ضرورى وللاهمية

[ليل الاسكندرية]

السلام عليكم ورحمة الله وبركاته

لو سمحتم انا كنت عايزة اسالكم انا كنت قدمت فى الادارة اللى فى ابيس لانى من الاسكندرية بس مفيش رد جالى
انا خريجة تجارة السنة دى دفعة 2010 وبعمل تربوى وعرفت من زمايلى اللى بالدبلومة انى هكون مدرسة حاسب الى رغم قسم فى الدبلومة شعبة رياضيات وفعلا اتمنى انى اكون مدرسة رياضيات

لو سمحتم عندى شوية اسئلة ممكن حد يوضحالى ؟؟؟؟ لانى حقيقة انا مش فاهماها

انا زى ما قولت قدمت فى ابيس كل اوراقى شهادة التخرج وشهادة icdl وقدمت c.v وقدمت كل الكورسات اللى اخدتها
المفروض هما بيردوا امتى عليا؟؟؟؟؟
وعندى سؤال هو انا علشان خريجة تجارة لو طلبوا مش هياخدونى غير حاسب الى مش هيطلبونى رياضيات
وطيب لو طلبونى حاسب الى اقدر احول بعد كدة رياضة؟؟؟؟؟


فى سؤال ودة الاهم بالنسبة ليا اللى معايا فى الدبلومة قالولى مش هيعترفوا بانى اخدت الدبلومة الا لو انا اصلا مدرسة بالعقد واخدتها فى الفترة دى غير كدة مش هيقبولها وهتكون هناك مشاكل..... الكلام دة صحيح ؟؟؟؟؟ لانى خايفة بعد ما اخدها محدش يعترف بيها كفاية مجهودها ومصاريفها لانها بجد مكلفة جدا وصعبة خصوصا انى باخدها على سنة واحدة

بالله عليكم حد يساعدنى ويقولى انا المفروض دلوقتى اعمل ايه؟؟؟؟ اروح اقدم فى اكتر من ادارة ولا اكتفى بادارة ابيس على اساس انا الادارة الام فى الاسكندرية علما انا من يعتبر سكنى فى ادارة غرب التعليمية

[anameen34]

بس اما يبقوا يطابوا هناخدك اي حاجه
قولي يارب
كلميني 01512114410

[ايات رمضان]

فرصتك في الشركات افضل بلاش التدريس وهمه مجرد اقترح

[ليل الاسكندرية]

انا فعلا كان حلمى اشتغل محاسبة فى شركة او بنك بس طبعا استحاااااااااااااااااااااااااااااااااااااااااااااا ااااالة من غير وسطة ووسطة كبيرة كمان فطبعا مش اشتغلت
فكرت انى اكون مدرسة وخصوصا لانى فعلا بحب الرياضيات واخدت الدبلومة بس برضه خايفة تكون على الفاضى ......لانى حسيت ياريتنى ما اتعلمت كله على الفاضى مصاريف وجهد ووقت على الفاضى

[walidpop]

السلام عليكم
الدبلومة مهمة ومطلوبة اما عن سنة الحصول عليها مش مهمة توكلى على الله وكملى الدبلومة ولو ليكى نصيب بأذن الله حتبقى تعاقد مميز تخصص حاسب آلى لان تخصص رياضيات من خريجى التربية وربنا يوفقنا جميعا