فكر للحظة و لن تندم !!

[h-h-y]

بسـم الله الرحمـن الرحـيم

************************************************** *****************

كلما تعمقت فى حياتى ودراستها كلما تبين لى غموض العقل البشرى وقوته كل يوم اسمع عن اكتشاف جديد و خاصية جديدة ولكنى سالت نفسى. انا امر باوقات عصيبة واوقات سعيدة وهناك ربط بينهما وهناك تحكم منى مع ان هناك القدر ولكن اشعر بداخلى ان اى شئ خطأ يحدث يكون له علاقة بى وهذا ما تاكدت منه عن طريق قراتى لبعض الكتب وسماعيا من البعض الاخر , هناك سر بداخلى هناك دائرة غموض كبيرة كيف اتحكم بهذه النقط كيف اقاوم اخطائى و الشئ الوحيد الذى جعلنى متفائل هو انى احاول وافكر جاهدا لعلاج نفسى من هذه الاخطاء وهذا اعتبره خطوة جديدة و اتجاه جديد فى شخصيتى ولكن حتى بعد وصولى لبعض المعلومات والاستنتاجات الهامة الا انى احتاج بعض التطبيق فقط فرصة لنفسى للتطبيق و سالت نفسى ايضا (انت تعلم جيدا ان لك فرص جيدة فى الحياة ) ولكن هذه الفرصة لها ثمن وهو زهيد فى الحقيقة , وانا اتجاهله والوقت يمر بدأت
بعد ذلك بالنظر حولى فوجدت معظم الناس استسلموا للضعف تحت مسمى القدر و انهم حتى اذا عملوا بجد فليس لديهم هدف يسعوا ورائه سالت زميل لى لما تذاكر ؟ او ماذا ستفعل بعد هذه السنة وما تخصصك ؟؟ فيقول لى اتركه للنصيب و سيحدد المجموع الهدف !! ولكنى تحسرت مع انى اعرف انه يذاكر و يعمل ولكن بدون جدوى ماذا نعرف نحن عن القدر لنتكلم عنه بهذه الطريقة و لما نستسلم بسهولة انا اعلم انه هناك ضغوط ولكن هل تحجب الضغوط العقل والتفكير هل تعمى القلوب لهذه الدرجة , سمعت قريبا عن الطالب العبقرى " امين محمود "وشاهدت له بعض الفديوهات و قرات كتابه " كيف تكون الطالب العبقرى " و مر بخاطرى - ما رايك فى هذا ؟؟ فقلت : وما الفرق بينى و بينه !! هل هو فرق القدرات ؟؟ هل هو فرق الظروف ؟؟ و جاوبت :: لا اجد فرق لانى مررت ببعض ما قاله . و لا اجد فرقا بين قدراتى وقدراته لانى لم اعرف قدر عقلى و تفكيرى فلما احكم على نفسى بموقف الضعف و ما هى الظروف اصلا . لا يوجد مبرر لى بالاعتراف بالعجز فى هذه الاسئلة ثم حاولت ان انظر نظرة بعيدة و اراقب الجو النفسى العام للطلبة من حولى و بالاخص الثانوية العامة .. ما هذه المرحلة التى نمر بها ؟؟ ولماذا نحظى من الجتمع بهذا الاهتمام المليئ بالارشادات الخاطئة و الرعب النفسى الشديد حتى رسخت فينا بعض كلماتهم !! مثل : ذاكر يا بنى و خلص المشكلة دى على خير انا بدعيلك والله ، وبعض الاقاويل مثل : يلا يا دكتور العيادة مستنياك .. وسيقول البعض وما وجه الخطأ فى هذا ؟؟ الذى لا تعلمه ان هذه الكلمات التى تعتبرها مجرد كلمات عابرة عادية ولكنها تؤثر فيك جداا . تجعلك تحس بصعوبة موقفك مما يزيد اخفاقك فى التعامل مع الموقف برغم انه غير هذا التصور على الاطلاق و ان بعض الكلمات مثل يا دكتور و يا مهندس ووو الخ ، هى تعتبر غلق تصورك و احلامك فلما لا تفكر بطريقتك الخاصة فى التعامل مع حياتك لما لا تقرر مصيرك بنفسك . نظرت فى الكتاب المدرسى لبعض المواد مثل الفيزياء وتوقفت عند بعض الكلمات وقلت (كل هذه اسماء للعلماء ؟؟) انا لا اجد مانع اطلاقا ان اكون منهم ، ثم اخرج للشارع وزملائى و يحطموا افكارى واشعر بالحزن الشديد مما هم فيه من غفلة بلذة الحياة والابداع وقلت حرمونا الكبار من احلامنا لما لا يتركونا بالفاظهم الجارحة واساليبهم الكثيرة لوضعنا فى المشكلة واقناعنا بها ، هل وصل انحطاط الثقة بنا لهذه الدرجة !! لا احد يراعى انى انسان لى الحق فى التفكير و اختيار حياتى و لما لا احلم هل الحلم حرااام !! يمكننى فعل شئ والله نحن مظلمون ولا نشنعر بذلك .... سيقول البعض (انت مكبر الموضوع ليه ؟؟ ) اهى ماشية و الحال تمام
حجاوبه : احنا بنذاكر و بنتعب و بروح دروس وبندفع فلوووس للدروس و كتيرر بنبكى من حالنا وان احنا مضغوطين ونقول ( فاضل شهرين حنعمل ايه – فصل كذا صعب و يرد عليك واحد يقلك فكك دا مبيجيش فى الامتحان ياراجل متعقدهاش ) طيب حسئلك انت بتتعلم و لا بتبرمج نفسك على نظام امتحان انت المفروض عالم مبدع مش مجرد الة سرد حفظ (ليه بتدى كل واحد فى المجتمع فرصة انه يحطمك ويضيع هدفك !!) تخيل ولو للحظة انك خلاص بقيت دكتور او مهندس او اى شئ ، فكر ايه شعور الفرح اللى داخلك و ليه حتبقى فرحان !!!
هل لانك خلاص عديت الازمة اللى كانوا بيقول عليها الثانوية العامية ( هى العامة بس ده اللفظ الجديد بعد كلام الناس عليها ) ولا عشان ابوك او اى حد قللك لما تبقى دكتور او دكتورة عشان اعمم قلك حتبقى محترم وتقدر تصرف فلووس وتعيش وليك مكانة ولكن هل سالت نفسك لو وصلت للمكان ده هل فى نسبة شك ولو 1 % انك ممكن تقدم شئ جديد للمجال ده بعيداا عن كل الاهداف اللى فاتت من فلووس ومكانة . حرد واقللك ازاى حتحلم وانت خلاص حطيت غطاء على عقلك ( احفظ- ذاكر و متنامش- عشان اعدى زمايلى و ادخل طب او هندسة ) هو ده هدفك! هو ده الهدف من التعلم ! هو ده طريقة تفكيرنا !! عايزنا علماء ازاى!! عايزين مصر تتغير ازاى واحنا كده !!!
ولا تعتقد ولو للحظة ان تفكيرك ده حيتغير فى سيايتك مع اولادك !! لا اللى انت عملته ده حتعمله مع ولادك ونفس الكلام حتقوله لهم .. ( ادخل ذاكر متضيعش وقت – انت عايز فلان يعديك !- دا احنا كنا ملائكة مش تلاميذ – جيل فاشل ) مش كده و لا الكلام ده من كوكب تانى . فكر او فكرى ولو للحظة انا مين ؟؟وليه ؟؟ وايه هدفى ؟؟
اسئل نفسك ( الرسول محمد صلى الله عليه وسلم ) كان اميا بس غير العالم وكان هدى للاجمعين . راجع نفسك واسئل نفسك ايه المقدرة الجبارة على الحفظ اللى كان يمتلكها الامام الشافعى و غيرهم من العلماء الافزاز .حرد واقلك : الايمان ( مؤمن بما يفعله – عارف ان ليه هدف بيتقدم ليه – هدف نبيل وضع اسمه فى قائمة الشرف ليس فى المتفوقين ولكن المبدعين المفكرين ) انت فين فى القائمة دى وايه مدى تقدمك فيها ؟؟ حترد وتقول : انا فاضى افكر سبنى بهمومى ومشاكلى لما اخلص الثانوية حبقى افكر وابدع فى الكلية وابقى معيد فيها و حكون رئيس قسم ... هههههههههه .. حرجع واقلك هو ده السبب !! طيب منتا مشغول بالهموم طيب ليه متحاولش تبعد الهموم وتتغلب عليها وحتبقى وفرت وقت المذاكرة وعلى الاقل حتحس بان عقلك فعلا بيساعدك وانك مش مجرد الة .. ما احترامى لكل المدرسين ودورهم . الا ان بعضهم بيكون ليه عامل فى القضية مثلا : شئ جذب انتباهى بشكل كبير وهو ان المدرس اللى بيدرس المادة من 20 سنة او اكتر - لما يحل مسئلة او يجواب سؤال مش عارفينه يبتسم بسمة غرور و يقول فى نفسه (دا عايزه فكر عالى ) او فى اوقات بصوت مسموع و لم يسئل نفسه يوما انه يدرس هذا من زمن بعيد و انه لم يحاول تطوير شئ فى مجاله بل يعتبر مجرد تطبيق ما اتقنه نوع من التميز العقلى مما يعطى نظرة انبهار من الطلاب و تعقيد للاخرين او موقف اخر وهو التحيز لطالب لمجرد انه وصل للمركز الاول فى عام من الاعوام حتى ولو فى الابتدائية وكانه بذلك اثبت جدارته العقلية وانه مميز عن اصحابه واقرانه و هذا ايضا يعطى فكرة سلبية داخلية فى من يجلس معه بشعور نوع من الفرق والحاجز و البعض يتحمس و البعض يحبط ولكن اقول للمتحمس وهو مبدا صحيح فى التعامل مع الموقف ولكن هل هدفك فى تعديه فقط فى المواد او فى الدراسة !! لما لا تثبت له قوتك فى مجلة علمية تكون بدايته بخط عريض مكتوب فيه اسمك او فى اختراع فعلته تجعله عاجز عن الغرور ثانية !! هل كل تفكيرنا هو مجرد التخطى ! هل سالت نفسك وانت تدرس كتاب الايام فى الصف الثالث الثانوى ولو كان السؤال حتى فيه سخرية ؟؟ هل هذا الرجل الاعمى حقق ما عجزت عنه ؟؟عميد الادب العربى طه حسين !! كيف حقق ذلك ؟؟ كان يتخبط فى الجدران وكان مليئا بالانتقادات و الامور التعجيزية ولكن ما النتيجة ؟؟ ليس نجاحا او تخطى فقط ولكنه حفر اسمه فى اذهان الجميع وكانه يقول ( ها انا ذا الاعمى الذى حقق ما اخفقتم فى انجازه !) و هذا الكلام صحيح ولو قاله لصدقته
كان فصيح فى اللغة الفرنسية اكثر من اهلها تخيل هذاا ؟؟ اكتب حوار مع نفسك توقف لحظة و قف شريط حياتك و اسئل نفسك او اسئلى نفسك هل حياتى مجرد نجاح عابر وزواج وموت ومعظم هؤلاء الاجانب والعرب العلماء منهم كانوا منغلقين و خطأ فى اسلوبهم ( الم يضحك هؤلاء يوما ام ما الذى حرمو منه ؟؟ ) احرمو من تحويل مسار حياتهم للابداع و لكن سؤال الم ينجح فى ان يجعلك مرغما على ذكر اسمه كثيرا ؟؟ نحن نسمع عن نيوتن و انشتين و غيرهم الكثيررر . فاسئل نفسك هل لى من مساحة مع هؤلاء العباقرة ؟؟ ساقول لك نعم و هل اختبرت قدراتك اصلا من اجل الاجابة ب لا !! انا شاب عادى فى مرحلة المراهقة ( بداية ثورة العقل) . اسئل نفسى الكثير من الاسئلةواخفق كثيراا و انجح فى القليل و لكنى افكر كثيراا فى حياتى ودائما اتوقع الافضل لم يكن لى دور فى نهضة بلدى و الثورة الاخيرة لبعدى عن مقرها وليس هذا فقط بل ايضا لم يتمكن فكرى من الوصول للفكرة الراقية هذه ولكن على الاقل ابدأ بتغير نفسى واترك حرية الحلم المطلق فما اجمل الاحلام ! كان اختراع التليفون مجرد حلم شاهد نتائجه الان فى يدك ! كان الانترنت حلم ولكن شاهده الان ! كان الوصول للفضاء حلم صعب شاهد ما يحدث عليه الان وانت جالس على الانترنت !! الم يوحى لك هذا بانه ليس هناك مستحيل كما يقول البعض و لو حتى باستهزاء الم يحن الوقت لثورة العقل ؟؟ الم يحن الوقت لتضع اسمك امامى وامام احفادك وزملائك بافتخار و الافتخار بعمرك ليس بتقضيته فى المذاكرة بدون هدف او العمل فى اى مجال بعيدا عن الابداع الم يحن الوقت لان تحجز لك مقعدا فى الجنة !! الم يحن الوقت لكى ترغمنى على احترامك فى الدنيا والاخرة !! وهذا هو النجاح الحقيقى ليس نجاحنا الزائف .تذكر دائما انك كالجوهرة المغطاة بالتراب و الطين و فقدت اضائتها و تحتاج فقط ان تزيح التراب عن الجوهرة وهى قدراتك و التراب هو الضغوط والمعوقات.
************************************************** *****************

اطلت عليكم الحديث ولكن هذا مجرد شعور منى بالمسئولية لايصال هذه الكلمات لكم وانكم جميعا اخوانى احب ان اشارككم احلامى وتساؤلاتى . وانا اتقبل اى نوع من الانتقاد وارحب به و ارحب ايضا بالمشاركة فى بعض السلبيات الذى قابلتك و رايك فيها .

اخوكم المحب لكم " حسام ".

[ROSET]

بجد كلام جميل جداااااااا
وناس كتير بتمر بيه بس مش الكل
وبعدين فى ناس اصلا مش عارفه هو ايه هدفها
ناس عايزه تحقق حاجه ومش عارفه الطريق او الاتجاه الصح فين
ممكن لو حد جه يبتدى عشان يبدا التركيز والهمه والنشاط يتكاسل
او اى حاجه تشغله او مش يلاقى حد يشجعه
( وعلى فكره التشجيع دا مهم جداا ومش شرط التشجيع يعنى عشان تبقى دكتور او مهندش او ....)
بس لازم نعرف من جوانا احنا نكون متأكدين من حاجه احنا عايزين ايه وعاوزين نوصل لايه او عايشين ليه ايه هدفنا
طبعا عشان فىه ناس الفرصه ضاعت منها
دا عامل كبير فى الفشل اللى احنا بنحس بيه
وبنحاول ننساه فى اننا ننشغل بأى حاجه تلهينا وتنسينا يعنى نكبر لحد من عدى السنه دى
.,,,, انا معاك فى كلامك بس اسالك من اين لك نقطة البدايه وكيف لك ان تبتدى ؟؟؟؟؟؟!!!!!!

[h-h-y]

المشاركة الأصلية كتبت بواسطة roset

بجد كلام جميل جداااااااا
وناس كتير بتمر بيه بس مش الكل
وبعدين فى ناس اصلا مش عارفه هو ايه هدفها
ناس عايزه تحقق حاجه ومش عارفه الطريق او الاتجاه الصح فين
ممكن لو حد جه يبتدى عشان يبدا التركيز والهمه والنشاط يتكاسل
او اى حاجه تشغله او مش يلاقى حد يشجعه
( وعلى فكره التشجيع دا مهم جداا ومش شرط التشجيع يعنى عشان تبقى دكتور او مهندش او ....)
بس لازم نعرف من جوانا احنا نكون متأكدين من حاجه احنا عايزين ايه وعاوزين نوصل لايه او عايشين ليه ايه هدفنا
طبعا عشان فىه ناس الفرصه ضاعت منها
دا عامل كبير فى الفشل اللى احنا بنحس بيه
وبنحاول ننساه فى اننا ننشغل بأى حاجه تلهينا وتنسينا يعنى نكبر لحد من عدى السنه دى
.,,,, انا معاك فى كلامك بس اسالك من اين لك نقطة البدايه وكيف لك ان تبتدى ؟؟؟؟؟؟!!!!!!

اولا : شكراا على مرورك ومشاركتك .
ثانيا : عدم تحديد الاهداف ده ليه عوامل كتيرة ومنها البيئة اللى حواليك زمايلك و اسرتك و معظمها عوامل نفسية مش مادية انا زى اللى كتبته فى الموضوع الكل بيحاول يتحكم فى مصيرك تحت مسمى النصيحة زى يلا يا باشمهندس او اى حاجة تانية يفرض احلامه عليك او ابوك يقول كان نفسى اكون صيدلى يلا اجدعن وكمل حلمى طيب ليه بحط قيود حتى على الاحلام و عندك بقى الاصحاب على رغم انه بيذاكروا بس مصدر احباط شديد و تقريبا كل الكلام بيبقى فى حدود الهزار والاستهزاء و لكن الانسان المسئول بيعرف مصحلته كويس و بيعرف ايه ميوله وبينميه و ربنا يوفق الجميع ....

[لوجين 3]

والله الكلام ده رائع بس فين اللي بيطبق كل الناس عايزة اولادها في طب وصيدلة وهندسة ومافيش حاجة تانية اكتر من كده تصور انا عندي واحدة صاحبتي بتحب الكيمياء جدا وعلشان كده هي عايزة تدخل كلية العلوم وتبقي باحثة كيميائية ولما قالت كده لبعض اصحابها كان ردهم هو السخرية وكأنها ماهيش امنية او هدف ويقولو لها كلية علوم؟؟؟ ده كل طموحك لازم يكون عندك طموح اكبر من كده , وواحدة تانية عايزة تدخل صيدلة علشان مش هتقدر تلحق طب مش اكتر تفتكر دي هيبقي عندها اي فرصة تبقي مبدعة في الكلية ومع كده الناس بتقولها ربنا يوفقك وتدخلي الصيدلة & قارن بين الحالتين وانت هتعرف ازاي تقدر تكون مبدع ؟
انا حابة احكي لك موقف حصل ليا في مرة كنت بقول لصاحبتي انا نفسي ادخل طب واتخصص في جراحات القلب واني ابتكر طرق جديدة لعلاج المرضي واسمي مش يكون مجرد اسم علي لافتة في الشارع بل يكون في كتب الطب نفسها واني ممكن اخد جايزة نوبل في ده زي احمد زويل كان ردها الوحيد (هههههههههههههههه احلمي ..... احلمي ) رديت عليها وقلت لها الحلم مش بفلوس وده من حقوقي كانسانة

[h-h-y]

المشاركة الأصلية كتبت بواسطة لوجين 3

والله الكلام ده رائع بس فين اللي بيطبق كل الناس عايزة اولادها في طب وصيدلة وهندسة ومافيش حاجة تانية اكتر من كده تصور انا عندي واحدة صاحبتي بتحب الكيمياء جدا وعلشان كده هي عايزة تدخل كلية العلوم وتبقي باحثة كيميائية ولما قالت كده لبعض اصحابها كان ردهم هو السخرية وكأنها ماهيش امنية او هدف ويقولو لها كلية علوم؟؟؟ ده كل طموحك لازم يكون عندك طموح اكبر من كده , وواحدة تانية عايزة تدخل صيدلة علشان مش هتقدر تلحق طب مش اكتر تفتكر دي هيبقي عندها اي فرصة تبقي مبدعة في الكلية ومع كده الناس بتقولها ربنا يوفقك وتدخلي الصيدلة & قارن بين الحالتين وانت هتعرف ازاي تقدر تكون مبدع ؟
انا حابة احكي لك موقف حصل ليا في مرة كنت بقول لصاحبتي انا نفسي ادخل طب واتخصص في جراحات القلب واني ابتكر طرق جديدة لعلاج المرضي واسمي مش يكون مجرد اسم علي لافتة في الشارع بل يكون في كتب الطب نفسها واني ممكن اخد جايزة نوبل في ده زي احمد زويل كان ردها الوحيد (هههههههههههههههه احلمي ..... احلمي ) رديت عليها وقلت لها الحلم مش بفلوس وده من حقوقي كانسانة

للاسف هوا ده فكر المجتمع و عايزين مننا علماء و بيسخروا من الجيل ده و هما مش عارفين مدى القوة الكامنة فى الشباب و ايه المانع ان حلمك او حلمى يتحقق !! ده مش مستحيل و الا كان اى اختراع حديث كان حيبقى مستحيل فى فترة من الفترات و فعلا مهما عملت و حاولت ترضى فى الناس عمرك ما حترضى كل الناس زى قصة جحا فعلا دى قصة ليه معنى وانك تسيبك من كلام الناس و اعمل اللى مقتنع بيه بعد تفكير وانسى التعليقات الساخرة دى انا بسمعها كتيررر واى حد بيفكر دايما بيلاقى السخرية لاحلامه وافكاره و لكن سلاحه هو النجاح و ده اللى بنسعى ليه و ربنا يوفقنا جميعا و بالاخص فى المرحلة ا دى سواءا من الدراسة او من مرحلة المراهقة . بجد انا قربت اتجننن من تفكير الناس والحاجات اليومية اللى بسمعها او بعيشها معاهم من كل الفـئـات والله .. ربنا يستر علينا و يوفقنا ..

[لوجين 3]

لللأسف مصر تغيرت ولكن مازالت النفوس زي ما هي التفكير العقيم والامثلة اللي بنعرفها عن الحفظ(احفظ زي الجاموسة تعدي زي الناموسه ) لكن اوعي تحلم اوعي تفكر والا تبقي شاذ عن مجتمعك ربنا يهدي