البقاء لله فى محافــــــظة المنـــــــيا

[مصرى أنا]

مفيش أى أخبار عن موقف المعلمين المساعدين الذين سيتم تثبيتهم فى محافظة المنيا .
والله أنا تعبت ما بين الادارة عندنا وما بين مديرية التربية والتعليم .
أروح الادارة واسأل فى التعيينات " الأسماء هتعلقوها امتى ؟ " يقولوا مفيش أسماء وصلت .روح المديرية .
أروح المديرية يقولولى " بعتناها الادارات " روح الادارة.
طيب اعمل ايه تانى . أن بجد مش فاهم حاجة .
ومليت .
أنا خلاص هاقعد فى البيت واللى يحصل يحصل .
لا حول ولا قوة الا بالله العلى العظيم

[المعلم الحزين]

يعم يعوض ربنا هو انت مش شايف اللي ربنا ينتقم منهم بتوع الحصه عاملين ايه مش مخليين الناس تشوف شغلها انا متهيقلي لو علقو الاسامي بتوع الحصه هيقطعوها ربنا يقطعهم

[heba7]

حضرتك انا من ابو قرقاص من ضمن الناس اللي متعينتش علي الرغم من استيفاء الشروط اخر كلام عندنا انه مفيش اسماء هتعلن لان الكشوف الصحيحة هتوصل الخميس ان شاء الله لان في ناس من اللي جتلهم التهنئة نازلين في الكادر او مش واخدينicdlوبالتالي الادارة بعتت الكشوف الصحيحة للوزارة والاكاديمية

[mo1112]

المشاركة الأصلية كتبت بواسطة معلم مساعد حزين2

يعم يعوض ربنا هو انت مش شايف اللي ربنا ينتقم منهم بتوع الحصه عاملين ايه مش مخليين الناس تشوف شغلها انا متهيقلي لو علقو الاسامي بتوع الحصه هيقطعوها ربنا يقطعهم

ولو انت مكانهم وبتقبض في الشهر 15 جنه وممكن كمان تكون متجوز ومعاك حتة عيل واحد كنت ممكن تعمل ايه . أعتقد انك كنت ممكن تعمل زيهم واكثر على فكرة أنا إن شاء الله من المعينين

[مصرى أنا]

المشاركة الأصلية كتبت بواسطة heba7

حضرتك انا من ابو قرقاص من ضمن الناس اللي متعينتش علي الرغم من استيفاء الشروط اخر كلام عندنا انه مفيش اسماء هتعلن لان الكشوف الصحيحة هتوصل الخميس ان شاء الله لان في ناس من اللي جتلهم التهنئة نازلين في الكادر او مش واخدينicdlوبالتالي الادارة بعتت الكشوف الصحيحة للوزارة والاكاديمية

على فكرة انا فى حد فى الادارة قالى كشوف الأسماء اللى بعتناها هى أسماء المعلمين الذين لم تصل أسماؤهم . وذلك حتى يحددوا موقف تعيينهم .
فأنا مستغرب هم عرفوا ازاى اسماء الناس دى . يعنى ممكن يكون وصلتهم الاسماء الى اتعينت .
بالمناسبة : أغرب رد سمعته من شخص فى الادارة أن هم علقوا الاسماء ولكن قطعها المعلمين الذين لم يجدوا أسماءهم .
قولتله امتى اتقطعت انا هنا كل يوم . طيب متعيدوا تعليق الاسماء مرة تانية . رد على وقالى الورق اللى اتقطع كان الاصل . ومش معانا ورق تانى غيره .
بجد حاجة كوميدية جدا اللى بيحصل فى المنيا.
ولا نقول الا ما يرضى ربنا " لا حول ولا قوة الا بالله العلى العظيم "

[mo1112]

يا ريت يا معلم يا حزين ترد عليا