>>>>> لمـــــــــــــــــــــــــــــــــــــــــــــــا ذا <<<<<<<<

[Mr. Ali 1]

المشاركة الأصلية كتبت بواسطة twilight_twilight

لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟
يعني بنشحن البطارية!!؟؟
أيوه وبضرب الريموت كمان والغريبة انه فعلاً بيشتغل , يظهر كل حاجة بتشتغل بالضرب

...لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟
يعني كدة هنعرف الطريق الصحيح!!؟؟
علشان نركز كويس ولما نسأل حد نقدر نسمعه كويس .

لماذا نقول هدية مجانية؟؟ وهل يوجد هدية غير مجانية!!؟؟
فيه . فيه هدية مصلحجية ( بغرض المصلحة ) وفيه هدية رشوية , وفيه هدية تنويمية ( الراجل يجيب هدايا كتير لزوجته علشان متاخدش بالها )

لماذا عندما نكون داخل المنزل والسماء تُمطر نتسائل: هل السماء تُمطر برة؟؟
يعني عمرها مطرت جوة مش برة!!؟؟
لوشقتك بحري وفتحت باب البلكونة هتلاقي المطرة داخلة جوه .

لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟
يعني اللي دهن الحائط لازم يحلف!!؟؟
هو دا عيبنا ... مش بنصدق بعض

لماذا عندما توقف سيارتك في موقف خالي من السيارات يأتي واحد بعدك ويوقف سيارته بجانب سيارتك؟؟
يعني يسيب الموقف كله ويوقف جنبك!!؟؟
ونس بردوا وممكن العربيتين يتعرفوا ويدردشوا مع بعض

لماذا عندما يتأخر المصعد نضغط عدة مرات على الزر؟؟
يعني كدة هيستحي على دمه ويجي بسرعة!!؟؟
عندنا مشكلة فعلاً في تعاملنا مع الزراير . تلاقي واحد جايلك البيت وحاطط ايده علي الجرس ومش عايز يديك فرصة انك ترد عليه ( زي ما تكون واقف له ورا الباب )

لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟
يعني انت كيس جوافة!!؟؟
مش يمكن انت منتظره لما ييجي ويضغط هو علي الزر

لماذا نفتح فمنا عندما نقوم بإطعام الطفل الصغير؟؟
يعني إحنا اللي بناكل واللا هو!!؟؟
بتبقي عنينا في الأكل واحنا اللي عايزين ناكله ( أكيد علشان الطفل يقلد ويفتح فمه )

لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
فكرتني أيام ما كنت طالب في المدرسة ( من زماااااااااااااان ) كنت أقول اذا كنت أصحي من النوم ألاقينا بالليل , وكنت أكره يوم السبت كره العمي

لماذا يكون الشخص الذي يشخر ليلاً أول من تغمض عينيه؟؟
يعني مش كفاية شخير وينام بدري!!؟؟
علشان عايز يحجز مكان في الأول في الحفلة الموسيقية اللي هتبدأ بعد قليل

ليه لما تكون قاعد في مكان عام وتسمع رنة محمول على طول تطلع محمولك..؟؟
يعني مش عارف رنتك واللا أنت حضرتك مهم أوي عشان يرن (موبايلك) بين كل البشر دي!!؟؟
ولا عمري عملتها , حتي لو كانت رنتي بقول خليه يرن شوية علشان أسمع الرنة

لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟
مش قادر على شيطانك للدرجة دي ؟ ان كيد الشيطان كان ضعيفا – آية كريمة - سبحان الله وبحمده سبحان الله العظيم
لا ليس الشعور بالنعاس وانما كثرة السرحان والتفكر في أشياء وتذكرها فقط وقت الصلاة , ولكن بعد انتهاء الصلاة تنساها مرة أخري .

لماذا نسهر الليل كل يوم من أجل مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟
ما يستاهلوش ؟ واللا انت مستكتر على نفسك الجنة ؟ عليكم بقيام الليل فإنه دأب الصالحين قبلكم ، و هو قربة إلى ربكم ، و مكفرة للسيئات و منهاة عن الإثم – حديث شريف – صلى الله وسلم على الهادي
الكل مقصر .

ليه بدأت تحس بالملل دلوقتي لما الكلام دخل في الدين ومش عايز تكمل ؟ لكن كنت مبسوط وانت بتقرا النكت ؟
علشان الاحراج طبعاً .

=============
الكلام لسة هيحلو أكتر
=============
لالالالا كفاية كدا دلوقتي . الأسئلة كتيرة أوووووووي والوقت المحدد ميقضيش الاجابة عليها كلها , وكمان محتاج ورقة اجابة اضافية .

أنا جاوبت نص الأسئلة في الفترة الأولي , وان شاء الله أجاوب النص التاني في الفترة التانية .
دا إذا فضل الموضوع في مكانه هنا ومنقلتوش لمكان تاني .
بصراحة مش عارف أوديه فين
أنا هسيبه لحد ما أفكر .
شكراً علي هذه الأسئلة الجميلة .
تقبل مروري .