الإخوان: لن نبقى طوال الدهر لا نسعى للرئاسة أو أغلبية فى البرلمان

[محبة الصحابة]

المشاركة الأصلية كتبت بواسطة أ / أيمن حماد

انت صح والله
دول ما ينفعوش
اهم حاجة السلطة

ليه مش ينفعوا؟ الاخوان كلهم ناس محترمين متدينين اساتذه جامعه واطباء ومهندسين ومدرسين ومحامين ومستشاريين لاتجد فيهم مرتشى ولاسارق ولاشارب خمر ...الخ
هو حضرتك وصى على شعب مصر عشان تحدد مين ينفع ومين لا؟
وايه المشكله لما يكونوا عاوزين السلطه؟ هم جايين من اسرائيل ولا مصريين زيك؟
طالما مصريين يبقى ليهم الحق زى اى حد فى مصر اشمعنى مبارك حكم 30 سنه وكنتوا عاوزين كمان ابنه يحكم 30 سنه كمان؟
بصراحه مش تزعل منى انا كنت باسمع نفس الكلام ده او نفس التهم دى من جهاز امن الدوله!!!

[محبة الصحابة]

كلام كارهى الاخوان فى المنتدى بيقكرنى فعلا بالنكته دى:
مرة واحد من الاخوان دخل الانتخابات نجح قالوا بسبب الشعارات الدينية, سقط قالوا :خاين انه دخل اصلا , قاطع الانتخابات قالوا : شفتم وبيتكلم عن الايجابية والمشاركة , دخل باغلبية قالوا عشان يكوش على المقاعد وتبقى دولة دينية ,دخل بثلث المقاعد قالوا :عشان حق الفيتو , دخل بأقلية ,قالوا شفتم..ده حجمهم الحقيقى,سبلهم البلد وركب الطيارة ومشى... ,قالوا :سابلنا البلد خربانة ومشى ,الطيارة وقعت فى البحر ,قالو شوفتوا غضب ربنا عليه!!
((يعنى مفيش فايده مش ممكن يرضيهم ))

[khalid2222]

المشاركة الأصلية كتبت بواسطة محبة الصحابة

كلام كارهى الاخوان فى المنتدى بيقكرنى فعلا بالنكته دى:
مرة واحد من الاخوان دخل الانتخابات نجح قالوا بسبب الشعارات الدينية, سقط قالوا :خاين انه دخل اصلا , قاطع الانتخابات قالوا : شفتم وبيتكلم عن الايجابية والمشاركة , دخل باغلبية قالوا عشان يكوش على المقاعد وتبقى دولة دينية ,دخل بثلث المقاعد قالوا :عشان حق الفيتو , دخل بأقلية ,قالوا شفتم..ده حجمهم الحقيقى,سبلهم البلد وركب الطيارة ومشى... ,قالوا :سابلنا البلد خربانة ومشى ,الطيارة وقعت فى البحر ,قالو شوفتوا غضب ربنا عليه!!
((يعنى مفيش فايده مش ممكن يرضيهم ))

نكتة حلوة والله

وبالفعل هي ديه الحقيقة فاعداء الاسلام ينتظروا اي خطأ للمسلم لكي يستفيدوا به مثل كلمة غزوة الصناديق التي حولوها الي موضوع كبير

[mr.tifa]

ارجو ان يفهم الجميع ان الاخوان مصريين زينا يحبون الخير لهذا البلد
وعندما يدخلون اى انتخابات يكسبونها لانهم مصلحين ومتفاعلين مع مشاكل مجتمعهم يساعدون الفقراء وطلاب العلم واليتامى ويحلوا مشاكل الناس ويقفون الى جانب الجميع فى الشدائد وهذا تطبيقا للاسلام الذى لايعرفه الكثير من الذين للاسف يرددون كلام النظام السابق عن الاخوان

[محمد فودى محمد4]

اعتقد ان لهم الحق فى ذلك

[Soaad-532]

أتمنى أن يكون رئيس مصر من الاخوان وتمنيتهاقبل الثورة وأمام زملائى يارب حقق أمنيتى ويكون رئيس الدولة من الاخوان على الأقل بيخاف ربنا ولم يسرق البلد واذا تكلم سيقول الحق ولن يخون ويدمر شعبه كما فعل حسنى الغير اخوانى

[كمال عبد الفتاح]

انشاء الله الخير كله قادم لاهل مصر جميعا مسلمين ومسيحين علي يد الاخوان هم يحتاجوا الفرصه ليثبتوا انهم احرص الناس واخلصهم علي هذا الوطن وفقهم الله لكل خير

[libero]

من مبادئ نشر الخبر .... ألا تصبغ عليه رأيك ....
لا أستطيع أن أقول أكثر من ذلك ....
وشكرا ......

[مستر/ عصام الجاويش]

المشاركة الأصلية كتبت بواسطة mido sohagy

من مبادئ نشر الخبر .... ألا تصبغ عليه رأيك ....
لا أستطيع أن أقول أكثر من ذلك ....
وشكرا ......

اتفق معك تماما ونرجو ان يلتزم الجميع بهذا الكلام الطيب

[Mr. Ali 1]

من فضلكم
التعليق يكون علي الخبر
وليس علي تعليقات بعضكم البعض .
القسم اسمه (خبر وتعليق) والتعليق يكون علي الخبر .
يوجد قسم من أجل مصر لطرح الرأي والرأي الأخر لمثل هذه الأمور .