يدل علي ذكاءك ولذلك ماحبتش اني أكون سببا في خضـَّـتك مش كفاية الخضة أللي الواحد فيها من ساعة ما أحد الزعماء هبد بإيده علي التربيزة وقال : ثورة عارف من ساعتها حسيت أن قلبي وقع في رجليا لدرجة أن رجليا ما قدرتش تشيلني من الضحك طبعا أنا مارضيتش أقولك الفاتورة كام عشان ربنا أمر بالستر إلا إذا كنت ناوي تدفعها بالنيابة عني
__________________
|
|
#13
29-04-2011, 04:31 AM
|
||||
|
||||
|
اقتباس:
اقتباس:
ربنا يخليلك بابا ونركز في المظاهرة قصدي في المذاكرة (بالذال وليس بالزين) أحس بابا ياخد علي خاطرة ويمنع المصروف خالص وساعتها لا حاينفع *** ولا مطالب مشروعة ولا لين ولا هوادة وبعدين نصيحة بلاش تمسكي الميزانية لأن إللي بيمسكها بيتكهرب وبعدين إفرضي رحتي لصندوق النقد الدولي وقولتي له حاسب وفاجاءك قائلا : مالكمش عندي ! نعمل إيييييييه ؟؟! هل حا نصرخ في الميدان في أسكندرية ونأمم القناة مرة تانية وهيه متأممة خلقة ولا نطلب وساطة قطر عموما هذه الميزا تتوقف علي نية إللي ماسكها ولأن الأعمال بالنيات انا واثق أن نيتك طيبة وأشكرك شكرا جزيلا
__________________
|
|
#14
29-04-2011, 07:39 PM
|
||||
|
||||
|
هههههههههههههه ..موضوع جميل..
بجد كنت سعيدة بيه ..... وعشت الحكاية مع حضرتك ..اعانك الله على الحيااااااااااااااااااااااااااااة شكراااااااااااا تقبل تحياتى ...
__________________
استودعكم الله ..
 |
|
#15
29-04-2011, 10:58 PM
|
||||
|
||||
|
مرة على احدى القنوات واحدة اتصلت بشيخ وسالته ان ازاى ربنا بيقول الرجال قوامون على النساء وانا بضرب جوزى ومبهدلاه ع الاخر...الشيخ كان ربنا موفقه جدا فى اجابته قالها ربنا قال الرجال ولم يقل الذكور لان ليس كل ذكر يقال عليه رجل....اذا فالقضية المنطقية ان كل رجل ذكر وليس كل ذكر رجل
__________________
معلم اللغة العربية بمدارس المنصورة كولدج الدولية |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:42 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
