ربع مشكل - أرجو التثبيت

[المياة]

المشاركة الأصلية كتبت بواسطة مها2222

لا مفيش تعب ولا حاجة
بس هو مفيش طريقة محددة يعنى للحل
هو انا ممكن أقولك انا بحل السؤال ده ازاى لو تحبى ؟؟؟
أو لو اعطتينى يومين بس هحاول اعملك ملف عن السؤال ده لوحده وبرضو هيبقا إجتهاد منى
تحبى ايه ؟؟؟

اللي أنتي تقولي عليه يا حبيبتي أو اللي أريح ليكي وحتى لو هستنى يومين مش مشكلة أنا أستنيت شهور ومحدش رد علي من الأساتذة
مش مشكلة اجتهاد شخصي المهم نعرف نحل السؤال ونجاوب عليه في الامتحان وناخد درجته

[مها2222]

اتفضلى ده الملف شرحتلك فيه خطوات حل سؤال find the mistakes

أتمنى انك تستفادى منه لان ده كل اللى اعرفه والى اقدر اقوله

وعموما متقلقيش انتى بس ذاكرى الكلمات والجرامر كويس جدا

وانتى بتحلى السؤال ده ركزى كويس لان السؤال ده محتاج تركيز بس مش أكتر

انا عملت الملف بوربوينت وجيت حاولت ارفعه على الرابيد شير والهوت فايل والميديا فاير ومركز بوابة الثانوية العامة ولا واحد فيهم راضى يرفعه مش عارفة ليه وجيت احطه فى المرفقات مش راضى فنسخت الشرح وحطيته فى ملف تكست بس الخط فيه صغير اوى مش عارفة اكبره بصى انتى ممكن تنسخى الكلام وتحطيه فى ملف ورد وتكبريه

الملف فى المرفقات

اتمنى لكى التوفيق ،

[مها2222]

** خطوات حل سؤال find the mistakes

أولا : اقرأ كل كلمة فى الجملة بدقة وشوف هل الكلمات صحيحة أى مكتوبة بشكل صحيح (حروفها صح ولا خطأ ).

Ex : the statue is built on a hard pase made of concrete

# طبعا واضح جدا أن كلمة (قاعدة ) مكتوب بشكل خاطىء فهى baseوليست pase

ثانيا : إذا وجدت حروف الكلمات صحيحة فانظر لمعنى الجملة ككل هل معنى الجملة صحيح أم لا .

Ex : Attraction is what makes objects fall to the ground .

# طبعا واضح ان معنى الجمل مش مظبوط نعم الكلمات حروفها صحيحة ولكن معنى الجملة غلط لأن كلمة (attraction جذب ) ليس تعريفها كذلك بينما هذا تعريف كلمة (gravity جاذبية ) وطبعا احنا عارفين الفرق بين الاتنين .

ثالثا : إذا كانت الكلمات صحيحة (حروفها) ومعنى الجملة صحيح فانظر لزمن الجملة والقواعد .

Ex : If you don’t water these plants soon , they would die .

# طبعا زمن الجملة التانية غلط المفروض would تبقى will لان دى الحالة الاولى ل if والدليل على ذلك كلمة soon التى تدل على المستقبل . وطبعا كلنا عارفين قاعدة if

Ex : they are spend the night in a hotel because of heavy snow .

# طبعا الغلط ان الجملة مبنية للمجهول وده غلط لان الجملة تبدأ بالفاعل يبقا لازم تكون مبنية للمعلوم .

* بالنسبة (أولا وثانيا ) فبيجيلك فى الامتحان الكلمات من المنهج بتاعك طبعا وانت كل اللى عليك انك تحفظ كلمات منهجك كويس جدا والمصطلحات والتعريفات .

* بالنسبة ل ( ثالثا ) وهى خاصة بالجرامر فهو برضو بيجيلك من منهجك يبقا لازم تذاكر الجرامر كويس جدا

with my best wishes / Maha Gad

انا وضعت الكلام كده تسهيلا للأمور
وبرضو هحاول اجرب تانى ارفعلك ملف البوربوينت لانه أكيد هيكون افضل