____ــــــــــــ______ـــــــــــــ_______ــــــــ ــ____

[M.Ahmed Elsaid]

حضرتك شايفة الموضوع من الجانب المادى .. اللى فيه الست بتساعد فى مصاريف البيت مع زوجها .. ودا بحكم الايام اللى احنا عايشين فيها دلوقتى والمعاناة اللى كلنا بنعانيها .. ودا فى حد ذاته مش عيب .. ومقبول جدا ان الحياة تبقى مشاركة .. بس احنا بنقول الاول الراجل يشتغل وبعد كدا الست تشتغل .. نتهيألى دا العدل فى الدنيا .. لان الشغل مطلوب من الراجل اولا مش الست ..

و ايه رأيك فى ان فيه فعلا دلوقتى بنات كتير بتشتغل مدرسات فى مدارس كماليات فعلا او تسلية زى ما قال اخونا ثانوية .. فى حين انها مش محتاجة الشغل دا .. والمشكلة الاكبر ان فيه شباب كتير محتاجين شغل ووظيفة ومش لاقيين .. وانا اعرف اعرف ناس كتير خريجين تربية واداب من اكتر من 10 سنين والله وقاعدين ..

طب مين الاولى بالشغل دلوقتى .. البنات ولا الشباب ..
ازاى الشاب هيروح يتقدم لبنت دلوقتى وهو مش معاه وظيفة ..

وايه قولك فى موظف عقود اللى كل ما تنزل مسابقة يقول احنا مش بنعين غير البنات ويسدها فى وش اى شاب رايح يتقدم ..
على اساس ان الشاب دا مش معاه واسطة .. وكلنا عارفين كويس ان التعيين فى التربية والتعليم اغلبه قايم على الواسطة ..


اللى بيقول مفيش فرق بين الست والراجل دلوقتى .. غلطان
لان الفرق هيفضل موجود طول الدنيا .. ديننا علمنا كدا ..

البنت هتقول دلوقتى امال ليه احنا اتعلمنا وواخدين كليات ..
الرد ببساطة انك اتعملتى علشان نفسك وعلشان اهلك يفخروا بيكى .. علشان يتقدملك عريس مناسب لمؤهلك يرضى طموحاتك ويكون على نفس ثقافتك .. بس للاسف العريس هييجى ازاى وهو مش بيشتغل وانتى بتشتغلى ..


وفى النهاية مجرد رأى

شكرا للموضوع