ما هى الطريقة التى تجبر الحكومة على تلبية كل طلبات المعلمين؟

[sadq]

المشاركة الأصلية كتبت بواسطة رمضان5

يا جماعة المشكلة انهم عارفين كويس جدا انة المشكلة فى التعليم اولا هى المرتبات المتدنية وبيلفوا ويدوروا .ولكم الله يا معلمين مصر

المشكلة فى التعليم ليست فقط فى المرتبات المتدنية ولكن هناك ما هو أخطر وهو الفساد الإدارى المستشرى فى الإدارات والمديريات والمحسوبية والرشاوى والاحقاد وعدم كفاءة القيادات وقلة الوعى لدى المعلمين وانهماكهم فى الشكليات التى طغت على العملية التعليمية حتى صارت هى الأساس وأصبحت عملية التعليم ذاتها مجرد أمر ثانوى تابع للشكليات والورق.
وقبل كل ذلك نظرة المجتمع للمعلم وهى نظرة كراهية واحتقار وكأن المعلم عبد سوء لدى أولياء الأمور أو لص يبتز أموالهم ولا يحق له كغيره أن يعترض أو يضرب أو يثور أو يطالب بحقوقه وهذه النظرة ساهم فى تشكليلها جهات متعددة منها المعلم نفسه.

[madamasry]

انا شايف نسكت لغاية موضوع الحد الادنى والاقصى والامور تستقر وبعدين نتكلم ونشوف مش دلوقتى نطالب بأشياء وبعد كدة نطلع هبل وناخد اللى طلبناه يطلع حاة اى كلام زى الكادر كدة فى الاول هنزيد واتعمل قانون والاخر نزيد 200% على مدار الوظيفة كلها ويجى بعدها ناس فى وزارة تانية تاخد 200% واكتر مرة واحدة الافض نستنى وبعدين نشوف مبدئيا الوزير قال موضوع سنوات الخبرة هيكون لها تعديل علشان الناس اللى اتحرمت من الدرجة وشكله هيرجع التدريب زى زمان قبل الترقية مبدئيا ماشى انما احنا دلوقتى بنعترض على ايه نسمع وزارة مش عارف ايه هتدى كام هو لسه حد خد حاجة وزير المالية بيقول هيعدل هيكل الاجور بالكامل يعنى التفاصيل اللى بنتكلم فيها كلها هتتغير طيب نستنى وبعدين نشوف مش عمال على بطال هنروح نتظاهر نستنى نعرف هترسى على ايه وبعدين نتكلم