نسيانا موضوعنا

[إلهام صلاح لاشين]

نسيانا موضوعنا –شعر إلهام صلاح


لا الأمريكانى يسمعنا
ولا حد بينعى أوجاعنا
جراحنا بتدمى بكرامة
وحتى الموت بيسمعنا
يرد علينا بحنانه:
فراقهم خير يجمعنا
شهيدنا إن كان
فى يوم شارد
حياتنا بموتنا
لها معنى
يا أرضى وعزى وفؤادى
يا لحدى ولحد أجدادى
يا مزنة رزقنا وزادنا
يا نار فى البرد بتدفى
وتحرق قلب أعدائنا
وليدك بس ليه
ناسى
نسب فى عروقنا يجمعنا
ضناى فى يدى كان ماسك
رصاص الغدر مزعنا
حماسك خيى يا عيونى
ليد عدونا الغادر
بجهله سبانا له وباعنا
صراخ أطفالى بكانى
يا ريت الدمع ينفعنا
صبحت لولدى أنا
الدافن
أنا النادم
على نزاعنا
ولو كان العدو
فاجر
ولوكاسر
وجوعنا
مفيش فى القلب
سيف حازز
يقطع صدرنا ,ضلوعنا
بقدر الجهل وخلافنا
وأكيد نسيانا موضوعنا

تلك القصيدة عرضتها فى فترة الثورة البيضاء وقد كتبتها فى الحقيقة من أجل النزاع الداخلى الفلسطينى وأردت عرضها عليكم مرة أخرى