سؤال لاستاذ على

[pyony]

انا من المنيا ولما روحت اقدم اقرار القيام بالعمل مرضيوش ياخدو منى الاقرار الابأصل شهادة icdl وبعد كده عرفت ان فى ناس مقدمتهاش والناس اللى قدمتها عملين مشاكل علشان يخدوها ياريت حضرتك تقولى ايه الحل

[monamode]

انا من السويس وشهاده الاي سي دي ال الاصليه اخدوها مننا كلنا وحطينها في طلبات التقديم والي مقدهمهاش بيكتب علي نفسه اقرار انه هيقدمها خلال فتره معينه يعني كده كده هيقدمها متقلقش

[المعلم الحزين]

انا رحت وقدمت افادة وخدوها وخدوا الاقرارات وكله تمام وعادي وبعدين متنساش ان الاي سي دي ال كده كده احنا واخدينها عشان التربيه والتعليم يعني مش فارقه وبعدين يوم ماتحب تاخد شهاده عادي يعني ابقي امتحن منحه ولا حاجه المهم بقي اشمعني الاستاذ علي اللي بيتوجهلوا الاسئله هههههههههههههههه رد ياعم علي الناس فا**** مدير الادارة بقيت بطل شعبي ياعم واحتمال تمسك مكان احمد مصطفي ولا مش بعيد جمال الغندور ولا اشوفك مكان توفيق مدير التعليم الابتدائي هههههههههههههه

[علي عضاضلي]

المشاركة الأصلية كتبت بواسطة pyony

انا من المنيا ولما روحت اقدم اقرار القيام بالعمل مرضيوش ياخدو منى الاقرار الابأصل شهادة icdl وبعد كده عرفت ان فى ناس مقدمتهاش والناس اللى قدمتها عملين مشاكل علشان يخدوها ياريت حضرتك تقولى ايه الحل

زميلي العزيز pyony..

عن نفسي ماقدمتش اصل الشهادة لاني بصراحة محتاجها في مكان تاني اهم ... لكن حتى لو حضرتك قدمت الاصل مفيش مشكلة خالص .. ممكن تتطلع اصل تاني .. لاني انا عملت اصل تاني للشهادة بش مش هستلمة دلوقت بيأخر شوية ..

لو عايز تتطلع اصل للـ ( ICDL )

تعمل محضر فقد في قسم الشرطة اللي حضرتك تابع له (على فكرة بتعملة وانتة واقف مش بتأخر).. وتاخدة وتطلع بيه على المركزاللي أخدت منه شهادة الICDL وتدفع 50ج+صورة الشهادة ..بس أدي كل الحكاية . انا عملت كدة.. وهيطلعلك اصل تاني بعديها بفترة..


شكرا للمعلم الحزين على دعابتة ليا.. وأول حاجة هعملها لو مسكت مدير ادارة هنقلك من مدرستك ياسيد ههههههه واجيبك عندي في المدرسة اللي انا فيها

[جني كليو]

والله روحكم جميلة