طلبات التثبيت وكذبة اسمها التثبيت ويوم الكرامة لأبناء سوهاج

[خالد المصرى2]

أولا : السلام عليكم ورحمة الله .
ثانيا : هذه أول مشاركة لى فى منتدى المعلم المساعد . ( سوهاج )
ثالثا : كذبة كبيرة اسمها التثبيت .
رابعا : أقسم بالله العلى العظيم ، أن أنا اسمى جاء من أسماء المثبتين محافظة سوهاج ، ولكن وجهة نظرى أن هذه الكلام كله كذب وخدعة وتهدئة لثورة الناس ، والدليل على ذلك أنه حتى الآن لم يتم التثبيت الفعلى لأى محافظة من المحافظات ، وأن الكلام كله كلام فى كلام ، وأن كل محافظ يستقيل أو يرفع اعتماد الورق أو يأجل أو مش فاهم ، وكذلك وكلاء الوزارة مش فاهمين حاجة ولا عارفين ، وكأن الوزارة نسيت إجراءات التثبيت ، بالله عليكم مصدقين أن هناك تثبيت ؟ ما الدلائل .
خامسا : كله مماطلة وتعقيد ، لماذا لم يتم تثبيت فورا ، وبعدها نستكمل الإجراءات . القرار معتمد من يوم 14 / 2 ولم يتم التثبيت الفعلى حتى الآن أكثر من أٍسبوعين ، وكأن الأكاديمية مش مجهز الأسماء ولا عارفه شئ .
سادسا : يوم الكرامة لأبناء سوهاج الاعتصام أمام المديرية يوم الاثنين والثلاثاء الساعة 9 حتى يتم التثبيت الفورى ويصل منشورا فورا إلى الإدارات بتثبيت كل من استوفى الشروط ( التربوى – الأكاديمية – الرخصة ) ويصل كذلك إلى المدارس ويتم إضافة اسمائنا إلى كشوف المثبتين فى رواتب شهر مارس .
سابعا : الظلم ( أسماء زملائنا التى لم تأت حتى الآن وكل هذا بسبب خطأ من موظف الأكاديمية الذى يجلس على كرسى ويكلمنا من فوق ( حسبى الله ) . الاعتصام أمام المدريرية ثم المحافظ ، ثم الأكاديمية حتى تأت الكشوف بالأسماء لكل من استوفى الشروط ، والذين سقط اسمهم سهوا .
حتقولوا حننتظر كام يوم ( اقسم بالله كل هذا ممكن يحدث فى يومين ) ألم تقم الأكاديمية بعمل ايميل للمعلم المساعد ، والظاهر نسيت تعمل ايميل لنفسها وللموظفين ، يقوم السيد لامحترم فى أكاديمية سوهاج بإرسال الكشوف على الإيميل والأسماء التى سقطت سهوا ( هههههه حسبى الله ونعم الوكيل ) إلى الفرع الرئيسى ثم يطبعهم الفرع الرئيسى ، ويعتمدهم ، ويرسلهم مرة أخرى إلى الأكاديمية والمديرية .
ثامنا : بالله عليكم كفى زلا وهوانا لقد أصبحنا المعلمين المهانيين فى كل المدارس هل حدث كل هذا الذل الهوان مع الأساسيين ؟ ألم نتهى من الامتحان فى شهر 20/11 منذ أكثر من سنة ، هل تم تطبيق كل هذه العقد على الأساسيين ( رضينا بالهم والهم مش راضى بينا )
تاسعا : أحلفكم بالله هل أنتم مصدقين بالتثبيت السريع ؟ كم مرة سمعنا من يسرى الحمار ، والكابن زيزو بدر عن تثبيت 80 ألف وفى الآخر اتقرضوا إلى ( 43 ) ألف إلى متى نرضى بالذل والهوان .
عاشرا : أنا وطنى وبحب مصر ومستعد أموت واضحى روحى من أجلها ، ولكن إذا كنت مهان ومذلول فى بلدى ؟ أنرضى بالذل والهوان ( من لم يمت بالسيف مات بغيره ) لكل أجل كتاب ( من رأى منكم منكرا فليغيرة....)
· يا أبناء سوهاج الشرفاء الرجال يا أبناء جهينة الذين حاربوا ضد الفرنسيين ، ( أم أقول يا أ[ناء محافظة الميتين أم الن.........) عيب أن أقول هذا ولكن من شدة الغضب أرجوكم هذه آخر فرصة ، وأنت يا أبناء المحافظات الأخرى الاعتصام حتى التثبيت الفعلى وليس مجرد كلام .
· * اعتصام يومين مش حيخرب الدنيا ، وايه يعنى لما تأجل المدرس أسبوع آخر ما التعليم بايظ بايظ
· أرجوكم فلنقم بدورنا ودعنا من هؤلاء الأساسيين الجبناء الذين يرون الفساء ويسكتون عليه ) ( الساكت عن الظلم شريك فيه )
· رجاء أخير موعدنا غدا وبعد غد الساعة التاسعة ( الذين أتت أسمائهم لا تنسوا كلامى مطالبنا لن تحقق بكل سهولة ولن يحدث تثبيت سريع وموت ياحمار وممكن يقلك التثبيت على السنة المالية الجديد ) وكم من قرار اتخذ ولم يطبق أو طبق بعد شهور )
· خمس سنوات ضاعوا من العمر هباء منثورا إلى متى ؟ وبعدين هم عايزين ايه تانى ورق أقسم بالله أننا قدمنا أكثر من ثلاث مرات ورق من تعاقد منذ 2005 ، وفى الآخر الورق فى المنشاة يتحرق ( حسبى الله )
· بداخلى كلام كتير ولكن مفى هذا حتى اسمع ردكم وإن كنت مخطئ فى تفكيرى أخبرونى بالله عليكم .

[ايهاب2323]

احنا معاك وربنا ينصرنا

[amirahmed]

تمام الملاحظ انة حتى الان لم يتم تعيين فعلى لاى احد على مستوى الجمهورية

[رامي ابو عاشور]

يا استاذ خالد ارجو منك عدم الاستعجال فنحن قد انتظرنا اكثر من خمس سنين علي منزلت اسماءنا في كشوف التثبيت مش حنقدر نستني اسبوع تاني عشان تبدأ اجراءات التثبيت يعني جت علي الفترة القليلة طب ليه كلنا سكتنا وصبرنا طول الخمس سنوات ليه مفيش حد اتحرك حتي بعد اول ثلاث سنوات ، وايضا مش من طبيعة المدرس المصري ان يستغل ظروف البلد السيئة ويحاول يضغط علي جرحها الذي ينزف من الاساس ويصبها بالشلل او الموت يا جماعة اللي بيحب البلد دي بجد يعطي فرصة للناس انها تشتعل مفيش حاجة بتجي كروته كدة عشان حتي يعملوا الحكاية دي صح
وفي نهاية الكلام احب اقولك ان الاسماعلية استملت جوبات التعيين وسلموها لاداراتهم نقلا عن احد زملائي هناك وعلي فكرة انا من سوهاج وخلي بالك السوهاجين راوحوا ميدان التحرير ومسبوش الثورة ابدا والباقي اللي مقدرش يسافر كان بقلبه مع شباب الثورة الشريفة

[vip_ame]

انا من الاسماعيلية فعلا واستلمت جواب التعيين وسلمته للادارة واستلمت جواب تانى من الادارة علشان اسلمة للمدرسة وفى المدرسة المفروض عمل اخلاء طرف من وظيفة معلم مساعد واقرار قيام بالعمل على وظيفة معلم

ودى صورة من جواب المديرية

[نرمين عمر]

فين صورة جواب المديريه

[احمد الكوامي]

المشاركة الأصلية كتبت بواسطة vip_ame

انا من الاسماعيلية فعلا واستلمت جواب التعيين وسلمته للادارة واستلمت جواب تانى من الادارة علشان اسلمة للمدرسة وفى المدرسة المفروض عمل اخلاء طرف من وظيفة معلم مساعد واقرار قيام بالعمل على وظيفة معلم

ودى صورة من جواب المديرية

معلش اخي الفاضل الصورة فيين

[رائحه الورد]

ممكن نشوف صروه الجواب

[أحـمد قرنى]

المشاركة الأصلية كتبت بواسطة رامي صابر

يا استاذ خالد ارجو منك عدم الاستعجال فنحن قد انتظرنا اكثر من خمس سنين علي منزلت اسماءنا في كشوف التثبيت مش حنقدر نستني اسبوع تاني عشان تبدأ اجراءات التثبيت يعني جت علي الفترة القليلة طب ليه كلنا سكتنا وصبرنا طول الخمس سنوات ليه مفيش حد اتحرك حتي بعد اول ثلاث سنوات ، وايضا مش من طبيعة المدرس المصري ان يستغل ظروف البلد السيئة ويحاول يضغط علي جرحها الذي ينزف من الاساس ويصبها بالشلل او الموت يا جماعة اللي بيحب البلد دي بجد يعطي فرصة للناس انها تشتعل مفيش حاجة بتجي كروته كدة عشان حتي يعملوا الحكاية دي صح
وفي نهاية الكلام احب اقولك ان الاسماعلية استملت جوبات التعيين وسلموها لاداراتهم نقلا عن احد زملائي هناك وعلي فكرة انا من سوهاج وخلي بالك السوهاجين راوحوا ميدان التحرير ومسبوش الثورة ابدا والباقي اللي مقدرش يسافر كان بقلبه مع شباب الثورة الشريفة

أستاذ رامى : الشعب كله كان ساكت ونايم 30سنة أليس هذا بكافى ، المسكنات لم تاتى بحلول ، والتسويف لن يكون الحل ، ربنا عطانا الارادة والتوحد اليومين دول ، محدش عارف بكرة هيحصل إيه

[tatateto]

المشاركة الأصلية كتبت بواسطة رامي صابر

يا استاذ خالد ارجو منك عدم الاستعجال فنحن قد انتظرنا اكثر من خمس سنين علي منزلت اسماءنا في كشوف التثبيت مش حنقدر نستني اسبوع تاني عشان تبدأ اجراءات التثبيت يعني جت علي الفترة القليلة طب ليه كلنا سكتنا وصبرنا طول الخمس سنوات ليه مفيش حد اتحرك حتي بعد اول ثلاث سنوات ، وايضا مش من طبيعة المدرس المصري ان يستغل ظروف البلد السيئة ويحاول يضغط علي جرحها الذي ينزف من الاساس ويصبها بالشلل او الموت يا جماعة اللي بيحب البلد دي بجد يعطي فرصة للناس انها تشتعل مفيش حاجة بتجي كروته كدة عشان حتي يعملوا الحكاية دي صح
وفي نهاية الكلام احب اقولك ان الاسماعلية استملت جوبات التعيين وسلموها لاداراتهم نقلا عن احد زملائي هناك وعلي فكرة انا من سوهاج وخلي بالك السوهاجين راوحوا ميدان التحرير ومسبوش الثورة ابدا والباقي اللي مقدرش يسافر كان بقلبه مع شباب الثورة الشريفة

عين العقل يا استاذ رامي يا ريت كلنا نفكر زيك المسألة مش ناقصة توتر وشد اعصاب اكتر من كدة وحقيقي السوهاجية دول رجالة رجالة رجالة وعلي فكرة انا من بورسعيد وما فيش فيها لاحس ولاخبر لا تعيين ولاتثبيت

الصبر يا جماعة ( وبشر الصابرين)

[عمر مصطفى احمد]

كلنا جاين بكره انشاء الله انا عن نفسى جاى

[vip_ame]

صورة الجواب فى المرفقات مغعلش انا ما اخدتش بالى انها ما اترفعتش

[احمد الكوامي]

ان شاء الله خير