إلى كل المعلمين المساعدين الشرفاء (( نصيحة هامة جدًا)) أرجو التثبيت

[mr_mostafa84]

مش هقول المساواة فى الظلم عدل لان دى مقولة غلط بس هقول ان التدريس اشرف مهنة و مش اى حد يستحق هذا الشرف ولازم فعلا يكون مؤهل و يخضع لاختبارات تؤهله لهذا الشرف اذا كان الوزير نفسه بيعمل انترفيو قبل الوزارة و بيكون قابل انه يتشاط فى الشارع اذا اثبت عدم الكفاءة
انا فاكر و انا بدرس تربيه مقارنه ازاى المدرس كان بيخضع لاختبارات قاسية فى اليابان و المانيا عشان بس يكون مدرس ابتدائى و للامانة هما عندهم مدرس الابتدائى مكانته اعلى من مكانة الوزير و ده فعلا لا قولا عشان كده سبقونا بكتير
و انا اقسم بالله ان فيه مدرسين كتير و الله العظيم لا يعلمون شىء و جهله تماما بمادة تخصصهم و اخرهم واحد زميلى احرجنى لما جبتله درس و فوجئت انه بيحل غلط و مش عارف حاجه و كان الموضوع ده فى وشى فى الاخر
مش بقول نعذب الناس ولا نذلهم لا
ياخدو مرتب محترم بس يخضعو كل حين لاخر لاختبارات تربوية و مهنية و تقويم و تقييم مستمر لنضمن عودة الهيبة للمدرسة مره أخرى كمؤسسة قيادية فى الدولة