دعوة للنقاش لماذا تأتي اغلب دعوات الاعتصام والاضراب من العضويات المنضمة حديثا !!!!!!!

[تامر محمود مراد]

مش عارف ليه معظم العضويات الجديدة في المنتدي هي اللي بتشجع علي الاضرابات والاعتصامات انا حاسس انهم جزء من الثورة المضاده فاكرين بعد اول خطاب للرئيس المخلوع المنتدي اتملي موضوعات تدعو الي التهدئه واعطاء الرئيس المخلوع فرصه لتسليم السلطة بعد 9 شهور وبعد ما حسني اتخلع المنتدي اتملي عضويات جديده تدعو للاضراب والاعتصامات وتعطيل العمل المفروض اكيد دول من بقايا امن الدوله والداخلية والحزب الواطي عايزين البلد تفضل في فوضي وعدم استقرار علشان يلتفوا علي اهداف الثورة يجب عدم الانصات الي دعوات الاعتصام وتعطيل العمل في هذه المرحلة

[تامر محمود مراد]

سنعمل علي نجاح ثورة الشعب المصري من خلال العمل والانتاج وعدم الاعتصام والاضراب

[Mark 2011]

ياريت ما يكونش فيه تاجيل تانى للمدارس علشان نرجع تانى للعمل بدل من الفوضي و عدم الاستقرار

[miss_emy]

يا رب ونعمر بلدنا ونبنيها لا اعتصام ولا اضراب بعد اليوم

[عمر مصطفى احمد]

هههههههههههههههه يعنى احنا فى الاخر طلعنا عملاء للنظام والله حلوه بس احنا مشتريكين فى المنتدى من بدرى يا استاذ تامر اكيد احنا كنا عارفين ان الريس هيتخلع فعملنا حسابنا واله عيب كدا ليه متقلش ان الناس اللى مشتركه فى المنتدى جديد لسه مش كملت 3 سنين لكن حضراتكم مكملين 3 سنين ومستوفين الشروط عشان كدا مش من مصلحتكم تعملوا مظاهرات الله يرحم ايام زمان ايام مكنتوا مثبتين موضوع خاص بالاعتصام دلوقتى العكس انا هسال حضرتك سؤال ويا ريت تجاوب بكل صراحه لو صدر قرار ان محدش هيثبت خالص لا اللى امتحن كادر ولا حتى اللى عد عليه 3 سنين تفتكر كان هيبقى ليك نفس الموقف والله ابدا

[عمر مصطفى احمد]

انا هضرب مثال بسيط فى المدرسه عندى لما نتكلم يقولوا سيبوا الناس تشتغل اقسم بالله كان فيه كلام ان الكادر هيتشال كلهم بلا استثناء قالوا لو الكادر اتشال كلنا نعمل اعتصام هههههههههههههههههه وسلملى على الاستقرار كل واحد عملى فيها وطنى واول ميحس انه هيضر من حاجه اول واحد يقول اضراب يا ريت محدش يشكك فى وطنيتنا وينسب الصفه دى ليه هو بس

[احمد حشمت احمد]

ربنا يعدي الايام دي علي خير

[ashrafe2003]

المشاركة الأصلية كتبت بواسطة تامر محمود مراد

مش عارف ليه معظم العضويات الجديدة في المنتدي هي اللي بتشجع علي الاضرابات والاعتصامات انا حاسس انهم جزء من الثورة المضاده فاكرين بعد اول خطاب للرئيس المخلوع المنتدي اتملي موضوعات تدعو الي التهدئه واعطاء الرئيس المخلوع فرصه لتسليم السلطة بعد 9 شهور وبعد ما حسني اتخلع المنتدي اتملي عضويات جديده تدعو للاضراب والاعتصامات وتعطيل العمل المفروض اكيد دول من بقايا امن الدوله والداخلية والحزب الواطي عايزين البلد تفضل في فوضي وعدم استقرار علشان يلتفوا علي اهداف الثورة يجب عدم الانصات الي دعوات الاعتصام وتعطيل العمل في هذه المرحلة

مش ده تاريخ تسجيلك المنتدى تاريخ التسجيل 15-10-2010 مجموع المشاركات 131

شوف انا بقى اقدم منك ولا لا
انت مش بتحب الا نفسك ومش عاوز حد يتساوى بيك فى التعيين
انانـــــــــــــــــــــــــــــــــية

[مريم اليكس2011]

الرحمه من عندك يا رب

[المعلم الحزين]

ياجماعه صلو علي النبي ربنا معاكم كل اللي عايز يعمل اضراب او اعتصام انا معاكم اسعد لحظات حياتي وانا بكتب عن الاضرابات والاعتصامات وانا بنبه الناس ازاي تاخد حقها ياريت الكل يصحي احنا فضلنا محومين بالمباحث علي مدي فترة دامت من 52 الي الان والريس حسني كان حكمنا بالمباحث مخبر لكل مواطن وعايزنا لما نقدر نقول لا نسكت لا طبعا هنقول لا واعمل اللي انت عايزة واحنا وطنيين واسكت ياحج

[محمود محمد كامل الاسيوطى]

منهم لله اللى بيطلبوا باعتصام وعاوزين يدمروا البلد اكتر ماهى مدمرها انا ضد سياسة (اللى يخطف ياخد) بلاش التفكير العقيم ده وخاصة من اشخاص المفروض انهم معلمين اجيال وبيتكلموا عن اننا بندافع عن المصلحة الشخصية والفلوس والمرتبات فعلا هو ده تفكيرهم الفلوس بس لكن بكده بيظهروا فعلا الفرق بينا وبينهم فياريت نبطل نهاجم بعض واللى ليه رزق فى حاجة محدش يقدر يمنعه (وفى السماء رزقكم وماتوعدون)

[تامر محمود مراد]

اولا انا خريج 2002 اشتغلت 4 سنين بالاجر 5 بالتعاقد ولحد دلوقتي متعينتش وانا رايي في الاعتصام والاضراب واحد حتي قبل صدور القرار رقم 53 هو اننا نصبر لحد ما الازمة اللي فيها البلد تعدي علي خير وانا مستعد لو جالي التعيين اتنازل عنه لو كان مفيش فلوس في الدولة الوضع في البلد اتغير يا جماعه واللي كان بيحصل زمان مش هيتكرر والمدرس هياخد حقه في البلد وهيبقي ليه مكانه مرموقة ان شاء الله واحنا لينا مطالب مشروعه بس الوقت مش مناسب كل الشعب المصري كان مظلوم في العهد السابق مش المدرسين بس والوزارة مش هتقدر تلبي كل طلبات الشعب مرة واحده فالمطلوب في هذه المرحلة الصبر