إقتراح وأرجو إبداء الرأى

[عيد فاروق محمد]

من الأمور الغريبه فى الأزهر علاقة الموجه بالمدرس
فنجد أن المدرس يرى الموجه أربع مرات فقط فى السنه الدراسيه : مرتان بالترم الأول ومرتان بالترم الثانى وتسمى (دوره توجيهيه واحده بالترم الأول والأخرى بالترم الثانى // وأخرى دوره فنيه واحده بالترم الأول والأخرى بالترم الثانى)

وموضوعى هو عن الدوره الفنيه : وفيها يدخل الموجه الفصل مع المدرس ليقيمه وضع التقرير الفنى الذى على أساسه يأخذ المدرس ترقياته
فهل من المعقول أن يتم الحكم على كفاءة المدرس من حصه واحده هذه الحصه التى قد يوفق فيها المدرس أو لايوفق هو وحظه او قد تكون حالته النفسيه فى هذا اليوم غير مستقره لمشاكل بالعمل أو مشاكل أسريه قد تؤثر على شرحه أثناء تلك الحصه

أما بالنسبه للموجه الذى قد يكون فى معظم الأحيان أقل مستوى من المعلم بحكم الممارسه الفعليه للماده داخل الفصل فقد يغلب على تقريره الفنى الأهواء الشخصيه فقد يكون هناك علاقة ود بينه وبين المدرس فيعطيه تقرير مرتفع عن زملائه اللذين قد يكونوا أحق منه
والعكس قد يحدث
أما آن الأوان أن يتغير مثل هذا الروتين
فعلاقتنا بالموجه أصبحت مرتبطه بهذا التقرير الذى لا يدل على مستوى المدرس

لذا ارجو من كل أزهرى يوافقنى الرأى ويستطيع أن يوصل مثل هذا الإقتراح للمسؤلين أن لا يتردد فى فعل هذا حتى نعلو بأزهرنا الغالى

كما أرجو من كل من يخالفنى الرأى أن يوضح لى ذلك

[مستر / طاهر أبو خزيم]

اوافقك الرأى فمستوى المعلم لا يتوقف على تقرير الموجه فانا كمدرس اريد ان يكون الموجه متواجد بصفة مستمرة على مدى العام الدراسى ولو مرة فى الأسبوع ولا يقتصر وجود الموجه من أجل التقرير فحسب بل عليه ان يضيف شيئا جديدا للمعلم وللتلميذ او يدل المعلم على طرق التدريس الحديثة التى تفيده وتفيد التلاميذ

[عيد فاروق محمد]

شكراً على ردك يا مستر طاهر وأرجو مشاركة باقى الزملاء ليكون لنا صوت واحد

[teacher120]

وياريت مش ييجى خالص لانه بييجى للنقد وفقط ولا يفيد ن قريب او من بعيد اللهم الا قله منهم

[المصارع]

فعلا كلامك صحيح

[Hamada Radwan‏]

يا جماعه نعم التقارير ليست دليلا على كفاءة المعلم لكن راقب الله فى عملك وسوف تأ التقرير فى الاخرة على عملك أما الموجه سواء جاء مرة واحدة فى الترم او مرات فمن الممكن ان يكون المدرس بلا ضمير وعندما يأتيه الموجه يستعد للحصة وبعد ذهاب الموجه يعود إلى غيلب الضمير فكل مدرس لابد ان يكون موجها على نفسه ومحاسبا أياها كلامى مجرد رأى وشكرا

[mrenglish22]

اكيد الانسان يحاسب نفسه ولا يخاف الا الله

[abdeladeltec]

بس انا بشوفه مرتين بس فى السنة كلها
يعنى فى الدورة الفنية فقط
وفى الاخر يطلع 100 عيب

[سلمى حسنى]

منحة شهر ونصف

لجميع العاملين بالأزهر

حصلت جميع وزارات مصر بعد الثورة على شهر مكافأة

فقرر شيخ الازهر أعطاء جميع العاملين بالأزهر

مكافأة شهر ونصف وبحد أدنى 300جنية

في انتظار الفاكس للصرف

[البرهان الرياضى]

التقرير لا يفيد فى شيء
لا يضر ولا ينفع

[عيد فاروق محمد]

سمعت أخبار اليوم من أحد الموجهين العموم أنهم فعلاً بصدد إلغاء التقارير الفنيه

ولكن للأسف الشديد سيستبدلونها بما هو أسوأ وهى تقارير كفاءه عباره عن كفء أو غير كفء

يعنى الموجه هيتحكم فى المدرس بطريقه غير معقوله بمعنا أنه إذا قال ان المدرس غير كفء سيتم تحويل المدرس لأعمال كتابيه

فهل هذا يرضى ربنا

[ابواروى555]

اولا التقارير حا ليا فى ظل قانون الكادر لا تنفع ولا تضر يعنى ملهاش اى لازمه واى موجه يترسم او يتنك عليك قلو بل تقريرك ميه واشربه ورلعى ربنا فى شغلك

[Observer]

المشاركة الأصلية كتبت بواسطة teacher120

وياريت مش ييجى خالص لانه بييجى للنقد وفقط ولا يفيد ن قريب او من بعيد اللهم الا قله منهم

ايوة معاك يابوحميد
مش عايز اشوف وش حد فيهم
لا بيحلوا ولا بيربطوا وعالة على الأزهر بدون فايدة
ولو يمسكوا جدول حصص من ابو 20 حصة يكون افيد

[ام علاء]

كلامكم صح انا كان لى واحدة زميلتى واحنا طلبةكان فيه
مدرس عندنا ما كانشى بيحبها خالص لمااشتغلنا وجه علينا موجه
اداها تقريرفيه نفس الملحوظات اللى كان بياخدها عليها واحنا طلبة
جت تشتكيه قالوا لها مش هينصفوا المدرس على الموجه

[ابو مريومة]

انا يمكن كلامي يكون غريب شوية
انا شايف ان الموجه ميدخلش اصلاالفصل لان ده تقليل من شان المدرس والمفروض يكون المدس بلا تقييم والا ميعينوهش اصلا مدرس
سبحان الله
المدرس يتقيم قدام طلابه
المدرس ياخد اقل مرتبات
المدرس كل شويه امتحانات
المدرس فار تجارب للافكار الجديدة
المدرس لازم ياخد اى سي دي ال
المدرس ياخد دبلومة
مش كفاية المناهج اللى محطوطة غلط
مش كفاية دفترتحضير مقرف كل يوم بيتعامل معاه
مش كفايه ل ميشرح درس ميلاقيش اى علاقة بيه وبالى قبليه
مش عارف اقول ايه
مفيش فايده