شكرا

[صوت الحق]

المشاركة الأصلية كتبت بواسطة kim ahmed

بسم الله الرحمن الرحيم:
_شكرا لكل الأساتذة الي ساعدوني . شكرا للاستاذ(محمد عياد_بهاء هاشم_ضياء الدين سعيد_HHIBAH_صوت الحق_هندام_وباقي الاساتذة الكرام) شكرا لأكثر واحد كان خانقني في المنتدىMOHAMMED ELSADAT.......طبعا مش بهزر ...أو يمكن أكون بهزر.
شكرا لكل الناس الحلوة الي في المنتدى(أسماء سيف_كركركوكو_واحد من الناس_بنت العقيدة_عبقرينو مان_THE SAD ANGLE_الموت الأخير_احمدASSA _أحمد الجمل_SLGADO_وأحمد رضا و فارس النت و شكرا لكل واحد على المنتدى وكل الناس الي ساعدوني)

شكرا لمنتدى الثانوية العامة

و أنا فتحت الموضوع دة عشان أقول اني نوعا ما مش هاقدر أفتح المنتدى تاني الا ساعة الامتحانات ان شاء الله عشان دلوقتي لازم أبعد تماما عن الكمبيوتر لأن مش فاضل حاجة خلاص . ودة مش معناة ان المنتدى بيضيع وقتي لا والله المنتدى دة فعلا أفادني كتيييييييييير ولكن بابا و ماما عايزيني أذاكر عالمكتب بس من غير النت .
بس ان شاء الله اذا تعذر علي اي سؤال مش هلاقي أحسن و لا أروع من منتدى الثانوية العامة وسط عائلتي الكبيرة. وأنا ان شاء الله هخصص لنفسي وقت كل أسبوع عشان أعد معكم واستفيد منكم...وفعلا بجد الموضوع دة صعب عليا لأني فعلا بعتبركم أهلي و نفسي أعد معاكم على طول. و يا ريت الدعاء لي ولكل المسلمين والمسلمات.

و لبا طلب صغير ياريت أول مافتح المنتدى ألاقي أخولتي وأهلي لسة فاكريني . و ياريت نذاكر ونجتهد عشان لما نتجمع كلنا نتجمع ناجحين ان شاء الله . و ياريت أي حد زعلان مني يسامحني و ينسى. و ياريت ياسادات تنسى رخامتي و طلباتي الكتير . و ياريت يا مي متكونيش زعلتي من التعليق بتاعي.
زان شاء الله هاتبع كل النصائح الي اديتوهاني::D
شكرا جدا من أختكم المخلصة كيم أحمد

اولا انت فى سنه كام
وعلى العموم هذا هو دور الاساتذه الكرم بارك الله فيهم
نحن متشكرين ومصلحتك الاول والجميع فى انتظار اى سؤال منك فى اى مادة
نتمنى لك السعادة والتوفيق
علشان كده تم عمل هذا الموضوع

[TEMO_KHALED]

شكرا (صوت الحق)كيم في سنة تانية ثانوي علمي علوم (biology(
أرجو الدعاء لها .
شكرا fares el netعلى تعليقك الجميل

[TEMO_KHALED]

انا فعلا مش عارفة اقول اية انا فعلا مبسوطة اوي من رد فعلكم و ان شاء الله هاحاول ادخل كل فترة واتكلم معاكم شكرا لكل الناس الجميلة الي قالوا كل الكلام الجميل دة.وانا دخلت دلوقتي عشان اقول انكوا وحشتوني جدا و بجد بحبكم اوي . وانا آسفة على اكبر غلطة غلطها في حقكم والغلطة دي تبقى تامر ياريت تستحملوا غلسنه و رخامته (اسأل مجرب) .سوري يا تيمو بس ماقدرش اكدب عليهم.وبرضوا ولا تزعل شكرا يا تيمو.
و فعلا أنا بعترف ان دة احلى منتدى دخلته في حياتي.

[TEMO_KHALED]

يا سلام اية الحلاوة دي انا رخم وغلس يا كيم اية هو انتي ماشية تسيحيلي في المنتدى والا اية هي دي اخرتها و كمان بتأولي اكبر غلطة و في الاخر تأولي سوري أصرفها منين سوري دي و مش هاتأدري تكدبي عليهم بس تأدري تفرحيهم فية.ماشي يا كيم هو انتي انهزتي فرصة ان انا مش آعد و شغلتي الندالة ماشي يا كيم

[TEMO_KHALED]

المشاركة الأصلية كتبت بواسطة TEMO_KHALED

يا سلام اية الحلاوة دي انا رخم وغلس يا كيم اية هو انتي ماشية تسيحيلي في المنتدى والا اية هي دي اخرتها و كمان بتأولي اكبر غلطة و في الاخر تأولي سوري أصرفها منين سوري دي و مش هاتأدري تكدبي عليهم بس تأدري تفرحيهم فية.ماشي يا كيم هو انتي انهزتي فرصة ان انا مش آعد و شغلتي الندالة ماشي يا كيم

أنا مش هارد عليك يا تامر أنا هاسيبهم يردوا عليك ............

[TEMO_KHALED]

المشاركة الأصلية كتبت بواسطة صوت الحق

اولا انت فى سنه كام
وعلى العموم هذا هو دور الاساتذه الكرم بارك الله فيهم
نحن متشكرين ومصلحتك الاول والجميع فى انتظار اى سؤال منك فى اى مادة
نتمنى لك السعادة والتوفيق
علشان كده تم عمل هذا الموضوع

شكرا استاذ عصام .أنا في الصف الثاني الثانوي وشكرا على مساعدة حضرتك