رد علي بعض الاعضاء في موضوع الكادر بالله عليك تدخل 22/4/2011 ريهمسة

[mohammed ahmed25]

المشاركة الأصلية كتبت بواسطة sherifelshimy

الى الاساتذة الكرام بعد السلام عليكم احب ان اوضح وجهة نظرى فىالتالى:
انا مع الاستاذة/ ريهمسه فى الرضا بما قسمة الله لنا لنكون اغنى الناس وتفانى فى عملك بما قسمه الله لك من اجر لكى يبارك الله لك فى اموالك وفى اسرتك فكم من اناس يقبضون بالالاف ولكنهم غير سعداء (مرض مزمن 00ولد فاشل 000زوجة نكدية وهكذا000) اما نحن كمدرسين فيجب ان نبتغى فى عملنا هذا وجه الله سبحانة وتعالى لاننا بفضل الله ورثه الانبياء والذى لايرى فى نفسه هذا يترك المهنه ويعمل اى عمل اخر
اما الاستاذ/ الملقب بثانويه فانا اؤيد وجه نظرة فى عمل المراة000والله اعلى واعلم وكفانا جدال عقيم

مع احترامى لحضرتك ده ليس جدل عقيم . والظلم ليس قدر الله,فقد قال الله فى حديث قدسى " انى حرمت الظلم على نفسى وجعلته بينكم محرما" ولما يكون موظف مرتبه 360 دى تبقى اهانه لانه ببساطه مش هيقدر ينفق على نفسه ,ناهيك عن الاهل او انه يكون نفسه او الزواج, ياريت نكون واقعيين شويه, __ وهل ابتغائنا رضا الله من العمل يعنى ان نتهاون فى حقوقنا , وما معنى " يعمل اى عمل اخر!!" فكرتنى بواحد زميلى كان بيقول ان مدير الاداره التعليميه قال لهم اللى مش عاجبه يسيب الشغل وغيره كتير"__ اذا كنتم تقبلون ان تكون ادنى فئات المجتمع فهذا امر خاص بكم فقط

[ريهمسة]

والله ياجماعة متشكرين للمشاركات لحضراتكم
بس اعذوروني مش اقدر ارد عليكوا لاني مش فاضيه
وان شاء الله نتواصل

[الاستاذ محمود حميد]

الرضا شيء نسبي يعني بيختلف من شخص لاخر ومش علشان حضرتك مقتنعه بالمرتب بتاعك يبقي قنعاتك دي كلها تنسحب علي بقية الناس ويبقي عندهم نفس قناعتك , ومسألة ان المرتب بيكفيكي وبتصرفي منه او بتساعدي بعض الناس زي ما بتقولي يبقي كل الناس زيك في ناس مريضة او عندها حد مريض بياخد معظم المرتب والباقي مش بيكفيه وفي ناس مش عندها متطلبات خالص , خصوصاً البنات الي مصاريفهم شيء في رقبه اهاليهم لحد لما يتزوجوا وقتها بيبقوا مسئولين من ازواجهم لكن تقدري تقوليلي شاب بيقبض 300 او حتي 400 جنية في الشهر وعاوز يتجوز ياريت حضرتك بقي تقوليلي يجيب مهر 15 او 20 الف منين ويجهز شقة في حدود الخمسين الف او اقل منين ولو حتي جوازته هتكلف علي بعضها 30 الف نفرض مثلا هيجيبهم مننين
انا مش عاوز ردود فلسفية والقناعة والرضا يدون دراسة للواقع , علشان تقنعيني برايك يبقي لازم تحسبيها 1+1=2 مش نقول كلام بدون دليل وانا اعرف زميل ليا مريض بيصرف علاج تقريبا 300 جنيه علي حسابه في الشهر وهو مرتبه 360 تقدري تقوليلي واحد زيه امتي هيجوز وهو اصلا مش يقدر يشتغل حاجه تانيه لان صحته مش تتحمل ؟

[ahmedowinat]

المعلم هو عنوان الامم ومظهر تقدمها ولنا فى الامم السابقة من الامثله يتحاكى بها التاريخ وتسطر فى الافاق ذكراهم لذا اطلب من زملائى الاعزاء ان نخطوى على دربهم من طيب القول وعزب اللسان لنكون لغيرنا عبره ومثال