نكت رهيبه

[amr_2010]

مجموعه صغيرة من النكت ويارب تنول على رضاكم


*الأمريكان والروس بيترسموا على بعض الأمريكان يقولوا أحنا أول ناس طلعنا القمر والروس يقولوا لا أحنا أول ناس طلعنا القمر صعيدي كان واقف أضايق أوى قالهم أنتوا لما طلعتوا القمر لقيتوا هناك إيه قالوله طوب ورمل وزلط قالهم أحنا اللي مطالعينه.

*واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى.

* بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

* واحد بخيل بيجى بالليل ويقول لولاده مين يتعشى ومين ياخد جنيه فكلهم يقولوا ناخد الجنيه وبعدين يجي الصبح ويقولهم مين يفطر ويدى لبابا الجنيه .


*مرة واحد اجنبى وواحد فرنسى وواحد هندى عايزين يسمعوا صدا صوتهم راحوا عند جبال نياجرا الاجنبى قال:هاللوصدا الصوت رد وقال:هاللو الفرنسى قال:بونجور صدا الصوت رد وقال:بونجور الهندى قال:هنجينج بوج شينج صدا الصوت قال :اية؟ بتقول اية؟

*مره واحد صعيدي تعب من المشي جري .

* مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضححححك...الحرامى قتل مراته وقاله هات الفلوس قبل م اقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر


اتمنى يكونو عجبوكم

[احمد رضا]

جميله اوي النكت دي يا عموور بس للاسف مخالفه للقوانين - ده لو انا كنت فهمت القانون ده صح -

" ممنوع وضع النكت لان معظمها كذب منهى عنه وكذلك القصص الكاذبة والغير واقعية "

[بندق__2007]

قوانين ايه ؟ هما هيحرموا الضحك كمان طب ده هى دى الحاجة الوحيدة اللى الشعب المصرى فالح فيها
و بجد نكت جميلة

[احمد رضا]

المشاركة الأصلية كتبت بواسطة بندق_2007

قوانين ايه ؟ هما هيحرموا الضحك كمان طب ده هى دى الحاجة الوحيدة اللى الشعب المصرى فالح فيها
و بجد نكت جميلة

هما حرموا الكذب محرموش الضحك
و اتفضل ادخل علي قوانين قسم جرس الفسحه و حضرتك تعرف التأييد من السنه و القرآن
و اكيد ايمان و جهاد هيتخذوا اللازم هما شايفين شغلهم بسم الله ماشاء الله
بس انا احب اشكر عمرو علي المجهود الجميل ده

[Unique Muslimah]

OMG I actually get all of them ....hahahahahahhahahahahahhahahahaaaaaahahahahahaa aaahahahaahhahahahaaaaahahahaha!!! love them!!! thanks :D :D :D l
hahahahahahahahahahahahahhahahahha...OMG i can't stop laughing.....loll