هل تتزوج فتاه كنت على علاقة بها؟ موضوع للنقاش

[Dr. Hoda Ahmed]

لو الموضوع زى ما انتى بتقولى انها محترمة فعلا وهو اول واحد يكلمها والاعجاب كان من الاول بين الطرفين والمفروض انه عرف اخلاقها كويس يبقى مفيش مشكله
موضوع انها كلمتنى تبقى تكلم غيرى انا برفض الفكر ده تماما طب ما انت لو اخدت بالمنطلق ده يبقى كما تدين تدان ابنك او بنتك او اختك هيحصل معاها كده

وكمان هو ليه يسمح لنفسه يلعب بمشاعر واحدة لو بعد عنها مش هيسببلها غير الجرح يبقى ليه قرب منها من الاول

اما اساسا لو الفتاة دى مش فارقه معاها ومتعودة على الكلام الفاضى ده اصلا فطبعا يبعد عنها لكنك من الاول قلتى محترمة يبقى مفيش مشكله

موضوع الشك ده هو لو انسان عادى حياتهم هتستمر لكن لو اصلا مريض بالشك فحياته مع اى واحدة هيخترها هتبقى جحيم
لان مفيش ثقة

احسنتى اختيار الموضوع لان لللاسف ده فكر شباب كتير فعلا بيغلط ويحب يعمل كل حاجة غلط وبالرغم من ده يختار فتاة فيها كل المميزات طيب هى هتوافق عليه على اى اساس

لو ما ينفعش انه يقبله يبقى الفتاة كمان ما تقبلش اى ولد عرف قبل كده بنت غيرها
وهو اصلا لو صح من الاول كان بدا الموضوع صح وبعلم الاهل

ومش معنى كلامى برضه انى بوافق مكالمات وخروجات والكلام الفاضى ده او اى كلام غرامى انا مستبعده كل ده من كلامى لانك قايله فى اول الكلام محترمة