لا تجوز الرحمه بـ حسني مبارك لانه لم يرحمنا

[LoOoLy El Treikawya]

كلنا داخلين نقول ..لا تجوز الرحمة لا تجوز الرحمة

وكأننا نعلم الغيب !
الله جلّ في علاه يغفر الذنب ويسامح ..ونحن الذين لا نساوي شيء
لا نغفر ولا نسامح ! لا ادري اي منطلق هذا ؟
فكيف تقول عن نفسك انت مسلم مسامح ؟ مسلم سلم الناس من لسانك ويديك ؟
" وليعفوا وليصفحوا "
العفو عند المقدرة ...لا ادافع عن مبارك ولا غيره ..فليعامله الله بما يستحق

نفس المشكلة
العفو عند المقدرة فى غلطة تخصنى لوحدى متخصش أمة كاملة
ممكن حضرتك تجاوبينى لى ربنا قال عقوبة السارق والمفسد فى الأرض الى آخره لو احنا اول ما نمسك الحرامى نقول خلاص احنا قدرنا عليه نعفو بقى ونسيبه
الدين بيقول يتعاقب وانتو بتقولو نسامح
لا حول ولا قوة الا بالله
فعلا ربنا هيحاسبه وان يعذبه فانه عبده وان يغفر له فان الله الغفور الرحيم
لكن دة ميخلناش منحاكموش وربنا مش قال كدة

لكني ادافع عن المبدء ،

اى مبدأ ان المجرم اول ما يتقبض عليه نسامحه؟

المشكلة انو كلنا مشغولين بفلان وعلان وده اتحاكم ولا لسا
وسايبين البلد ما فيش عملية انتاج نهائي !

مين قال اننا سايبين البلد .. انا واثقة كل واحد بيحب البلد دى بجد وصاحب ثورة حريص على محاكمة مبارك وحريص على خدمة بلده
شئ طبيعى بعد اى ثورة بتحصل شوية اضطرابات بيبقى اساسها الثورة المضادة

والفساد اللى عمله حسنى المخلوع مش شوية ومحتاج وقت عشان نصلحه

للاسف شاطرين في الكلام ومافيش فعل !

أعتقد ان دى اساءة

حد يقولي حد قال حاجة ونفذ الكلام الي قالوا ؟

الحمد لله اعتقد انى عملت اللى قلت والحمد لله اعتقد كل ثائر عمل اللى قاله والا مكنش قال هطرد حسنى ويطرده فعلا

بس نتشطر ع غيرنا ونسيب نفسنا ،

لا خلاص احنا نسيب حسنى وجمال وعلاء وسوزان وجرانا والعادلى ونظيف وكل مجرم نسيبهم ومنكلمهمش ونحاسب نفسنا فعلا
انا عن نفسى هعتقل نفسى يومين فى الاوضة لانى مش ملاك واكيد بغلط
قلت الكلام دة قبل كدة ايام الثورة مكنتش متخيلة هقوله تانى

وكل داخل ..لا تجوز الرحمة لا تجوز الرحمة !!

احنا مش بنألف .. أفعاله بتقول انه لا تجوز الرحمة
وافتكرى حديث الرسول عليه الصلاة والسلام عند تنفيذ حد السرقة واسامة بن زيد رضى الله عنه كان عاوز يشفعلها عند الرسول فأقسم الرسول عليه الصلاة والسلام ان لو فاطمة رضى الله عنها سرقت لقطع يدها ولا جازت الرحمة على السارقة حينها

غفر الله له وعفا عنه ، ونسأل الله ان يغفر لنا ويرحمنا

أسأل الله ان يغفر لنا جميعا واسأل الله أن ينتقم منه ومن كل ظالم زيه كان يسعى لتدمير أمة

حقيقى الواحد زهق من الكلام دة قبل الثورة قالوا دة ريس محترم ودة ابونا ولازم نحترمه ونسيبه وشوية كانوا هيطلعوا فتوى اننا نبوس ايده ..

بعد البيان قالوا دة نيته كويسة رغم انه كان بيدبر لقتل المتظاهرين

بعد التنحى قالوا لازم نعتذر دة ابونا واحنا شعب مش ناكر للجميل طب هو فين الجميل اصلا

.. وجايين فى المحاكمة بعد ما اتثبت كل الجرايم دى يقولو نسامح والرحمة والعفو ....