هام جدا حد قبض كادر 3 في اي محافظة؟؟؟؟؟؟؟

[مس نورا]

السلام عليكم ورحمة الله وبركاته
والله يا جماعة اللى انا اعرفه هنا فى ادارة السرو محافظة دمياط اننا هنقبض من اول شهر ابريل لكن شهر مارس ده الله اعلم بيه وبرده لسه مشفناش حاجة نستنى طيب لما المرتب ييجى ونشوف صبرنا كتير مجيتش على 20 يوم وربنا المستعان....................... شكرا

[عصام الطواب]

احنا في محافظة 6 اكتوبر المرتب كما هو
الا العلاوة 15%
مع مرتب 4

[drfayoum2010]

في محافظة بني سويف إدارة إهناسيا
تم تحرير مرتب شهر أبريل على الزياده الجديدة ( كادر + 15 % )
مع صرف بدل الكادر بتاع شهر مارس
يعني هيتم صرف مرتب ابريل الجديد ومعاه الفرق بتاع شهر مارس

[هيما2010]

في قنا اخدنا فلوس الكادر كاملة اللي عايز يعرف اي معلومة أنا موجود

[memmy]

المشاركة الأصلية كتبت بواسطة هيما2010

في قنا اخدنا فلوس الكادر كاملة اللي عايز يعرف اي معلومة أنا موجود

طيب خدتوا كام وعملتوا ايه ولو تقدر تجيب مفردات المرتب يبقى كتر خيرك

[فراشة البستان]

السلام عليكم ورحمة الله
إحنا فى أسوان قبضنا على الجديد يعنى من غير النقابة قبض 446 جنيه
واللى فى النقابة 424 جنيه
بأساسى 183.60 جنيه
يعنى الزيادة هى ال 50% بس + بدل الإقامة

[محمدطعيمة]

الأخ الفاضل
نحن - المعينين - الجدد بمحافظة المنوفية
تم قبض شهر ي مارس وأبريل 2011 علي المفردات الجديدة
والتي تتضمن (15)%علاوة أبريل وهي (27جنيه) والمرحلة الثانية من الكادر وهي (72) جنيه
وأصبح المرتب الصافي لنا هو (464) جنيه بعد الاستقطاعات والخصومات
بل تم إشراكنا في صندوق الزمالة ونقابة المعلمين وإضافة علاوة الزوجة والأولاد
وهذا تم بالفعل بالفعل بالفعل وبالتوفيق للجميع

[محمدطعيمة]

المشاركة الأصلية كتبت بواسطة فراشة البستان

السلام عليكم ورحمة الله
إحنا فى أسوان قبضنا على الجديد يعنى من غير النقابة قبض 446 جنيه
واللى فى النقابة 424 جنيه
بأساسى 183.60 جنيه
يعنى الزيادة هى ال 50% بس + بدل الإقامة

أخونا الفاضل صافي مرتبكم هذا كان هو صافي مرتبنا الأول وبعد ذهاب السكرتيرة للإدارة التعليمية ومراجعة الكشف طلبوا منها إعادة الكشف مرة ثانية لأن الصافي هو (464)

[بطوط55]

لحد الان لم يصرف شهر 3 لا قديم ولا جديد
ارحمنااااااااااااااااااا يارب

[rehab_sg]

انا زميلتك في ادارة شرق طنطا
بس انا تخصص لغه عربيه
احنا عملنا 3و 4 (بدل الكادر ) في كشف لوحده
بعتناهم الاداره
بس الله اعلم هناخدهم ولا لاء ؟؟
بس ان شاء الله خير
اعملوا الاستماره و ابعتوها الاداره وربنا يسهل
ان شاء الله يصرفوا الكادر

[almister]

محافظة سوهاج ادارة البلينا
لا حس ولا خبر

[نور العين أحمد]

احنا بقى فى ادارة مطوبس التابعة لكفر الشيخ بيقولوا ان جاءت لهم اشارة ان كل حاجة تقف حاصة بالكادر (ادارة فاشلة)

[سيد دياب]

احنا في محافظة 6 اكتوبر المرتب هيبقى بعد ال 15% + الكادر = 419.32 فقط وذلك حسب المفردات الواردة من المديرية وده فى شهر 4 حسب كلام الموظف المسئول عن الماهيات