ضرورى محتاجة مساعدة بليز

[Mai Yasser]

سلام عليكم

اولا اعرفكم بنفسى
انا مى من المنصورة وفى2 ثانوى
علمى رياضه

عندى مشكلة كبيرة اوى الايام دى فى المذاكرة
وهى انى اعصابى مشدودة جداااا ومش قادرة اركز فى المزاكرة خالص
وكل ماقول اقعد شوية استرخى وابدا مذاكرة افكر فى الامتحان وانى بضيع وقت
لدرجة انى بقيت بحلم اوقات انى جبت مجموع وحش او ان اسمى ماظهرش اساسا فى النتايج

مع العلم ان انا مستوايا الدراسى الحمدلله باجماع المدرسين ممتاز
بس الايام دى بدأت اتعب فعلا
حتى لو غلطت فى سؤال واحنا بنراجع مع المستر بكتئب بقية اليوم
ومقدرش افتح كتاب

حد يقدر يساعدنى ؟؟

[ahmedelshb7]

انا في 3 ثانوي و حصلي نفس الموضوع و تقريبا 90% بيحصلهم كده جيت في الاخر اجي ازاكر عربي لا لا الاحياء اهم طب اجي اذاكر احياء طب درس معرفش ايه في الرياضة عايز احل عليه لا الاحياء الاول و لقيت اصحابي كده حلناها في الاخر ان كل واحد ظبطله جدول مراجعه لنفسه علي حسب مستواه في كل مادة يعني مثلا العربي قلنا هيتزاكر 5 ايام في الاسبوع او 4 و كل يوم امتحانين رياضة عل كل فرع الاحياء لازم اكتر مادة عشان اصعب مادة هو كده شوفي انتي ايه مستواكي في المواد و ظبطي جدول مراجعة علي حسب المستوي ده و كل ساعة ريحي 10 د قائق و محدش يخاف من الموضوع ده حصلنا كلنا و في 3 الواحد بيتعود و ربنا معانا

[سندريلا العربية]

انا حصلي كده في تانيه واكتر فضلت شهر اربعه وخمسه مبفتحش كتاب وان فتحت الصفح بتكون بيضه
ولما كنت بروح الامتحان كنت بنهار على الرغم انه امتحان للدرس
وامتحان اخر السنه فضل الدكتور قاعد جمبي في اللجنه وكانت عربيه الاسعاف مستنيه تحت علشان لو حصل حاجه
ولاول مره في التاريخ ماما دخلت المدرسه اللي انا كنت فيها على اساس انها ملاحظه اصلها مدرسه
بس صدقيني العصبيه مش نفعتني وةهقولك حاجه مفيش حد بياخد اكتر من اللي ربنا كاتبهوله فانتى حاولي تذاكري بس مش تضغطي على نفسك علشان مش تزيد معاكي لني في الاول كنت مخنوقه وضغت على نفسي في المذاكرة و كانت دى النتيجه
على فكره انا جبت 96 يعني لو كنت ذاكرت ولو ساعه كنت ممكن اوصل ل98