الى ادارة المنتدى نرجو تثبيت موضوع الوقفة أمام المشيخة للتثبيت الاثنين 11/4

[أ/ سعيد موسى]

المشاركة الأصلية كتبت بواسطة مستر/ عبدالكريم على عبدالنعيم

الجوابات طلعت واهه جاية فى السكة



سلبية + لا مبالاه + قلة جولة + + = ابقوا قابلونى لو اتثبتوا

خليك فاكر هذه الكلمة علشان هابقى افكرك بيها

[ام رهف]

المشاركة الأصلية كتبت بواسطة أ/ سعيد موسى

خليك فاكر هذه الكلمة علشان هابقى افكرك بيها

يعنى ايه يااستاذ سعيد عندك اخبار تفرحنا ياريت والله اهو الواحد يطمن بدل التعتيم الرهييب

[أ/ سعيد موسى]

المشاركة الأصلية كتبت بواسطة ام رهف

يعنى ايه يااستاذ سعيد عندك اخبار تفرحنا ياريت والله اهو الواحد يطمن بدل التعتيم الرهييب

صدقينى سوف يتم تثبيتكم مشكلة جيلكم هو انه يريد زرار اسمه تثبيت وللاسف
هذا الزرار موجود فى التربية والتعليم لكنه ضاع فى الازهر وهم الان يبحثوا عنه
( عروستى ) اشرح لكى وهذا ماشاهدته بعينى
عندما ذهبت لتسليم اوراق تثبيت العقود فى معهدى عرفت سبب هذه المشاكل وهذا البطأ
عندما تم التعاقد معكم فى بداية الامر قمتم بتسليم اوراقكم صحيح قولى صحيح
ثم دارات السنوات وكان كل عام يتم عمل عقود جديدة
للاسف معظم الموظفين كانوا لايحفظون هذه الاوراق بطريقة صحيحه ممكن جدا عقدك يتم وضعه
مع مدرس اخر او عقد يضيع او اوراق تفقد كان بالنسبه له لاتوجد مشكلة السنه القادمه يتم
ابرام عقد جديد
ثم حدث ماحدث وجد نفسه فى مشكلة عويصة لايستطيع ان يفعل مثل التربية والتعليم
وفى نفس الوقت لابد ان يقوم بالتثبيت كان لابد من البحث عن الزرار
ومن هنا بدا الموضوع من اوله وطبعا جميع الموظفين مرتبكين والقرارات متخبطة
على سبيل المثال بعد الانتهاء من اجراءات الذمه المالية واستمارات 167و 103و105
اعتقدت ان الموضوع انتهى ولكن وجدت المشكلة اين ملفات عدد 25 مدرس بالعقد فى معهدى
قال لى الموظف دور فى هذا الدولاب وهذا الدولاب به ازيد من 2000ملف ياخبر ابيض
اعتقدت انه عنده تسلسل للملفات قال لى لو الملفات مرتبه مكنش توجد مشكلة احنا منعرفش ان فيه
تثبيت كنا نضعهم كلهم هنا لكن قولى الحمد لله انه على الاقل وضعهم قطاعات جلست مع مندوب معهدى
وزميل اخر هذا اليوم اكثر من 3ساعات حتى وجدنا عدد10ملف واليوم الذى يليه ذهب المندوب وجد 5ملفات
وهكذا الى ان تم الانتهاء من 25 مدرس وعلى فكرة كان هناك عقد مدرسه غير متواجد لوحده اخذ يوم كامل
المهم انتهيت من تسليم معهدى بعد حوالى اكثر من اسبوعين والحمد لله
الى هنا انتى معى ولا تهتى نعم الحمد لله معايا
تخيلى كم معهد وكم مدرس بهذا النظام سوف يستغرق وقت طويل اعتقد ان تثبيتكم
لن يتعدى فى اكثر الاوقات تشاءما شهر 7
قد يقول قائل مثلما قرات من بعض الزملاء نثبت بناء على جواب من شيخ المعهد طبعا
لايجوز ممكن جدا نحضر شخص ونقوم بتثبيته فى هذه الزحمه وهذا وارد جدا ولذلك كان الحل
الف باء تثبيت حتى لو تاخرنا قليلا ولذلك اقول ليس هناك حل غير الصبر بعيدا
عن الوقفات العنترية والصوت العالى وكلها امور لاتقدم ولاتؤخر
وكما قلت سابقا اقسم بالله لو وجدت الموضوع مجرد مسكنات فقط اول من سيعلن عن ذلك
ولكننى واثق ان الموضوع بعض الوقت لااكثر
وهناك خبر صغير فى جريدة اليوم الاوقاف سوف يقومون بتثبيت العقود فى الميزانية الجديدة على شهر 7
ملحوظة للاسف بعض مدرسى العقود اللذين يبغون التثبيت حتى الان لايستطيعون التفرقة فى الكتابة
بين حرف ز وحرف ذ ومؤهلات عليا !!!!!
وذعلانين جدا اسف زعلانين جدا واضح انى جالى عدوه
اللهم بلغت اللهم فاشهد

[ام رهف]

جزاك الله خيرا يااستاذ سعيد وان شاء الله شيخ الازهر يكون عند حسن ظن الجميع وينفذ ماوعدنا به

[مستر/ عبدالكريم على عبدالنعيم]

يا ريت يا استاذ سعيد

انا والله كنت حاسس انى التباطؤ فى شئون العاملين فى القاهرة
لانى موافقة الجهاز المركزى والمالية على ما اعرف مبتاخدش يوم واحد

يا رب يسر الامور

[ahmed_ahmed2011]

انا هرد علي كل الاعضاء في بعض الملاحظات البسيطة :
1- انا من اشد المعجبين والمؤيدين لشيخ الازهر حفظه الله
2- اتمني منه ان يكون في اي رد من مشيخة الازهر علي المعلمين المساعدين
بأن يقول مثلا سوف نتأخر لانجاز الاوراق او ما شابه
3- هل يعقل ان شئون العاملين في المشيخة مش بتوصلهم مكالمات يومية بتسأل عن التثبيت
4- مش المفروض في علاقات عامة ترد
5- بلاش تلفلونات ترد - مش فيه معلمين مساعدين بالتربية والتعليم اتثبتوا

اللي عمله شيخ الازهر كتير ---- لكن لازم الاخوة في شئون العاملين ---- والعلاقات العامة ---- ينفذوا اللي قال عليه فضيلة شيخ الازهر ويترجم علي ارض الواقع
بدل ما الناس تايهة
ولا عاوزين فضيلته يروح يعمل الورق بنفسه وهما يقعدوا يتفرجوا
هو عمل اللي عليه وطلع قرار التثبيت

وحتي شهر 7 اللي كل الناس بتقول عليه مفيش اي كلام رسمي بأن في حاجة في شهر 7 كلها توقعات
الكلام كتير مش هطول عليكم اكتر من كده